Jonás 1:3 - Chayahuita (Shahui)

³ Napotopirinhuëꞌ, Conasëso co inaquë pacatonhuëꞌ, niquë paꞌnin. Sinioro yataꞌananpiton, Copë ninano nonshinanquë paꞌmarin. Inaquë nipachina, aꞌnara panca nancha Tarsis ninanoquë yapaꞌsarinsoꞌ, quënanconin. Inanta pahuërëtahuaton, Sinioro taꞌananpicaso marëꞌ imatërin.

Jonás 1:3 ပူးပေါင်းရင်းမြစ်များ

Génesis 3:8

Iꞌhuanahuanquë huisontapasoꞌ, Yosëri nararoquë huëcapairinso natanpi. Natanahuatonaꞌ, naꞌpicaiso marëꞌ taꞌapi.

Génesis 4:16

Ina quëran Caino paꞌnin. Yosë quëran pipirahuaton, Noto parti yaꞌhuëconin. Inaso noꞌpaꞌ, Itin quëran piꞌi pipirinso parti quëparitërin.

1 Reyes 19:3

Ina natanaton, Iniasëso paꞌyanin: “Coꞌsoꞌ taꞌahuatohuëꞌ, tëpaponaco,” taꞌton Piirsipa ninanoquë piyapinënë chachin taꞌarin. Inaso ninanoꞌ, Cota huënton noꞌpanën paꞌmarinꞌpaꞌ yaꞌhuërin. Inaquë canconahuaton, piyapinën patërin.

1 Reyes 19:9

Cancontarahuaton, motopi naninquë huëꞌëcaso marëꞌ yaꞌconin. Yaꞌconpirinhuëꞌ, Siniorori itapon: “¿Maꞌta isëquë nisaran Iniasë?” itërin.

Esdras 3:7

Ina quëran pëinaꞌpiroꞌsaꞌ, nontë camayoroꞌsaꞌ, inapita pahuërëpi. Cosharoꞌ, huino, tomaꞌ, inapitanta Tiro piyapiroꞌsa quëtopi. Siton piyapiroꞌsanta inapotopi. Inapitasoꞌ Nipano motopi quëran nonara ocoiatonaꞌ, marë quëpatomacaisoꞌ camaipi niꞌton, inapotopi. Siro copirno camaitërinso chachin nipi.

Copo naporinso' 1:12

Naporoꞌ Siniorori itapon: —Inta nipachin. Nani maꞌsha yaꞌhuëtërinsoꞌ, maꞌsha onpotëriquëꞌ. Inaora chachinso napoaponahuëꞌ, ama manta maꞌsha onpotëquësohuëꞌ, itërin. Napotohuachina, inaso Sinioro yaꞌhuërin quëran pipirin.

Copo naporinso' 2:7

Napotohuachina, inaso Sinioro yaꞌhuërin quëran pipiantarahuaton Copo yaꞌhuërinquë paantarin. Ina nohuanton Coposoꞌ, paꞌpi chiníquën caniori manin. Yaꞌipi nonënquë taꞌtasáchin niꞌton, yonito yonito toconin.

Salmos 107:23

Aꞌnaquëntaꞌ, nanchaquë marë paꞌtopi. Maꞌsha quëpatona paꞌanacaiso marëꞌ napopi.

Isaías 60:9

Panca nancharoꞌsa napopináchin huëcatona naporiapi. Tarsis ninanoquë nipisopita quëchitëriapi. Aquë quëran Quirosarin yaꞌhuëhuanoꞌsa quësapi. Oronënaꞌ, pratanënaꞌ, inapitarë chachin huëꞌsapi. Sinioro noya nicatona quëtacaiso marëꞌ napoapi. Inasoꞌ Yosë noyasáchin ninin. Napoaton Israirori chinotërin Ina mini noya noya acoarinquëma huachi.

Ezequiel 2:8

Shaꞌhuitaranquënsoꞌ noya natanquëꞌ. Ama quëmasoꞌ inapita pochin cancantëquësohuëꞌ. Iporasoꞌ nahuërahuaton iso quëtaranquënsoꞌ caꞌquëꞌ,” itërinco.

Ezequiel 3:14

Yosë ispiritonën otërahuatonco, ina quëran ocoirinco. Napotohuachincora, sëtërahuë, noꞌhuitërahuë, naporahuë. Sinioro chiníquën nanantaton quëpahuachincora naporahuë.

Jonás 1:10

Sinioro camairincoso co natëtohuëꞌ, taꞌananpiarahuë, itërin Conasëri. Inapitariso paꞌyanatonaꞌ: —¡Maꞌhuantacha quëmaso ninan paya! ¡Co napoitonhuëꞌ pora! itopi.

Lucas 9:62

Quisosori itërin: —Ama iyasha, nisha nisha yonquiquësohuëꞌ. Niꞌquëꞌ. Aꞌnëtohuatëra, noya nicatëꞌ ahuëhuatëra, noꞌtëquën ahuërëꞌ. Niquë notëtahuatëꞌ ahuëhuatërasoꞌ, co noya ahuërëhuëꞌ. Inapochachin nisha nisha yonquihuatamaꞌ, co nanitaramahuëꞌ Yosë huaꞌanëntërinsoꞌ noꞌtëquën imacamasoꞌ, itërin.

Hechos 15:38

“Ama iya quëpaꞌasohuëꞌ. Iꞌhua piꞌiquë Panpiriaquë canconpatëhuara, yaꞌhuërinꞌpaꞌ paꞌmantarin. Co yacatahuarinpohuëꞌ. Napoaton co nohuantërahuëꞌ,” itërin Paonori.

Hechos 26:19

Napoaton, sinioro huaꞌan, Quisoso inápa quëran yaꞌnotimarinco niꞌton, aꞌnaroáchin imarahuë. Yaꞌipi shaꞌhuitohuachincora, noꞌtëquën natërahuë.

Hechos 9:36

Copëquë aꞌna sanapi Tapita itopisoꞌ yaꞌhuërin. Crico nananquë Torëcasa itopi. Inantaꞌ Quisoso imarin. Noya sanapi niꞌton, saꞌahuaroꞌsaꞌ nosoroaton, nani tahuëri catahuarin. Pahuantohuachinara, maꞌsha topinan nicanarin.

Hechos 9:38

Pitrosoꞌ Nitaquë yaꞌhuarin, natantopi. Co aquëyahuëꞌ niꞌton, catoꞌ quëmapi aꞌpapi. Canconahuatonaꞌ, “Manóton huëquëꞌ,” itopi.

Hechos 9:42

Yaꞌipi ninanoquë nahuinin. Naꞌa piyapiꞌsaꞌ Quisoso natëpi.

Hechos 9:43

Inaquë huaꞌquiꞌ Pitro yacapatërin. Simon itopisoꞌ pëinënquë yacapatërin. Simonsoꞌ, shaꞌhuëtëꞌ tapanaꞌpi.

1 Corintios 9:16

Aꞌnaquën: “Yosë nanamën aꞌchinahuëso marëꞌ casoꞌ noya noyaco,” topi. Caso nipirinhuëꞌ co caora nohuanto aꞌchinahuëꞌ. Co ina marëꞌ noya noyacohuëꞌ. Quisocristo acorinco nanamën aꞌchinaꞌhuaso marëꞌ. Coꞌsoꞌ aꞌchinpatohuëꞌ, ¡maꞌhuantacha nisarahuë paya!

2 Tesalonicenses 1:9

Noꞌtëquën anaꞌintaton, parisitopiquë aꞌpararin. Aquë aꞌpahuachin, chiníquën parisitomiatapi, co chaꞌësapihuëꞌ. Inatohuaꞌ paatonaꞌ, co onporontaꞌ Quisocristo nohuitapihuëꞌ. Inasoꞌ chini chiníquën nanantaton, noyasáchin niponahuëꞌ, inapitasoꞌ co onporontaꞌ nirayarapihuëꞌ.