Jonás 4:6 - Chayahuita (Shahui)

⁶ Yosëso Sinioro niꞌton, Conasë anaꞌitacaso marëꞌ aꞌnara nonirintë naꞌton pochin nininso apapotërin. Inapotahuaton aꞌna tashiya marëáchin imënamëaꞌhuaya asoꞌquëëtërin. Inapotohuachina, noyá imorapitërin. Napoaton Conasësoꞌ, nonirintë marëꞌ paꞌpi noya cancantërin.

Jonás 4:6 ပူးပေါင်းရင်းမြစ်များ

Proverbios 23:5

Intana noya yonquiriquëꞌ. Maꞌshasoꞌ, co yaꞌhuëtomiatopihuëꞌ. Inasoꞌ, onian yanponaton paꞌninso pochin nisarin. Anpiantëhuanaton paꞌninso pochin pataantarinpoaꞌ.

Amós 6:13

Notiparo ninanosoꞌ, aꞌnapitari huaꞌanëntapirinhuëꞌ, inapita canarahuatoma mataantaramaꞌ. Ina marëꞌ canpitasoꞌ: “Ma noyacha ahuëtërai paya,” toconamaꞌ. “Quiyaora chiniatoi, Carnain ninanontaꞌ, minsërai,” tomantatoma topinan quëran capa cancantëramaꞌ.

Jonás 1:17

Coꞌhuara tëꞌyaichátërasoihuëꞌ, Sinioroso aꞌnara panca sami Conasë miꞌtacaso marëꞌ camairin. Inapotohuachina, cara tahuëri tashirë chachin ina yoꞌnamënquë yaꞌhuërin.

Jonás 4:7

Napopirinhuëꞌ, tahuëririnquë tashíramiachin Sinioroso aꞌnara chaꞌcho nonirintë aꞌtonacaso marëꞌ camairin. Inapotohuachina aꞌnaroáchin ahuirin.

Lucas 10:20

Sopairoꞌsaꞌ aꞌpapiramahuëꞌ, ama ina marëáchin noya cancantocosohuëꞌ. Imaramaco niꞌton, Yosëꞌpaꞌ paꞌsaramaꞌ. Inatohuaꞌ nininëmaꞌ nani ninshitërinquëmaꞌ. Ina marëꞌ tëhuënchinsoꞌ nóya cancantocoꞌ, itërin.

1 Corintios 7:30

Aꞌna tahuëri sëtapomarahuëꞌ, ama sëtacamasorachin yonquicosohuëꞌ. Yosë yonquiatomaꞌ, noya cancantocoꞌ. Aꞌna tahuërintaꞌ capa cancantapomarahuëꞌ, ama inasáchin yonquicosohuëꞌ. Maꞌsha paꞌanacasontaꞌ yaꞌhuëtopirinquëmahuëꞌ, ama inasáchin yonquicosohuëꞌ.