Josué 10:11 - Chayahuita (Shahui)

¹¹ Piti-oron ninano yaꞌcariꞌ, aꞌna nicotoana yaꞌhuërin. Inataquëchin aꞌnaquën amororoꞌsasoꞌ, israiroꞌsa tëꞌhuatatona paꞌmapi. Ina paꞌtomasoi, Siniorori chachin inápa quëran notohuaroꞌ panca naꞌpiroꞌsa aꞌpatiimarin. Ocai pochin aꞌpatiimarin. Ina naꞌpiroꞌsari notohuaroꞌ tiquirin. Israiroꞌsari sahuëniquë tëpapi quëran naꞌcon naꞌcon tiquirin.

Josué 10:11 ပူးပေါင်းရင်းမြစ်များ

Génesis 19:24

Naporoꞌ Siniorori, pën oꞌnan pochin aꞌpaimarin. Shaꞌpi moꞌshirë chachin, aꞌpaimarin. Sotoma, Comora, inapita ninanoroꞌsa aipi aꞌpaimarin.

2 Samuel 18:8

Yaꞌipi ina tanan nani chachin niahuëpi. Napoaponahuëꞌ, co Tapi sontaronënpitariáchin ina nápo tiquirinhuëꞌ. Tanani naꞌcon naꞌcon napotërinsoꞌ.

Copo naporinso' 38:22

Ocaiꞌ, ocai tachitërinsoꞌ, inapitaso taparahuëquë yaꞌhuëárin. Inapita taparahuëquë: ¡Co onporonta quëmasoꞌ niꞌconanhuëꞌ!

Copo naporinso' 38:23

Quira nicatona piyapiꞌsa niaparisitopi. Napohuachinara, ca nohuanton ocai anotohuachina, copi topi.

Apocalipsis 11:19

Ina quëran huaꞌnarëso pochin nicasoco, Yosë pëinën inápaquë yaꞌhuërinsoꞌ niꞌsoatërin niꞌnahuë. Iráca chinotopiso pëi acohuana Yosë caposonën yaꞌhuërin. Ina pochin nininsoꞌ inápaquë niꞌnahuë. Nicasoco, oꞌcoritërin, tënëntërin, huiratërin, ocohua paꞌnin, ocaiꞌ anotërin, naporin. Yosë chiníquën nanantërin niꞌton, naporin.

Apocalipsis 16:21

Inápa quëran ocaiꞌ anotapon. Panca masho niꞌton, quëquën. Catapini shonca quiro pochin quëꞌninsoꞌ. Naꞌa anotohuachin, piyapiꞌsaꞌ chiníquën parisitapi. Napoaton Yosë chiníquën noꞌhuitonaꞌ, pinosapi huachi.

Jueces 5:20

Tayoraroꞌsa piꞌiroꞌtëquë yaꞌhuëpi. Inapitanta catahuainpoaso marëꞌ Sisara ahuëimatë pochin nipi. Sinioro catahuarinpoa niꞌton, napopi.