Jonás 4:10 - Chayahuita (Shahui)

¹⁰ Naporo Siniorori: —¡Maꞌhuantacha quëmaso yonquiran paya! Co quëmari nonirintë shacaton asoꞌsoranhuëꞌ. Co piꞌpian tëranta inaquë sacatëranhuëꞌ. Inasoꞌ, ca nohuanton aꞌna tashiya marëáchin soꞌsorahuaton, aꞌna tahuëriíchin anaꞌitërinquën. Tahuëririnquësoꞌ, ahuiantarin. Napopirinhuëꞌ, ina nosoronënquë ahuirinso marëꞌ aꞌpitaton noꞌhuitëran.

Jonás 4:10 ပူးပေါင်းရင်းမြစ်များ

Génesis 17:12

Ipora quëran huarëꞌ yaꞌipi quëmapinquëma ninamasopita, nasitërin quëran posa tahuëritapasoꞌ, marcanën acotocoꞌ. Huiꞌnamantaꞌ, inapotocoꞌ. Piyapinëma nisharoꞌsa paꞌantëramasonta inapotocoꞌ.

Jonás 4:11

Aquëtë huarëꞌ mini casoꞌ, Ninihui ninanoquë yaꞌhuëpisopita nosorocaꞌhuaso yaꞌhuërin. Inasoꞌ panca ninano niꞌton, pasa cato shonca huaranca naꞌcon piyapiꞌsa yaꞌhuërin. Inapitasoꞌ, huaꞌhuaroꞌsa co manta nitotatonaraihuëꞌ tëhuëpiso pochin nipi. Naporahuaton notohuaroꞌ pëꞌtahuaroꞌsanta yaꞌhuërin, itërin.

Jonás 4:9

Yosëriso napoaponahuëꞌ: —Nonirintë ahuirinso marëꞌ ¡co inapochin noꞌhuitacaso yaꞌhuërinhuëꞌ! itërin. —Noya mini tënahuë casoꞌ. Chiminchináchin noꞌhuitërahuë, itërin Conasëri.

1 Samuel 20:31

Inaso nanpirápachin, co quëmaso nanpicaso tëranta yaꞌhuërinhuëꞌ. Aquëtë huarëꞌ yaꞌhuërëtaancososoꞌ, co nanitaranhuëꞌ. Napoaton aꞌpaquë piyapinënpita macoinaꞌ. Inasoꞌ, chiminacaso yaꞌhuërin, itërin.