Josué 1:7 - Chayahuita (Shahui)

⁷ Napoaton ama tëꞌhuatonhuëꞌ, chiníquën cancantëquëꞌ. Piyapinëhuë Moisësë nani pënëninquëmaꞌ. Yaꞌipi ina pënëntërinsoꞌ natëquëꞌ. Ama manta ina naniantëquësohuëꞌ. Ina pochin nipatan yaꞌipi maꞌpitaso ninanquë noya pipitarinquën.

Josué 1:7 ပူးပေါင်းရင်းမြစ်များ

1 Reyes 2:3

Nani Yosë camairinpoaꞌ, aꞌchintërinpoa ina nohuantërinso nicacasoꞌ. Yaꞌipi ina camaitërinso natëquëꞌ. Yaꞌipi Moisësë ninshitërinpoaso natëquëꞌ. Ina mini Yosë pënëninpoaꞌ. Ina pochin nipatan, nani maꞌsha ninanquë noya pipitarinquën. Intohuasona paꞌpataontaꞌ, noya paꞌsaran.

2 Reyes 22:2

Cosiasë huaꞌanëntapon noyasáchin ninin. Noꞌtëquën Sinioro natërin. Iráca shimashonën Tapi naporinso pochin inanta ninin.

Copo naporinso' 1:8

—¿Piyapinëhuë Copo itopiso niꞌchinan to? Co insonta paso roꞌpaquë ina pochin yaꞌhuërinhuëꞌ. Inaso noꞌtëquën natëtonco, noyasáchin ninin. Napoaton co maꞌmarë tërantaꞌ, pënënacaso yaꞌhuërinhuëꞌ. Naporahuaton co inso tërantaꞌ, maꞌsha onpotërinhuëꞌ, itaantarin Yosëri.

Salmos 80:19

Quëmasoꞌ Sinioronquën, yaꞌipi nanitaparan. Catahuacoi iráca pochachin niantaꞌi. Noya nicatoncoi nichaꞌëpatancoi, chaꞌësarai huachi.

Proverbios 8:20

Ca nohuanto piyapiꞌsa noꞌtën ira paꞌtopi. Ca nohuanto chachin noya nipi.

Deuteronomio 12:32

Yaꞌipi camairanquëmasopita, noꞌtëquën natëcoꞌ. Ama ina apancatocosohuëꞌ. Naporahuaton ama aꞌna nananya tëranta apahuantocosohuëꞌ,” itërin.

Deuteronomio 31:7

Ina quëran Moisësësoꞌ, Cosoi përarin. Naporoꞌ yaꞌipi israiroꞌsa niꞌtonënquë, huaꞌan acocaso marëꞌ shaꞌhuitërin: “Ama tëꞌhuaton, nisha nisha yonquiquësohuëꞌ. Siniorori shimashonënpoapita iráca: ‘Caso Yosëco niꞌto, iso noꞌpaꞌ shiparimapita quëtarahuë,’ itërin. Naporinso chachin quëmari isopita quëparahuaton, ina noꞌpaꞌ ahuaꞌanëntaran.

Deuteronomio 4:2

Sinioroso Yosënënpoa niꞌton, natëcaso marëꞌ naꞌcon camairinquëmasoꞌ, nani shaꞌhuitëranquëmaꞌ. Ama ina apancatocosohuëꞌ. Naporahuaton ama aꞌna nananya tëranta apahuantocosohuëꞌ.

Josué 1:1

Moisësësoꞌ Yosë piyapinën. Non huiꞌnin Cosoi itopisoso nipirinhuëꞌ, Moisësë catahuarin. Ina chiminpachina, Yosëri Cosoi nontaton itapon:

Josué 1:8

Nani tahuëri pënëntërahuësoꞌ quirica nontocoꞌ. Naporahuaton noya natëancoso marëꞌ tahuëri tashirë chachin ina yonquiráquëꞌ.

Josué 1:9

Carinquën camaiaranquën ama tëꞌhuatonhuëꞌ, chiníquën cancantacaso marëꞌ. Carinquën catahuaranquën. Insëquësona paꞌpatan caꞌtanaranquën. Napoaton ama paꞌyanquësohuëꞌ,” itërin Yosëri.