Jonás 1:9 - Chayahuita (Shahui)

⁹ —Caso iprio piyapico niꞌto, Sinioro chinotërahuë. Inaso Yosë, inápaquë huaꞌanëntërin. Inari chachin isoroꞌpaꞌ, marëꞌ, inapita acorin.

Jonás 1:9 ပူးပေါင်းရင်းမြစ်များ

Génesis 1:10

Yaniroꞌpasoꞌ: “noꞌpaꞌ,” itërin. Iꞌ niyontoninsosoꞌ: “marë,” itërin. Yaꞌipi acorinsopita noyasáchin nisarin niꞌnin. Ina nicaton,

Génesis 14:13

Napoaponahuëꞌ, aꞌnara quira quëran chaꞌërahuaton, Apran shaꞌhuitapon paꞌnin. (Apransoꞌ, iprio piyapi itopi.) Naporoꞌ inasoꞌ, Mamiriri huaꞌanëntërinso insina nararoquë yaꞌhuërarin. Mamirisoꞌ, amoro piyapi. Iin mashonënpitasoꞌ: Aniri, Iscoro, inapita. Inapitasoꞌ Apran payatonaꞌ, catahuapi.

Génesis 24:7

Siniorosoꞌ Yosë niꞌton, inápaquë huaꞌanëntërin. Nani ina shaꞌhuitërinco iso noꞌpaꞌ shihuëpitari huaꞌnëntacasoꞌ. Iráca tatahuë yaꞌhuërin noꞌpa quëran ocoirinco. Quëmopinëhuëpita yaꞌhuërin parti quëran ocoirinco huachi. Ocoirahuatonco isëquë quëninco. Inari chachin anquëninën aꞌpararin catahuainquënso marëꞌ. Ina nohuanton, sanapi nohuantarin isëquë huëcacasoꞌ.

Esdras 1:2

“Caso Siroco. Pirsia copirnoco niꞌto, napotaranquëmaꞌ. Siniorosoꞌ Yosë niꞌton, inápaquë huaꞌanëntërin. Ina acorinco nisha nisha nacionoꞌsa huaꞌanëntaꞌhuaso marëꞌ. Camairinco niꞌton, Quirosarinquë ina chinotacaso pëi anitarahuë. Inaso ninanoꞌ, Cota parti yaꞌhuërin.

Nehemías 1:4

Ina natanato paꞌpi sëtërahuë. Huënsërahuë quëran naꞌnëmiatërahuë. Naporahuato, naꞌa tahuëri co coshatatorahuëꞌ, Yosë nontërahuë:

Nehemías 9:6

Istrasëntaꞌ, Yosë nontaton tapon: “Quëmasáchin Sinioronquën. Quëmari yaꞌipi piꞌiroꞌtë acoran. Yaꞌipi yaꞌhuërinsopitarë chachin ninan. Isoroꞌpaꞌ, marë, inapitanta ninan. Yaꞌipi inaquëpita yaꞌhuërinsopitarë chachin acoran. Quëma nohuanton yaꞌipi yaꞌhuëapi. Quëma nohuanton chachin yaꞌipi nanpiapi. Piꞌiroꞌtëquë yaꞌhuërinsopita chinotarinën.

Copo naporinso' 1:9

—Co topinan natërinquënhuëꞌ. Nani maꞌsha nipachina quëmari catahuaran. Inapotëran niꞌton, notohuaroꞌ pëꞌtahua yaꞌhuëtërin. Inapoaton maꞌhuanin. Saꞌin, huiꞌninpita, maꞌshanënpita, inapitanta quëmari noya aꞌpairan niꞌton, natërinquën.

Éxodo 1:15

Naporo tahuëriꞌsa Iprio sanapiꞌsa huaꞌhua iquitohuachinara, cato sanapiꞌsari catahuarin. Ina sanapiꞌsasoꞌ: Poa, Sihuira, inapita itopi. Copirnori inapita përasahuaton, itapon:

Éxodo 2:13

Tahuëririnquë inaquë chachin paantarahuaton, cato Israiro capini niahuërapi quënancoantarin. Napoaton ahuëtonaꞌpi itapon: —¡Ama canpita capini niahuëcosohuëꞌ! itërin.

Daniel 2:44

Ina copirnoroꞌsa huaꞌanëntasoiꞌ, Yosë inápaquë yaꞌhuërinso huaꞌanëntarin. Ina huaꞌanëntërinsoꞌ, co onporonta taꞌhuantarinhuëꞌ. Co aꞌnapita nacionoꞌsari minsëarinhuëꞌ. Aꞌnapita huaꞌanëntopisoꞌ, yaꞌipi ataꞌhuantapon. Yaꞌhuërëꞌ ina huaꞌanëntërinsosoꞌ, yaꞌhuëmiatapon.

Oseas 3:5

Ina piquëran israiroꞌsasoꞌ, Yosë chachin tahuërëtaantaponaꞌ. Naporahuaton aꞌnara Tapi copirno shiin, copirnonëna nisarin. Tahuëri yanitiquirahuachin, Sinioro noya nicatonaꞌ, chinotapi. Inapotohuachina inarintaꞌ, noya nicaton catahuaantapon.

Hechos 14:15

—¿Onpoaramataꞌ iyaroꞌsaꞌ? Ama moshacoisohuëꞌ. Tëhuënchachin co quiyasoꞌ moshamacoiso yaꞌhuërinhuëꞌ. Quiyantaꞌ piyapicoi, canpita pochachin ninai. Noya nanan shaꞌhuitaꞌhuanquëmaso marëꞌ huëꞌnai. Quisoso nanamën, iyaroꞌsaꞌ, aꞌchinchinquëmaꞌ, natanco. Mamanshi topinan quëran mosharamaꞌ. Yosëso nipirinhuëꞌ nanpirárin. Ama huachi mamanshi moshacosohuëꞌ. Inapita naniantatomaꞌ, Yosë imaco huachi. Isoroꞌpaꞌ, inápaquë yaꞌhuërinsopita, marëroꞌsaꞌ, yaꞌipi maꞌsharoꞌsaꞌ, inapita inari ninin.

Hechos 27:23

Casoꞌ Yosë natërahuë. Inasáchin imarahuë. Ina nohuanton, achin tashiꞌ anquëninën yaꞌnotimarinco.

Filipenses 3:5

Casoꞌ Israiro piyapico. Mincamin huënton quëmapico. Posa tahuëritahuasoꞌ, marca acotërinaco. Tatahuë, mamahuë Israiro piyapiráchin. Co nishahuëꞌ. Israiro huaꞌan yaꞌconahuë, parisioroꞌsaꞌ itopisoꞌ. Yaꞌconato, yaꞌipi Moisësë pënëntërinsoꞌ imarahuë.

Apocalipsis 11:13

Naporo chachin panca ocohua paꞌsarin. Paꞌpachina, notohuaroꞌ pëiroꞌsaꞌ ohuatarin. Canchisë huaranca piyapiꞌsaꞌ chiminapi huachi. Aꞌnapitasoꞌ paꞌpi tëꞌhuatapi. “Yosë nohuanton, naporin. ¡Maꞌpitacha nanitaparin paya!” tosapi.

Apocalipsis 15:4

Yaꞌipiya Sinioro tëꞌhuachinënquën. Yaꞌipiya yonquiꞌinënquën. Quëmasáchin nóyanquën. Aꞌna tahuëri noꞌtëquën oshahuanoꞌsaꞌ anaꞌintaran niꞌton, nisha nisha piyapiꞌsaꞌ huëcatonaꞌ, chinotarinënquën,” topi cantatonaꞌ.

Apocalipsis 16:11

Yosësoꞌ chini chiníquën nanantopirinhuëꞌ, piyapiꞌsari taꞌtaráchin nicatonaꞌ, noꞌhuipi. “Paꞌpi co noyahuëꞌ niꞌton, aparisitarinpoaꞌ,” topi pinotonaꞌ. Co naporo tërantaꞌ oshanënaꞌ yaaꞌpoapihuëꞌ.