Josué 1:15 - Chayahuita (Shahui)

¹⁵ Quëmopinëmanta Siniorori catahuapon. Canpita catahuarimaso pochachin inapitanta noꞌpaꞌ quëtohuachina, sano cancantapi huachi. Nani inapitanta noꞌpaꞌ huaꞌanëntohuachinaꞌ, canpitanta yaꞌhuëramaquë chachin huënantapomaꞌ. Noꞌpanëmaquë yaꞌhuëmiatamaso marëꞌ huënantapomaꞌ, itërin.

Josué 1:15 ပူးပေါင်းရင်းမြစ်များ

1 Corintios 12:26

Maquënpoa tërantaꞌ iquin nipachina, yaꞌipi ninatanëꞌ. Inapochachin maquënpoa tërantaꞌ paꞌyatohuachinënpoaꞌ, yaꞌipi nonënpoaꞌ capa cancantërin.

1 Corintios 13:5

Piyapiꞌsaꞌ nosorohuatëhuaꞌ, co piꞌpisha tërantaꞌ atapanarihuahuëꞌ. Co canpoara nohuantërëhuasoachin yonquiarihuahuëꞌ. Tëhuënchachin nosorohuatëhuaꞌ, noꞌhuipirinënpoahuëntaꞌ co noꞌhuirihuahuëꞌ. Pinopirinënpoahuëntaꞌ, co ina yonquiarihuahuëꞌ, naniantarihuaꞌ.

Gálatas 5:13

Ina pochin, iyaroꞌsaꞌ, nontaranquëmaꞌ. Canpitasoꞌ Quisocristo nohuantërinquëmaꞌ. Nichaꞌërinquëmaꞌ ama huachi tëꞌhuarëꞌquëmaꞌ yaꞌhuëcamaso marëhuëꞌ. Co huachi yaꞌipi iráca pënëntërinsoꞌ imacasoꞌ yaꞌhuëpirinhuëꞌ, co Yosë nohuantërinhuëꞌ oshahuanacamasoꞌ. Quisocristo imapatamaꞌ, co noyahuëꞌ yonquiramasoꞌ naniantacasoꞌ yaꞌhuërin. Ninosoroatomaꞌ, nicatahuacoꞌ noya cancantacamaso marëꞌ. Aꞌnapita naꞌcon naꞌcon yonquicoꞌ.

Gálatas 6:2

Yaꞌipinpoaꞌ aꞌna tahuëri maꞌsha onporëhuaꞌ. Aꞌna tahuërintaꞌ sopai yanonpintërinpoaꞌ co noyahuëꞌ nicacaso marëꞌ. Napoaton nicatahuahuaꞌ noya yonquicaso marëꞌ. Panca pëꞌpëto nicatahuarëso pochin catahuahuaꞌ. Inapohuatëhuaꞌ, Quisocristo natëarihuaꞌ. “Ninosorocoꞌ,” itërinpoaꞌ.

Deuteronomio 9:1

Naquëranchin Moisësëri israiroꞌsa nontaantarin: “Natanco israiroꞌsanquëmaꞌ: Nani nanirin Cortaniiꞌ pëntontatomaꞌ, chini chiníquën nacionoꞌsa yaꞌcontatoma minsëamasoꞌ. Inaquë inápa pairahuan ninanoroꞌsa yaꞌhuëpirinhuëꞌ, canpitari yaꞌcontatoma minsëaramaꞌ.

Filipenses 2:4

Ama canpitaora nohuantëramasoráchin yonquicosohuëꞌ. Aꞌnapita nohuantërinsontaꞌ yonquiatomaꞌ, catahuacoꞌ.

Josué 1:1

Moisësësoꞌ Yosë piyapinën. Non huiꞌnin Cosoi itopisoso nipirinhuëꞌ, Moisësë catahuarin. Ina chiminpachina, Yosëri Cosoi nontaton itapon:

Josué 1:14

Yaꞌipinquëma nito ahuëtëramasopita, ahuëtamarë ohuararamaso macoꞌ. Saꞌamaꞌ, huiꞌnamaꞌ, inapitaso isëranchin quëparitapi. Pëꞌtahuanëmanta isëranchin quëparichin. Moisësë noꞌpaꞌ quëtërinquëmaquë, quëparitapi. Canpitaso nipirinhuëꞌ, yaꞌnatontatoma pacoꞌ. Quëmopinëma iscon huënton patoma yaꞌhuërinsoꞌ, catahuamaso marëꞌ pacoꞌ. Canaan noꞌpaquë yaꞌhuëpisopita minsërahuatomaꞌ, noꞌpanëna matamaso marëꞌ inapocoꞌ.

Josué 1:16

Napotohuachina inapitasoꞌ, Cosoi itaponaꞌ: —Yaꞌipi camairancoisopita nisarai. Intohuaso pacaꞌhuaiso camaihuatancoi, inaquë paꞌsarai.