Jonás 4:11 - Chayahuita (Shahui)

¹¹ Aquëtë huarëꞌ mini casoꞌ, Ninihui ninanoquë yaꞌhuëpisopita nosorocaꞌhuaso yaꞌhuërin. Inasoꞌ panca ninano niꞌton, pasa cato shonca huaranca naꞌcon piyapiꞌsa yaꞌhuërin. Inapitasoꞌ, huaꞌhuaroꞌsa co manta nitotatonaraihuëꞌ tëhuëpiso pochin nipi. Naporahuaton notohuaroꞌ pëꞌtahuaroꞌsanta yaꞌhuërin, itërin.

Jonás 4:11 ပူးပေါင်းရင်းမြစ်များ

Génesis 9:10

Yaꞌipi maꞌsharoꞌsanta yonquiato napotaranquëmaꞌ: Anpiantëhuanoꞌsaꞌ, pëꞌtahuaroꞌsaꞌ, tananquë maꞌsharoꞌsa yaꞌhuërinsoꞌ, nisha nisha nipisopita nancha quëran pipipiso yonquiato, shaꞌhuitaranquëmaꞌ.

Salmos 104:14

Quëma nohuanton pastoroꞌsa maꞌsharoꞌsa marëꞌ aꞌshinpi. Piyapiꞌsanta shaꞌtopisoꞌ noyatohuachinara, cosharo yaꞌhuëtopi huachi.

Isaías 1:18

Huëco paꞌahua nonatëhua anoyatahuaꞌ. Quëhuanën quëran aꞌshitërëso pochin naꞌcon oshahuanpiramahuëꞌ, inquitaranquëmaꞌ. Ina inquitatënquëmaꞌ, ocai, piꞌshiro, inapita huiritërinso pochin, anoyacancantaranquëmaꞌ.

Isaías 7:16

Ina huaꞌhuasha coꞌhuara chinotoaꞌhua nishátërasohuëꞌ, ipora cato copirnoroꞌsa aꞌpayaninquënsopita noꞌpanënaꞌ, ataꞌhuantapona huachi.

Jonás 1:2

“Ninihuisoꞌ, panca ninanoꞌ. Napoaponahuë inaquë yaꞌhuëpisopitasoꞌ, co imatonacohuë paꞌpi co noyahuëꞌ nipi. Napoaton inaquë paquëꞌ. Paꞌsahuaton ataꞌhuantaꞌhuaso yonquirahuësoꞌ, shaꞌhuiconquëꞌ,” itërin.

Jonás 3:10

Copirno camaitërinso chachin yaꞌipi piyapiꞌsa co noyahuëꞌ nipiso aꞌpopi. Yosësoꞌ, napopiso niꞌnin. Ina nicaton nosororin. Inapoaton ataꞌhuantacaso yonquirinsoꞌ, tananpitërin.

Jonás 4:10

Naporo Siniorori: —¡Maꞌhuantacha quëmaso yonquiran paya! Co quëmari nonirintë shacaton asoꞌsoranhuëꞌ. Co piꞌpian tëranta inaquë sacatëranhuëꞌ. Inasoꞌ, ca nohuanton aꞌna tashiya marëáchin soꞌsorahuaton, aꞌna tahuëriíchin anaꞌitërinquën. Tahuëririnquësoꞌ, ahuiantarin. Napopirinhuëꞌ, ina nosoronënquë ahuirinso marëꞌ aꞌpitaton noꞌhuitëran.

Mateo 18:33

Carinquën nosororanquënso pochachin aꞌna iyasha nosorocamaso nipirinhuëꞌ, ¿co piꞌpian tërantaꞌ nosororanhuëꞌ ti?’ itërin.