Jonás 3:4 - Chayahuita (Shahui)

⁴ Conasëso inaquë yaꞌconahuaton, aꞌna tahuëriraꞌ iratërin. Papon pochin pënëntërarin: “¡Catapini shonca tahuëriya quëran Yosëri iso ninano ataꞌhuantapon!” tërarin.

Jonás 3:4 ပူးပေါင်းရင်းမြစ်များ

Isaías 30:18

Inapotiimaso shaꞌhuitopirinquëmahuëꞌ, iporaso nosoroinquëmaso marëꞌ ninarinquëmaꞌ. Inasoꞌ, nosororinquëmasoꞌ paꞌpi yaaꞌnotërinquëmaꞌ. Siniorosoꞌ noyasáchin ninaꞌpi. Inaso Yosë niꞌton, inasáchin ninahuatëhuaꞌ, tëhuënchachin capa cancantarihuaꞌ.

Jonás 3:10

Copirno camaitërinso chachin yaꞌipi piyapiꞌsa co noyahuëꞌ nipiso aꞌpopi. Yosësoꞌ, napopiso niꞌnin. Ina nicaton nosororin. Inapoaton ataꞌhuantacaso yonquirinsoꞌ, tananpitërin.

Mateo 12:41

Conasë chaꞌërahuaton, Ninihuiquë paꞌnin. Inaquë pënëntohuachina, co noyahuëꞌ yonquipisopita naniantopi. Napoaton ayaroꞌ tahuëri inapita nontarinënquëmaꞌ. “¿Onpoatomataꞌ co canpitasoꞌ natëramahuëꞌ?” itaponënquëmaꞌ. Casoꞌ chiníquën nanantato, noya noya pënënpiranquëmahuëꞌ, co yanatëramacohuëꞌ. Napoaton ayaroꞌ tahuëri Yosë naꞌcon anaꞌintarinquëmaꞌ.

Lucas 11:30

Ninihuiquë yaꞌhuëpisopita co noyahuëꞌ nipachinara, Yosëri aꞌparin pënënacaso marëꞌ. Cantaꞌ Yosë quëran quëmapico niꞌto, pënënaranquëmaꞌ Yosë ayonquiantaꞌhuanquëmaso marëꞌ.

Deuteronomio 18:22

Camairahuësopita, maꞌsona onpocaso shaꞌhuihuachinaꞌ, tëhuënchachin inapoarin. Ina quëran nitotaramaꞌ. Napoaponahuë co inapohuachinhuëꞌ, co ca nohuanton naporinhuëꞌ. Inahuara nohuanton napopi. Napopisopita co tëꞌhuatamaso yaꞌhuërinhuëꞌ,’ tënin Sinioro,” itërin.