Jonás 1:17 - Chayahuita (Shahui)

¹⁷ Coꞌhuara tëꞌyaichátërasoihuëꞌ, Sinioroso aꞌnara panca sami Conasë miꞌtacaso marëꞌ camairin. Inapotohuachina, cara tahuëri tashirë chachin ina yoꞌnamënquë yaꞌhuërin.

Jonás 1:17 ပူးပေါင်းရင်းမြစ်များ

Génesis 1:21

Panca maꞌsharoꞌsa nisha nisha nipisopita, marëquë yaꞌhuëcaiso marëꞌ acorin. Nisha nisha samiroꞌsantaꞌ, acorin. Anpiantëhuanoꞌsantaꞌ, acorin. Acorinsopita nicaton: “¡Ma nóyacha acorahuë paya!” tënin.

Jonás 2:10

Ina quëran Siniorori camaihuachina, panca samisoꞌ, yonsanꞌpaꞌ Conasë imoconin.

Jonás 4:6

Yosëso Sinioro niꞌton, Conasë anaꞌitacaso marëꞌ aꞌnara nonirintë naꞌton pochin nininso apapotërin. Inapotahuaton aꞌna tashiya marëáchin imënamëaꞌhuaya asoꞌquëëtërin. Inapotohuachina, noyá imorapitërin. Napoaton Conasësoꞌ, nonirintë marëꞌ paꞌpi noya cancantërin.

Habacuc 3:2

Nonansopita natanahuë, acoransopitanta niꞌnahuë. Inapita yonquiato: ¡Ma noyacha Sinioroso paya! tënahuë. Iráca shimashonëhuëipita catahuaranso pochachin ipora tahuëriꞌsanta catahuacoi. Inapotatoncoi catahuacoi quiyanta nohuichinquën. Co noyahuëꞌ ninaiso marëꞌ noꞌhuiponcoirahuëꞌ, nosorochináchin cancantëransoꞌ, aꞌnotocoi.

Mateo 12:40

Iráca Conasë marëquë tëꞌyaitohuachinara, panca sami pochin nininsoari miꞌtërin. Cara tahuëri tashirë chachin inaquë yaꞌhuapirinhuëꞌ. Ina quëran Yosë nohuanton, chaꞌërin. Inapochachin cantaꞌ Yosë quëran quëmapico niꞌto, chiminpato, cara tahuëri tashirë chachin acoporoꞌ yaꞌhuaporahuëꞌ, chaꞌësarahuë huachi.

Mateo 16:4

Ipora yaꞌhuëramasopita co noyahuëꞌ cancantëramaꞌ. Nitëhuananpitopisopita pochin cancantatomaꞌ, co piꞌpisha tërantaꞌ Yosë yanatëramahuëꞌ. ‘Sacaiꞌ nicacaso nininsoꞌ niquëꞌ natëiinquën,’ itopiramacohuëꞌ, co Yosë nohuantërinhuëꞌ ina pochin nicaꞌhuasoꞌ. Isoíchin anitotarinquëmaꞌ. Aꞌna tahuëri canpita nitotacamaso marëꞌ, Conasë pochin nisarahuë” itërin. Ina quëran patërin huachi.

Lucas 11:30

Ninihuiquë yaꞌhuëpisopita co noyahuëꞌ nipachinara, Yosëri aꞌparin pënënacaso marëꞌ. Cantaꞌ Yosë quëran quëmapico niꞌto, pënënaranquëmaꞌ Yosë ayonquiantaꞌhuanquëmaso marëꞌ.