Jonás 4:8 - Chayahuita (Shahui)

⁸ Piꞌi pipihuachina Yosësoꞌ: “¡Ipora tahuëri paꞌpi chiníquën piꞌi piꞌcachin!” tënin. Napohuachina, paꞌpi chiníquën piꞌi piꞌcataton Conasë yatëparin. Piꞌi tapinantochináchin ninatanaton yachiminin: —Chiminahuë naporini, noya noya niitonhuëꞌ, tënin noꞌhuitaton.

Jonás 4:8 ပူးပေါင်းရင်းမြစ်များ

Génesis 41:6

Inapita pirayan, canchisë chachin pipiantarin. Inapitasoꞌ piꞌiri ahuiquitërinso pochin yaꞌnopi.

1 Reyes 19:4

Ina quëran inasoꞌ, inotëro parti paaton, aꞌna tahuëriraꞌ iratërin. Napoin quëran nitama nara tashinantërinquë huënsëconin. Inaquë co napion cancantárin. Yachiminaton: “¡Co huachi Sinioro ahuantërahuëꞌ! ¡Cantaꞌ, shimashonëhuëpita pochachin naponahuë niꞌton, acopitochanco!” itërin.

1 Reyes 21:4

Napotërinso natanaton, inaso sëtërin, noꞌhuitërin, naporin. Pëinënquë quëhuënconahuaton, paira parti notëtërin quëran natantárin. Coshatacaso marëꞌ përapirinahuëꞌ, co nohuantërinhuëꞌ.

Copo naporinso' 2:10

—¡Coꞌchi quëmasoꞌ noꞌtëquën yonquiranhuë paya! Noya nininsopita Yosë quëtohuachinpoaꞌ, maꞌparëhuaꞌ. Co noyahuëꞌ nininsopitaso quëtohuachinpoaꞌ: ¿Co maꞌpacaso yaꞌhuërinhuëꞌ ti? ¡Inanta mini maꞌpacaso yaꞌhuërin! itërin. Inapoaton Coposoꞌ, parisitaponahuëꞌ ahuantërin. Co piꞌpian tëranta Yosë noꞌhuiton, oshahuaninhuëꞌ.

Salmos 121:6

Tahuërintaꞌ, co piꞌi acoarinpoahuëꞌ. Yoquintaꞌ, co manta onpotarinpoahuëꞌ.

Isaías 49:10

Co huachi tanaponahuëꞌ. Co huachi yamoroaponahuëꞌ. Co piꞌiri tëranta piꞌcaton aparisitaponhuëꞌ. Cari nosoroato insëchinsona pacacaisoꞌ, aꞌnotapo. Huinanoꞌsa yaꞌhuërinquë cari quëpapo.

Oseas 13:15

Israiroꞌsa noya yaꞌhuëantapirinahuë tërantaꞌ, cari chachin ataꞌhuantaantapo. Piꞌi pipirinso parti quëran ihuan huëcaton huinanoꞌsa ayanipon. Nitapacaiso marëꞌ paꞌton nininsopita tapapisoꞌ, inimiconënapitari matapon.

Levítico 10:3

Ina quëran Moisësëri Aaron itapon: —Pocamasoꞌ mini apiratatënquëma iꞌhua Sinioro naporin: “Yaꞌcaririnacosopita, noya noya ninahuëso aꞌnotarahuë. Israiroꞌsanta huënaratërahuësoꞌ, aꞌnotarahuë,” tënin. Aaronso nipirinhuëꞌ, co manta tëninhuëꞌ.

Jonás 1:17

Coꞌhuara tëꞌyaichátërasoihuëꞌ, Sinioroso aꞌnara panca sami Conasë miꞌtacaso marëꞌ camairin. Inapotohuachina, cara tahuëri tashirë chachin ina yoꞌnamënquë yaꞌhuërin.

Jonás 1:4

Marë huancoanaiꞌ paꞌsapirinahuëꞌ, Sinioro nohuanton panca ihuaiꞌ paꞌnin. Napohuachina, panca coꞌsacaitërin. Napoaton: “Ipora tëhuënchinso nancha yaꞌquiapon,” topi yonquiatonaꞌ.

Jonás 4:9

Yosëriso napoaponahuëꞌ: —Nonirintë ahuirinso marëꞌ ¡co inapochin noꞌhuitacaso yaꞌhuërinhuëꞌ! itërin. —Noya mini tënahuë casoꞌ. Chiminchináchin noꞌhuitërahuë, itërin Conasëri.

Mateo 20:12

‘Pasopitasoꞌ, aꞌna oraíchin sacatopi. Quiyaso nipirinhuëꞌ, yaꞌipi tahuëri sacatërai. Tashiramiachin quëran huarëꞌ piꞌi piꞌcarincoi. Huaꞌquiꞌ sacatopiraihuëꞌ, napopianachin pahuërërancoi. Co noꞌtëquën pahuërërancoihuëꞌ,’ itërin aꞌnari.

Apocalipsis 3:19

Nosoroatënquëmaꞌ, chiníquën nontëranquëmaꞌ. Anaꞌintaranquëmaꞌ noya cancantacamaso marëꞌ. Co noyahuëꞌ yonquiramasopita aꞌporahuatomaꞌ, casáchin tahuërëtantaco huachi.

Apocalipsis 7:16

Co huachi tanaponahuëꞌ, co yamoroponahuëꞌ. Co piꞌiri picahuachin, parisitaponahuëꞌ. Noya yaꞌhuëintarapi.

1 Samuel 3:18

Napotohuachina, Samoirori yaꞌipi Siniorori anitotërinso shaꞌhuitërin. Ina natanaton, Iriso panca paꞌyanin: —¡Sinioro nichinapon chachin maꞌsona nohuantërinsoꞌ niin! tënin.