Jonás 2:3 - Chayahuita (Shahui)

^3-4 Quëma nohuanton nancha camayoroꞌsaꞌ, marë huancoanaiꞌ tëꞌyaitërinaco. Marë chiniiroꞌsa soꞌnantatë pochin nitërinco. Panca coꞌsacairoꞌsa aꞌparansopitantaꞌ, imoto imototërinaco. Naporoꞌ iso pochin yonquirahuë: ‘Iporasoꞌ, co huachi chinotëranquënso pëiquë yaꞌconato, chinotaantaponquënhuëꞌ. Quëma pëinënsoꞌ, noyasáchin ninin,’ tënahuë.

Jonás 2:3 ပူးပေါင်းရင်းမြစ်များ

2 Samuel 22:5

Inimicoroꞌsa imapachinacora: ‘Masarinaco mini. Marë coꞌsacairi imotërinso pochin tëpaponaco,’ topirahuë. Huëhuëpiro pama pochin inimicoroꞌsaso niꞌton, inapita nicato paꞌpi tëꞌhuatërahuë.

Salmos 116:1

Co napion ancantato nontërahuësoꞌ, Sinioro natanatonco catahuarinco. Napoaton carintaꞌ, ina nosoroato paꞌyatërahuë.

Salmos 116:2

Nosoroatonco aꞌpanirinco niꞌton, chiminaquë huarëꞌ ina chinotápo.

Salmos 42:7

Panca tahuanoꞌsaquë, anoiroꞌsa tënëntërinso natanëꞌ. Anoiꞌ imotërincoso pochin Sinioro quëma nohuanton nanirinso chachin parisitërahuë.