Joel 3:7 - Chayahuita (Shahui)

⁷ Inapotopiramahuëꞌ, paꞌanatoma intohuaso aꞌparama quëran, cari ocoiantarahuë. Canpitaso nipirinhuëꞌ, anaꞌintatënquëma piyapinëhuëpita aparisitëramaso pochachin nitaranquëmaꞌ.

Joel 3:7 ပူးပေါင်းရင်းမြစ်များ

Isaías 49:12

¡Niꞌcochi huachi! ¡Paꞌpi áquë quëran huëꞌsapi! Aꞌnaquën norti parti quëran, aꞌnaquëonta piꞌi yaꞌconinso parti quëran, aꞌnapitanta Sinin noꞌpa quëran huëꞌsapi.

Jeremías 31:8

Naquëranchin Sinioro taantapon: “Ca nohuanton piyapinëhuëpita norti parti quëran huëantaponaꞌ. Isoroꞌpaꞌ nanirinquë huarëꞌ aꞌnaquën quëpapirinahuëꞌ, yaꞌhuëpiquë chachin ayontoantarahuë. Somarayaroꞌsaꞌ, sonpacharoꞌsaꞌ, cayoronoꞌsaꞌ, huaishironoꞌsaꞌ, inapita huëꞌsapi. Huaꞌhuayátërahuë piyapiꞌsa huëꞌsapi.

Ezequiel 36:24

Carima yaꞌipi inapita noꞌparoꞌsa quëran ocoiaranquëmaꞌ. Nisha nisha piyapiꞌsa yaꞌhuëpi quëran ocoirahuatënquëmaꞌ, ayontonaranquëmaꞌ. Inapotatënquëmaꞌ, yaꞌhuëramaso noꞌpaquë chachin quëpaantaranquëmaꞌ.

Joel 3:4

Naquëranchin Sinioro taantarin: “Tiro, Siton, Huiristia, inaquëpita yaꞌhuëramasoꞌ, co carinquëma manta onpotëranquëmahuëꞌ. Napoaton co piyapinëhuëpita ahuëamaso marëꞌ huëcacamaso yaꞌhuërinhuëꞌ. Yaiꞌhuërëtatomaco napohuatamaꞌ, taꞌchatoma yaꞌhuëcoꞌ. Nihuihuachinara yamaꞌpatopiso pochin yanitohuatamaco, co manta quëtaranquëmahuëꞌ. Ina pochin cancantatoma apipatamaco, aꞌnaroáchin anaꞌintaranquëmaꞌ.

Zacarías 9:13

Cota huënton israiroꞌsanquëmaꞌ. Canpitasoꞌ, pëꞌchinanëhuë pochin nicamaso marëꞌ acoaranquëmaꞌ. Aꞌnapita israiroꞌsaso nipirinhuëꞌ, shinërënëhuë pochin acoarahuë. Quirosarinquë yaꞌhuëpisopitantaꞌ, sahuëninëhuë pochin nicacaiso marëꞌ acoarahuë. Ca nohuanton canpitasoꞌ, cricoroꞌsa ahuëatoma minsëapomaꞌ,” tënin.

Mateo 7:2

Aꞌnapita pinopatamaꞌ, Yosëntaꞌ co noyahuëꞌ niꞌsarinquëmaꞌ. Piyapi chiníquën nonapihuatamaꞌ, Yosëntaꞌ chiníquën anaꞌintarinquëmaꞌ. Piyapi noya yonquirapihuatamaꞌ, Yosëntaꞌ noya niꞌsarinquëmaꞌ.

2 Tesalonicenses 1:6

Iporasoꞌ aꞌnapita noꞌhuirinënquëmaꞌ. Aparisitapirinënquëmahuëꞌ, aꞌna tahuëri Yosëri noꞌtëquën anaꞌintarin. Co naniantarinhuëꞌ. “Oshahuanoꞌsaꞌ anaꞌintacasoꞌ yaꞌhuërin,” tënin.

Santiago 2:13

Co piyapiꞌsaꞌ nosorohuatamahuëꞌ, ayaroꞌ tahuëri Yosëntaꞌ co nosoroarinquëmahuëꞌ. Napoaton “Yosë naꞌcon nosororinpoaꞌ,” taꞌtëhuaꞌ, aꞌnapita nosoroaꞌhuaꞌ. Ina quëran ayaroꞌ tahuëri co anaꞌintarinpoahuëꞌ.

Apocalipsis 13:10

“Mapachinënquëmaꞌ, parisitacasoꞌ yaꞌhuërin. Sahuëniquë yatëpahuachinënquëmaꞌ, ahuantacasoꞌ yaꞌhuërin. Ina yonquiatomaꞌ, chiníquën cancantocoꞌ. ‘Yosë catahuarinpoaꞌ,’ taꞌtomaꞌ, imamiatocoꞌ.”

Apocalipsis 16:6

Naꞌa imarinënsopita tëpapi. Noya pënëntopirinahuëꞌ, tëpapi niꞌton, iꞌhuërëtaton, anaꞌintaran. Iiroꞌsaꞌ huënaiꞌ atarantëran niꞌton, ina tërantaꞌ oꞌocaisoꞌ yaꞌhuërin. Noꞌtëquën anaꞌintaran,” itërin.

Apocalipsis 19:2

Co topinan quëran anaꞌintërinhuëꞌ. Yaꞌipiya noꞌtëquën anaꞌintërin. Monshihuanaꞌpi pochin nininsoꞌ nani anaꞌintërin. Inasoꞌ notohuaroꞌ piyapiꞌsaꞌ anishacancantërin. Imapisopita tëpapi niꞌton, iꞌhuërëtërin,” topi.

1 Samuel 15:33

Samoiroriso napoaponahuëꞌ, itapon: —Sahuëninën quëran notohuaroꞌ piyapiꞌsa tiquiran. Napoatona aꞌshina saꞌahuapi. Inapita saꞌahuapiso pochin mamaparinta quëparitapon, itërin. Itahuaton, sahuëniquë tëparin. Sinioro camaitërinso chachin nitahuaton yaquirin. Quiricaroquë naporin.