Josué 10:10 - Chayahuita (Shahui)

¹⁰ Sinioro nohuanton amororoꞌsa paꞌpi paꞌyanpi. Inapohuachinara, Cosoisoꞌ sontaronënpitarë chachin, notohuaroꞌ amororoꞌsa tëpapi. Capaon ninano tancapitapirinahuëꞌ, inapotopi. Aꞌnaquën amororoꞌsaso taꞌapirinahuëꞌ, israiroꞌsari imapi. Piti-oron ninanoquë ira paꞌninso parti imapi. Aꞌnaquëonta Asica ninanoꞌ, Maquita ninanoꞌ, inapita ninanoroꞌsa yaꞌhuërinso parti huarëꞌ taꞌapi. Napopirinahuë israiroꞌsari imatona notohuaroꞌ tëpapi.

Josué 10:10 ပူးပေါင်းရင်းမြစ်များ

2 Samuel 22:15

Pëꞌchinanquë shinërë tëꞌyatërëso pochin, oꞌcorinënpita aꞌpaimaran. Inimiconëhuëpita inaquë ohuanëso pochin ayanquëëran.

Deuteronomio 7:23

Co aꞌnaromarëáchin aꞌpapiramahuëꞌ, nani Sinioro acorinquëma oshaquëranchin inapita minsëcasoꞌ. Inapotatoma ataꞌhuantamaso marëꞌ acorinquëmaꞌ.

Josué 10:11

Piti-oron ninano yaꞌcariꞌ, aꞌna nicotoana yaꞌhuërin. Inataquëchin aꞌnaquën amororoꞌsasoꞌ, israiroꞌsa tëꞌhuatatona paꞌmapi. Ina paꞌtomasoi, Siniorori chachin inápa quëran notohuaroꞌ panca naꞌpiroꞌsa aꞌpatiimarin. Ocai pochin aꞌpatiimarin. Ina naꞌpiroꞌsari notohuaroꞌ tiquirin. Israiroꞌsari sahuëniquë tëpapi quëran naꞌcon naꞌcon tiquirin.

Josué 10:9

Siniorori shaꞌhuitohuachina, Cosoisoꞌ yaꞌipi sontaronënpitarë chachin Quiricaro quëran paꞌpi. Tashi pantarápatonaꞌ, amororoꞌsa co yonquiasoihuëꞌ ahuëcontapi.

Jueces 4:15

Sisara sontaronënpitarëꞌ niquënanpi huachi. Niahuëhuachinara, Siniorori Sisara sontaronënpita aꞌpayamiatërin. Toronanoꞌsaquë paꞌnapiroꞌsanta inapotërin. Sisara quëran huarëꞌ paꞌyanënquë toronanën quëran nohuararin. Nohuararahuaton noꞌpaꞌ taꞌatërin.

Jueces 4:16

Inapoaso Paracontaꞌ, sontaronënpitarë chachin inimico sontaroꞌsa imapi. Toronanoꞌsaquë paꞌnapiroꞌsanta Arosi-coimo ninanoquë huarëꞌ imapi. Naporo tahuëri Sisara sontaronënpita yaꞌipi tiquipi.

Jueces 5:20

Tayoraroꞌsa piꞌiroꞌtëquë yaꞌhuëpi. Inapitanta catahuainpoaso marëꞌ Sisara ahuëimatë pochin nipi. Sinioro catahuarinpoa niꞌton, napopi.

1 Samuel 13:18

Aꞌna huëntontaꞌ, Piti-oron ninanoquë paꞌnin. Yaꞌhuërëꞌ aꞌna huëntonsoꞌ, Sipoin motopiana quëran motopiaꞌhua pantarinquë paꞌnin. Inotëro parti ira paꞌninꞌpaꞌ inasoꞌ.

1 Samuel 17:1

Huiristinoꞌsa naquëranchin sontaronënpita yontoantarahuatonaꞌ, israiroꞌsa yaahuëantapi. Cota huënton noꞌpaquë cato ninano yaꞌhuërin. Soco, Asica, inapita. Inapita huáncana Ipisi-tamin itopiquë huëcatonaꞌ, yaꞌhuëintarapi. Ina piquëran huiristino sontaroꞌsasoꞌ, Socoquë niyontonpi.