Jonás 1:16 - Chayahuita (Shahui)

¹⁶ Ina nicatonaꞌ, Sinioro chinotopi. Yaꞌipi cancanëna quëran chinotatonaꞌ: “Maꞌsha quëma marëꞌ tëparahuatoi chinotarainquën,” itopi.

Jonás 1:16 ပူးပေါင်းရင်းမြစ်များ

Génesis 28:20

Inaquë Cacopori Yosë shaꞌhuitaton itapon: “Quëma chachin ipora iratërahuëquë caꞌtanco. Quëma nohuanton cosharoꞌ, aꞌmocaꞌhuasoꞌ, inapitanta yaꞌhuëchinco. Naporahuaton quëma nohuanton tatahuë yaꞌhuërinquë, noya huënantaꞌi. Inapo catahuahuatanco: ‘Sinioroíchin Yosënëhuë,’ taꞌto, chinotaranquën.

Génesis 8:20

Nani pipihuachinara, Noiso aꞌnara artaro ninin. Yosë chinotacaso marëꞌ maꞌsharoꞌsa tëpacaiso nipisopita masahuaton, tëparin. Anpiantëhuanoꞌsantaꞌ, manin. Aꞌnaya aꞌnaya nisha nisha nipisopita quëran tëparin. Tëparahuaton, Sinioro chinotacaso marëꞌ artaro aipi yaꞌipi ahuiquitërin.

2 Reyes 5:17

Napohuachina Namanori itapon: —Co manta yamaꞌparancohuëꞌ niꞌquëhuarëꞌ, carin nipachin natainquën quëtoco. Cato mora pëꞌpërinsoꞌ noꞌpanëma masarahuë. Yaꞌhuërahuë roꞌtëquë canconpato, ina quëran Sinioro chinotaꞌhuaso marëꞌ artaro nisarahuë. Ipora quëran huarëꞌ caso, co huachi mamanshiroꞌsa marëꞌ maꞌsha tëpato chinotapohuëꞌ. Sinioroíchin marëꞌ maꞌsharoꞌsa tëpato, aꞌnaquën yaꞌipi ahuiquitapo. Aꞌnaquënsoꞌ, tomaquënsaꞌ ahuiquitapo. Inapohuato, canta Sinioroíchin chinotapo huachi.

Salmos 107:22

“Ma noyacha Siniorosoꞌ nosororinpoa paya,” taꞌtëhua ina chinotahuaꞌ. Noya ancantatëhuaꞌ, nani maꞌsha naporinso shaꞌhuiahuaꞌ.

Salmos 116:14

Maꞌpitaso quëtaꞌhuanquënso shaꞌhuitëranquënsopita ananiarahuë. Yaꞌipi piyapinënpita niꞌtonënquë napoarahuë.

Daniel 6:26

Yaꞌipi huaꞌanëntërahuëso noꞌpaquë, Naniriri chinotërinso Yosë tëꞌhuatatomaꞌ, nóya niꞌcoꞌ. Inasáchin Yosë yaꞌhuëmiatërinsoꞌ. Huaꞌanëntërinsoꞌ, co onporonta taꞌhuantaponhuëꞌ. Chiníquën nanantërinsontaꞌ, co nitiquiaponhuëꞌ.

Jonás 1:10

Sinioro camairincoso co natëtohuëꞌ, taꞌananpiarahuë, itërin Conasëri. Inapitariso paꞌyanatonaꞌ: —¡Maꞌhuantacha quëmaso ninan paya! ¡Co napoitonhuëꞌ pora! itopi.

Jonás 1:14

Napohuachina, Sinioro nontopi huachi: “Sinioro. Quëmaso nohuantëransoráchin ninan. Iso quëmapi naꞌinin quëran poꞌsarai nipachina, ama yaꞌipicoi taquiitaꞌhuaiso nohuantëquësohuëꞌ. Yaꞌhuërëꞌ inaso co manta tëhuëpirinhuëꞌ tëꞌyaitohuatoi, chimanapon. Napohuachin, ama ina naꞌinchincoisohuëꞌ,” itopi.

Marcos 4:31

Mostasaraya noꞌpaquë shaꞌnëso pochin ninin. Mostasarayasoꞌ huaꞌhuishin. Aꞌnapita yaꞌpirin quëran piꞌpi piꞌpisharaꞌhuaya.

Hechos 5:11

Yaꞌipi Quisoso huëntonënquë yaꞌconpisopita tëꞌhuatopi. Aꞌnapitantaꞌ natantahuatonaꞌ, “Anaꞌintohuachinpoaꞌ canpoantaꞌ,” taꞌtonaꞌ paꞌpi tëꞌhuatopi.