Jonás 2:1 - Chayahuita (Shahui)

^1-2 Sami yoꞌnamënquë yaꞌhuëarin quëran chachin, Conasëso Yosë nontaton: “Sinioro. Quëmaso Yosënëhuënquën. Yachimiitato co napion ancantasoco, catahuancoso marëꞌ nontëranquën. Naporoꞌ quëmasoꞌ, aꞌpaniranco. Marë anpotërinquë yachimiitasoco, chiníquën nontohuatënquëna, natanatonco catahuaranco.

Jonás 2:1 ပူးပေါင်းရင်းမြစ်များ

1 Reyes 17:4

Ina iꞌsha oꞌosaran. Naporahuaton nani cari itatanoꞌsa camairahuë cosharo quëpatiinënquënsoꞌ,” itërin.

Salmos 91:15

Nontohuatamaco aꞌpaniaranquëmaꞌ. Ca chachin caꞌtanaranquëmaꞌ. Maꞌsha onpoatoma co napion ancantopiramahuëꞌ, nichaꞌësaranquëmaꞌ. Inapotaranquëma niꞌton, naní quëran noya niꞌsarinënquëmaꞌ.

Oseas 5:15

Ina quëran huaꞌquimiachin tananpitarahuë: ‘Oshahuanëhua niꞌton, Sinioro poꞌtërinpoaꞌ,’ taꞌcaihuarëꞌ catahuaantarahuë. Parisitatona co napion cancantohuachinaꞌ, oshanëna inquitaꞌhuaso marëꞌ yoníponaco,” tënin.

Santiago 5:13

Aꞌnaquëmaꞌ maꞌsha onpohuatamaꞌ, Yosë nontocoꞌ catahuainquëmaꞌ. Noya cancantohuatamaꞌ, Yosë cantanën cantatomaꞌ: “Yosparinquën Sinioro,” itocoꞌ.