Jonás 1:2 - Chayahuita (Shahui)

² “Ninihuisoꞌ, panca ninanoꞌ. Napoaponahuë inaquë yaꞌhuëpisopitasoꞌ, co imatonacohuë paꞌpi co noyahuëꞌ nipi. Napoaton inaquë paquëꞌ. Paꞌsahuaton ataꞌhuantaꞌhuaso yonquirahuësoꞌ, shaꞌhuiconquëꞌ,” itërin.

Jonás 1:2 ပူးပေါင်းရင်းမြစ်များ

Génesis 10:11

Ina parti quëran Asoronta pipirahuaton, ninanoroꞌsa ocoirin: Ninihui, Niopoto-iri, Cara, inapita itopisoꞌ.

2 Reyes 19:36

Ina nicaton Asiria copirnosoꞌ, tapatacaisoꞌ camaitërin. Nani tapatohuachinara, huaꞌanëntërinso ninanoquë panantapi. Inaso ninanoꞌ, Ninihui itopi.

Isaías 58:1

Sinioro shaꞌhuitërinco: “Ama manta tëꞌhuatonhuëꞌ chiníquën nonquëꞌ. Tronpita pihuihuachina irininso pochin niquëꞌ. Piyapinëhuëpita co noyahuëꞌ nipiso marëꞌ pënënquëꞌ. Cacopo quëran pipipisopita oshahuanpiso marëꞌ inapotëquëꞌ.

Jeremías 20:9

Amiato: “Ama huachi Sinioro yonquiꞌisohuëꞌ. Nanan quëtopirincohuë tërantaꞌ, ama huachi noinsohuëꞌ,” tënahuë. Taporahuëꞌ, quëma nanamën yaꞌcoancantërinco niꞌton, pën maꞌsha ahuiquitërinso pochin nitárinco. Nansëanaquë huarëꞌ piꞌcarincoso pochin natanahuë. “Chinitato nipachin ama noinsohuëꞌ,” taporahuëꞌ, ¡coꞌchi nanitërahuëꞌ cacotaꞌhuaso paya!

Ezequiel 2:7

Carinquën shaꞌhuitohuatënquën shaꞌhuitëquëꞌ. Co natantochináchinhuëꞌ cancantopi niꞌton, co aꞌna natëponënhuëꞌ nimara.

Jonás 3:2

“Ninihuiso panca ninanoꞌ. Inaquë paꞌsahuaton nanan shaꞌhuitaranquënso shaꞌhuiconquëꞌ,” itërin.

Jonás 3:3

Napotohuachina, Conasëso Siniorori camairinso chachin ninin. Ninihuiquë canconahuaton niꞌpirinhuëꞌ, inaso panca ninanoꞌ. Cara tahuëri irataihuarëꞌ yaꞌipi áquipi.

Jonás 4:11

Aquëtë huarëꞌ mini casoꞌ, Ninihui ninanoquë yaꞌhuëpisopita nosorocaꞌhuaso yaꞌhuërin. Inasoꞌ panca ninano niꞌton, pasa cato shonca huaranca naꞌcon piyapiꞌsa yaꞌhuërin. Inapitasoꞌ, huaꞌhuaroꞌsa co manta nitotatonaraihuëꞌ tëhuëpiso pochin nipi. Naporahuaton notohuaroꞌ pëꞌtahuaroꞌsanta yaꞌhuërin, itërin.

Miqueas 3:8

Caso nipirinhuëꞌ, noꞌtëquën Sinioro marëꞌ pënëntarahuë niꞌto, achinirinco. Catahuarinco noya nicaꞌhuasoꞌ. Chiníquën cancantato, israiroꞌsa pënënarahuë: “Canpitaso co Yosë natëtomarahuëꞌ, naꞌcon oshahuanamaꞌ,” itárahuë.

Mateo 10:18

Imaramacoso marëꞌ huaꞌanoꞌsaꞌ yaꞌhuërinquë shaꞌhuirapiarinënquëmaꞌ. Copirnoroꞌsaquëntaꞌ quëpaarinënquëmaꞌ. Ca nohuanto, inaquë quëpaarinënquëmaꞌ nanamëhuë shaꞌhuitacamaso marëꞌ. Inaquë nisha piyapiroꞌsantaꞌ aꞌchintaramaꞌ.

Mateo 12:41

Conasë chaꞌërahuaton, Ninihuiquë paꞌnin. Inaquë pënëntohuachina, co noyahuëꞌ yonquipisopita naniantopi. Napoaton ayaroꞌ tahuëri inapita nontarinënquëmaꞌ. “¿Onpoatomataꞌ co canpitasoꞌ natëramahuëꞌ?” itaponënquëmaꞌ. Casoꞌ chiníquën nanantato, noya noya pënënpiranquëmahuëꞌ, co yanatëramacohuëꞌ. Napoaton ayaroꞌ tahuëri Yosë naꞌcon anaꞌintarinquëmaꞌ.

Santiago 5:4

Piyapinëmapita nonpintëramaꞌ. Iminëmaquë asacatopiramahuëꞌ, co noꞌtëquën pahuërëtëramahuëꞌ. Inapitasoꞌ Yosëquë shaꞌhuirapirinënquëmaꞌ. Shanëmapita nitërinsoꞌ mapirinahuëꞌ, co pahuërëtëramahuëꞌ. Inapohuatamaꞌ, Yosë nitotarin. Inasoꞌ chini chiníquën nanantërin niꞌton, noꞌtëquën iꞌhuërëtarinquëmaꞌ.

Apocalipsis 18:5

Naꞌcon oshahuanpi niꞌton, co Yosëri naniantarinhuëꞌ anaꞌintacasoꞌ.