Jonás 3:10 - Chayahuita (Shahui)

¹⁰ Copirno camaitërinso chachin yaꞌipi piyapiꞌsa co noyahuëꞌ nipiso aꞌpopi. Yosësoꞌ, napopiso niꞌnin. Ina nicaton nosororin. Inapoaton ataꞌhuantacaso yonquirinsoꞌ, tananpitërin.

Jonás 3:10 ပူးပေါင်းရင်းမြစ်များ

Éxodo 32:14

Ina natanaton, Sinioroso co huachi nohuantërinhuë piyapinënpita maꞌsha onpotacasoꞌ.

Isaías 30:18

Inapotiimaso shaꞌhuitopirinquëmahuëꞌ, iporaso nosoroinquëmaso marëꞌ ninarinquëmaꞌ. Inasoꞌ, nosororinquëmasoꞌ paꞌpi yaaꞌnotërinquëmaꞌ. Siniorosoꞌ noyasáchin ninaꞌpi. Inaso Yosë niꞌton, inasáchin ninahuatëhuaꞌ, tëhuënchachin capa cancantarihuaꞌ.

Jeremías 18:7

Nacionoꞌsahuë nipon, copirnoroꞌsa huaꞌanëntopisohuë nipon, aꞌnanaya nanitërahuë huaꞌtahuatë tëꞌyatërëso pochin ataꞌhuantaꞌhuasoꞌ.

Jeremías 18:8

Napoaponahuëꞌ, inaquë yaꞌhuëpisopitaso oshanëna aꞌporahuatona noya yonquiantahuachinaꞌ, co huachi anaꞌintarahuëꞌ.

Jeremías 36:3

Tapona Cota huënton israiroꞌsa huëhuëpiro yonquirapirahuëso nitotatonaꞌ, co noyahuëꞌ nipisoꞌ yaaꞌpoápirinahuëꞌ. Inapopi naporini, co noyahuëꞌ nicatona oshahuanpisoꞌ, inquichitohuëꞌ,” itërinco.

Joel 2:13

Sinioro chachin tahuërëtaantacoꞌ. Inaso Yosënënpoaꞌ. Co napion sëtohuatamara, motoꞌ sëꞌmoramaꞌ. Ina pochin cancantatomaꞌ, oshanëma marëꞌ sëtocoꞌ. Siniorosoꞌ, noyápiachin cancantaton, aꞌnaroáchin yanosorotërin. Co aꞌnaroáchin noꞌhuitërinhuëꞌ. Nosoromiatërinpoaꞌ. Inasoꞌ, co insonta anaꞌintacaso nohuantërinhuëꞌ. Naporin.

Amós 7:3

Napotohuatora, Siniorosoꞌ israiroꞌsa anaꞌintacaso yonquiaponahuëꞌ, tananpitërin. —Co inapotapohuëꞌ, tënin.

Amós 7:6

Napotohuatora, Siniorosoꞌ israiroꞌsa anaꞌintacaso yonquiaponahuëꞌ, tananpitaantarin. —Co inapotapohuëꞌ, tënin.

Jonás 4:11

Aquëtë huarëꞌ mini casoꞌ, Ninihui ninanoquë yaꞌhuëpisopita nosorocaꞌhuaso yaꞌhuërin. Inasoꞌ panca ninano niꞌton, pasa cato shonca huaranca naꞌcon piyapiꞌsa yaꞌhuërin. Inapitasoꞌ, huaꞌhuaroꞌsa co manta nitotatonaraihuëꞌ tëhuëpiso pochin nipi. Naporahuaton notohuaroꞌ pëꞌtahuaroꞌsanta yaꞌhuërin, itërin.

Lucas 15:20

Ina quëran paꞌpin yaꞌhuërinꞌpaꞌ paantarin. Yaꞌcaritëriahuasoꞌ, aquë quëran paꞌpini quënanin. Quënanahuaton, naꞌcon nosoroaton, taꞌaparin. Iporahuaton, apinorin.