Jonás 1:4 - Chayahuita (Shahui)

⁴ Marë huancoanaiꞌ paꞌsapirinahuëꞌ, Sinioro nohuanton panca ihuaiꞌ paꞌnin. Napohuachina, panca coꞌsacaitërin. Napoaton: “Ipora tëhuënchinso nancha yaꞌquiapon,” topi yonquiatonaꞌ.

Jonás 1:4 ပူးပေါင်းရင်းမြစ်များ

Salmos 148:8

oꞌcoriꞌ, ocai anotërinsoꞌ, ocai tachitërinsoꞌ, noyahuan chitoroꞌ, Yosëri camaihuachina panca ihuan paꞌninsoꞌ,

Éxodo 10:13

Moisësësoꞌ, Yosë natëton anquirin. Anquihuachina, naporo chachin Yosë nohuanton ihuan huëꞌsarin huachi. Piꞌi pipirin parti quëran huëꞌsarin. Yaꞌipi tahuëri, yaꞌipi tashi ihuantarin. Ina ihuani chachin sëquërëꞌ quënin. Huaꞌhuayátërahuë niꞌton, yaꞌipi Iquipito roꞌtë imotërin. Iráca quëran huarëꞌ co ina nápo sëquërëꞌ niꞌchinpihuëꞌ. Aꞌna tahuërinta co huachi ina pochin yaꞌhuëantaponhuëꞌ.

Éxodo 14:21

Moisësë marë parti huaranën ihuërin. Ihuëpachina, Yosë nohuanton naporo tashi piꞌi pipirin parti quëran, panca ihuan huëꞌnin. Yaꞌipi tashi chiníquën ihuantohuachina, marë patomairin huachi. Patomairin niꞌton, panca ira pochin yaniro yaꞌnorin.

Éxodo 15:10

Quëmarisoꞌ chiníquën pihuihuatana, cosharo miꞌtërëso pochin marëri miꞌtërin huachi. Iꞌ nisoꞌnantërinsoꞌ huáncana nininquë promo pochin nicotaitomapi.

Amós 4:13

Sinioro napotarinquëmasoꞌ natancoꞌ. Inari motopiroꞌsa acorin. Inari chachin ihuaontaꞌ, acorin. Ina chachin maꞌsona yanininsopita anitotërinpoaꞌ. Ina nohuanton tahuërinta iꞌhuahuachina, tashirin. Ina inápa motopiroꞌsa quëran huarëꞌ inariso paꞌtërin. Inaso Sinioro, Yosë yaꞌipi nanitaparinsoꞌ. Inapochin nohuitahuaꞌ, tënahuë.

Números 11:31

Ina quëran Sinioro nohuanton marë parti quëran, panca ihuan huëꞌnin. Ina huëꞌsahuaton, nisha ocoron israiroꞌsa yaꞌhuëapiquë paꞌpi notohuaroꞌ quënin. Yaporisha yanpoáporin. Aꞌna mitroíchin pochin inaparinso yanpoáporin. Yaꞌhuëpi quëran inaporinsoꞌ, aꞌna tahuëri iratërëso aquërinꞌpaꞌ huarëꞌ, inachachin paꞌnin.