Joel 3:20 - Chayahuita (Shahui)

^20-21 Inapopiso marëꞌ, cari iꞌhuërëtarahuë. Aꞌnapita maꞌsha onpotatona naꞌinpisopitasoꞌ, co nichaꞌëpohuëꞌ. Quirosarinquë, Cota huënton ninanoroꞌsaquë, inaquëpitaso nipirinhuëꞌ, israiroꞌsa yaꞌhuëráponaꞌ. Caso Sinioroco, Quirosarin ninanoquë yaꞌhuëápo,” tënin.

Joel 3:20 ပူးပေါင်းရင်းမြစ်များ

Isaías 33:20

Quirosarin ninano niꞌcoꞌ. Inaquë nani piꞌiquë pita naꞌhuëcaso marëꞌ paꞌnëhuaꞌ. Inaso ninanoꞌ, noyá acopinan yaꞌhuërin huachi. Sontaroꞌsa nëꞌmëtë pëinëna noya ótënpiso pochin ninin. Inapita achinicaiso marëꞌ noninënpitasoꞌ, co incari tëranta oshitëaponhuëꞌ. Naranënpita paꞌhuacopisontaꞌ, co incari tëranta opanaponhuëꞌ.

Ezequiel 37:25

Piyapinëhuë iráca Cacopo itërahuësoꞌ, noꞌpaꞌ quëtërahuëquë yaꞌhuëaponaꞌ. Inaquë chachin shimashonënpitanta yaꞌhuëpi. Inaquë chachin canpitantaꞌ, yaꞌhuëapomaꞌ. Huiꞌnamaꞌ, shiparimaꞌ, inapitanta inaquë chachin yaꞌhuaponaꞌ. Co onporonta pipiaramahuëꞌ. Piyapinëhuë Tapi itërahuësoari huaꞌanëma nisarin. Co aꞌnari yaꞌhuërëtaponhuëꞌ.

Amós 9:15

Inahuara noꞌpanënaquë chachin yaꞌhuëantaponaꞌ. Ina piquëransoꞌ, co huachi onporo tëranta noꞌpaꞌ quëtërahuë quëran ocoiaponahuëꞌ. Caso Sinioroco, Yosënëmaco niꞌton, noꞌtëquën shaꞌhuitaranquëmaꞌ,” tënin.