Jonás 1:5 - Chayahuita (Shahui)

⁵ Coꞌhuara inapoyátërasohuëꞌ, Conasëso pëꞌpëto quëpapiquë yaꞌcomarahuaton huëꞌësárin. Nancha quëpanaꞌpiroꞌsantaꞌ, paꞌpi paꞌyanpi. Napoatonaꞌ, mamanshinënapitari nichaꞌëcaiso marëꞌ nontopi. Nontopirinahuëꞌ, co yasanoirinhuëꞌ. Napohuachina, nancha niotëintacaso marëꞌ pëꞌpëto quëparapisoꞌ, tëꞌyaitopi.

Jonás 1:5 ပူးပေါင်းရင်းမြစ်များ

1 Reyes 18:26

Napotohuachina inahuasoꞌ, aꞌnara toroaꞌhua huayonpi. Ina tëparahuatona artaro aipi acopi. Inapotahuatona tashiramiachin quëran camotëchin huarëꞌ Paaro nontápi: “¡Paaro aꞌpanicoi!” tosápi. Napoapona pochin, artaro conitatona pashi pashitërapi. Napopirinahuëꞌ co aꞌpanitërinhuëꞌ.

Copo naporinso' 2:4

Siniorori napotopirinhuëꞌ, inariso itaantapon: —Maꞌshanënpita ayatopiranhuëꞌ, inaora chachinso co maꞌsha onpotëranhuë niꞌton, ina pochin cancantarin.

Salmos 107:25

Inari camaihuachina, panca ihuan paꞌsarin. Inapohuachina panca coꞌsacaitërin.

Salmos 148:8

oꞌcoriꞌ, ocai anotërinsoꞌ, ocai tachitërinsoꞌ, noyahuan chitoroꞌ, Yosëri camaihuachina panca ihuan paꞌninsoꞌ,

Eclesiastés 3:6

Maꞌsha yonicaso tahuëri. Ayatacaso tahuëri. Tapacaso tahuëri. Tëꞌyatacaso tahuëri.

Isaías 45:20

Naquëranchin Sinioro nontaantarinpoaꞌ: “Canpitaso taꞌhuantamaso nipirinhuëꞌ, chaꞌëramasopita huëcatoma niyontonco shaꞌhuichinquëmaꞌ. Naꞌa piyapi yaꞌhuërin co manta yonquipisohuëꞌ. Inapitasoꞌ nara quëran mamanshi nipiso pitënahuatona ichiconipi. Inapitasoꞌ co piꞌpian tëranta nichaꞌëcasoꞌ nanitopihuëꞌ. Napopirinahuëꞌ, ina chinotatona nontopi.

Jeremías 2:28

Cota huënton israiroꞌsanquëmaꞌ: ¿Yosëroꞌsa chinotëramasopita poꞌ? ¿Nani ninanonëmaquë aꞌnara acorama pora? Inapita nipachin huëcatonaꞌ, maꞌsha onporama quëran nichaꞌëinquëmaꞌ.

Jonás 1:14

Napohuachina, Sinioro nontopi huachi: “Sinioro. Quëmaso nohuantëransoráchin ninan. Iso quëmapi naꞌinin quëran poꞌsarai nipachina, ama yaꞌipicoi taquiitaꞌhuaiso nohuantëquësohuëꞌ. Yaꞌhuërëꞌ inaso co manta tëhuëpirinhuëꞌ tëꞌyaitohuatoi, chimanapon. Napohuachin, ama ina naꞌinchincoisohuëꞌ,” itopi.

Jonás 1:16

Ina nicatonaꞌ, Sinioro chinotopi. Yaꞌipi cancanëna quëran chinotatonaꞌ: “Maꞌsha quëma marëꞌ tëparahuatoi chinotarainquën,” itopi.

Jonás 1:6

Nancha huaꞌanënsoꞌ, pëꞌpëto quëpapiquë yaꞌcomarahuaton niꞌpirinhuëꞌ, Conasë huëꞌësárin quënamarin. Quënamarahuaton: —¡Capayatëquë huëꞌëitëꞌ! ¡Paꞌpi huëhuëpiro nisarëhuaꞌ! Huënsëaton Yosëparin nontëquëꞌ. Tapona ina yanichaꞌësápirinpoahuëꞌ, itërin.

Mateo 25:5

Huaꞌan huaꞌquirin niꞌton, tashitopi. Yahuëꞌëtonaꞌ, yaꞌipimiáchin huëꞌëpi.

Mateo 26:43

Ina quëran huënantapirinhuëꞌ, naquëranchin huëꞌëantapi, quënanquinantarin. Huëꞌëiꞌ iquitatonaꞌ, huëꞌësápi.

Mateo 26:45

Ina quëran huënantahuaton, itërin: —¿Ipora huantaꞌ huëꞌësaramaꞌ ti? Nani ora nanirin huachi. Yosë quëran quëmapico nipirahuëꞌ, shaꞌhuirapiarinco oshahuanoꞌsaꞌ macainacoso marëꞌ.

Hechos 27:38

Nani yaꞌipiya natëhuachinara, trico quëparaisoꞌ inquiitopi. Inapotohuachinara, nancha niotëintarin.

Jueces 16:19

Naquëranchin Tariraso Sanson ahuëꞌëtaantarin. Tonanënquë ahuëꞌëtahuaton, aꞌna quëmapi përarin yaꞌicaso marëꞌ. Ainën canchisë sihuirin acorinso napochachin inari yaquirin. Inapotahuaton macacaiso marëꞌ napotërin.

1 Samuel 24:3

Paꞌsápaton Saonosoꞌ ohuicaroꞌsa ahuëꞌëtopiquë canconin. Ina yacaria motopi nanin yaꞌhuërin. Inaquë Tapi piyapinënpitarë chachin naꞌpirapirinahuëꞌ, Saonosoꞌ chiꞌchicaso marëꞌ yaꞌconin.