Jonás 2:10 - Chayahuita (Shahui)

¹⁰ Ina quëran Siniorori camaihuachina, panca samisoꞌ, yonsanꞌpaꞌ Conasë imoconin.

Jonás 2:10 ပူးပေါင်းရင်းမြစ်များ

Génesis 1:11

Yosë taantarin: “¡Nisha nisha sharoꞌsa papoinaꞌ! Nisha nisha panpatororoꞌsanta nisha nisha yaꞌpirihuanpisoꞌ, papoinaꞌ. ¡Nisha nisha nararoꞌsanta nisha nisha nitopisopita noꞌpaquë papoinaꞌ!” tënin. Topachina, inachachin yaꞌhuërin huachi.

Génesis 1:14

Ina quëran Yosë taantarin: “¡Aꞌpininsopita piꞌiroꞌtëquë yaꞌhuëꞌin. Tahuëri, tashi aꞌpintacaso marëꞌ yaꞌhuëꞌin. Inapita aꞌpinpachina, tahuëri, tashiꞌ, nisha nisha acoarin. Naporahuaton yoquiroꞌsaꞌ, piꞌipiroꞌsaꞌ, inapitanta piyapiroꞌsa nitotapi huachi!” tënin. Topachina, inachachin yaꞌhuërin huachi.

Génesis 1:3

Naporoꞌ Yosë tapon: “¡Tashinantërinso niiꞌsohuanchin huachi!” tënin. Topachina, niiꞌsohuantërin huachi.

Génesis 1:7

Yosëri iꞌ yaꞌcopinamën nipachina, ina aipi iꞌ yaꞌhuërin. Inaanaquëntaꞌ, iꞌ yaꞌhuërin.

Génesis 1:9

Ina quëran Yosë taantarin: “¡Yaniroꞌpaꞌ yaꞌnocaso marëꞌ piꞌiroꞌtëanaquë iꞌ yaꞌhuërinsoꞌ, inaquëráchin niyontoꞌin!” tënin. Topachina, inachachin yaꞌhuërin huachi.

Salmos 105:31

Sinioro nonpachina tonca, ico, inapita naꞌamiatopi. Inapitari iquipitoroꞌsa aparisitopi.

Salmos 105:34

Yosë noantahuachina, sëquërënta canquirin. Paꞌpi notohuaroꞌ niꞌton, co pichinahuanhuëꞌ.

Salmos 22:26

Aꞌnaquëmantaꞌ, aꞌnapita aparisitápirinënquëmahuëꞌ, noyá natëaquë huarëꞌ coshatoco huachi. Sinioro yoniramasopita huaꞌqui tahuëri nicatomaꞌ, ina chinotocoꞌ.

Salmos 33:9

Ina nonin quëran nani maꞌsha yaꞌhuërin niꞌton, natëcoꞌ. Ina camaitërin quëran noyá acopinan quëparitërin. Napoaton noya nicatoma natëcoꞌ.

Isaías 43:11

Casáchin Yosëco. Casáchin nanitërahuë nichaꞌëtaꞌhuasoꞌ,” itërinquëmaꞌ.

Oseas 13:4

Sinioro naporin: “Iquipitoquë yaꞌhuërama quëran huarëꞌ, casáchin Sinioroco niꞌto, Yosënëmaco. Co aꞌna ca pochin chinotamaso yaꞌhuërinhuëꞌ. Carinquëmáchin nichaꞌëranquëmaꞌ.

Oseas 14:3

Asiriaroꞌsa co nichaꞌësarincoihuëꞌ. Co cahuarioroꞌsaquë taꞌatoi chaꞌëpoihuëꞌ. Quiyaora mamanshi nicatoi ‘yosënëhuëi,’ itopiraihuëꞌ, co huachi ina pochin nohuitapoihuëꞌ. Quëmasoꞌ Sinioro, saꞌahuaroꞌsa nosororan. Quëmasáchin chinotarainquën,” itahuaꞌ.

Jonás 1:17

Coꞌhuara tëꞌyaichátërasoihuëꞌ, Sinioroso aꞌnara panca sami Conasë miꞌtacaso marëꞌ camairin. Inapotohuachina, cara tahuëri tashirë chachin ina yoꞌnamënquë yaꞌhuërin.

Jonás 3:1

Naquëranchin Siniorori Conasë camaiantarin: