Joel 3:11 - Chayahuita (Shahui)

¹¹ Yaꞌipi nacionoꞌsanquëma Cota huënton yaꞌyoranamasopita, manorahuatoma ahuëtamaso marëꞌ huëcoꞌ. Sano piyapiroꞌsa quëran huarëꞌ ahuëtonaꞌpi taraꞌin.

Joel 3:11 ပူးပေါင်းရင်းမြစ်များ

Salmos 103:20

Anquëniroꞌsanquëmanta chiníquën nanantapomarahuëꞌ, Sinioro chinotocoꞌ. Canpitaso ina camaihuachinquëma aꞌnaroáchin natëramaꞌ.

Joel 3:2

Yaꞌipi nacionoꞌsa ayontonarahuë. Ayontonahuato, Cosahuato motopiana itopiquë tëhuëpiso marëꞌ noꞌtëquën shaꞌhuitarahuë. Israiroꞌsa napotopiso marëꞌ noꞌtëquën shaꞌhuitarahuë. Inapitasoꞌ piyapinëhuëpita nipirinahuëꞌ, yaꞌipi isoroꞌpaquë ayanquëpi. Noꞌpanënantaꞌ, nipatomatatona huaꞌanëntëraꞌpiapi.

Miqueas 4:12

Inapitasoꞌ, co yonquirahuëso nitotopihuëꞌ. Cari aꞌna tahuëri inimiconëmapita ayontonarahuë. Trico cayarinso mapachinara, tonpopi. Inapotahuatona toꞌnorapiquë yontonpi. Inapochachin cantaꞌ, inimiconëmapita nitarahuë.

2 Tesalonicenses 1:7

Quisocristo oꞌmantahuachin, co huachi parisitaramahuëꞌ. Noya yaꞌhuaramaꞌ. Quiyantaꞌ ipora aparisitapirinacoihuëꞌ, naporoꞌ yaꞌipi imarëhuasopita nóya cancantarihuaꞌ. Sinioro Quisocristo chachin inápa quëran oꞌmantararin. Pën huënaratërinso huáncana yaꞌnoarin. Anquëniroꞌsantaꞌ chiníquën nanantatonaꞌ, oꞌmantararin. Inapitarë chachin oꞌmantararin.

Apocalipsis 19:14

Notohuaroꞌ inápaquë yaꞌhuërinsopitari imasapi, huiríchin aꞌmopisoꞌ. Inapitantaꞌ huiri cahuarioroꞌsaꞌ aipi huënsëatonaꞌ, sontaroꞌsa pochin paꞌsapi.