Joel 2:31 - Chayahuita (Shahui)

³¹ Piꞌintaꞌ tashiarin. Yoquintaꞌ, huënai pochin nisarin. Coꞌhuara anaꞌintaꞌhuaso tahuëri naniyátërasohuëꞌ, napoarin. Ina tahuëri nanihuachin, paꞌpi huëhuëpiro nisarin,” tënin.

Joel 2:31 ပူးပေါင်းရင်းမြစ်များ

Joel 2:1

Quirosarin ninanosoꞌ, Siniorori huayonin. Inaquë pëinën yaꞌhuëcaso marëꞌ huayonin. Inaquë niyátainpichin yaꞌhuëcaiso marëꞌ aꞌpaito sontaroꞌsari, tronpita pihuitona huëhuëpiro huëꞌsarinso shaꞌhuiinaꞌ. Ina natanpisopitantaꞌ, chiníquën “yai,” taꞌtona naporinso aꞌnapita israiroꞌsa shaꞌhuichinaꞌ. Co huaꞌquiya quëranhuë Sinioro anaꞌintiinpoaso tahuëri naniarin. Napoaton yaꞌipi Cota huëntonquë yaꞌhuëpisopita paꞌyanatona ropachinaꞌ.

Joel 2:10

Yaꞌipi isoroꞌpaquë yaꞌhuëpisopita paꞌyanatonaꞌ, Sinioro notënanquë ropataponaꞌ. Piꞌiroꞌtënta nacon nacontapon. Piꞌi, yoqui, inapitanta tacopiapon. Tayoraroꞌsanta co huachi aꞌpinaponhuëꞌ.

Joel 2:11

Sinioronta pinën quëran sontaronënpita acorahuaton, huira pochin chiníquën nonsarin. Huaꞌhuayátërahuë sontaronënpita yaꞌhuëtërin. Natërinsopitasoꞌ, co pichichináchinhuëꞌ. Sinioro anaꞌintiinpoaso tahuëri nanihuachin, ¡ma huëhuëpirocha nisarin paya! Ina tahuëri nanihuachin co insonta ahuantarinhuëꞌ.

Joel 2:2

Ina tahuëri nanihuachin huëhuëpiro tashinantápon. Chitorori piꞌiroꞌtë iꞌcopitohuachina tashinantërinso pochin nisarin. Panca sontaroꞌsa huënton chiníquënoꞌsaráchin huëꞌsapi. Motopiroꞌsataquëchin pantërërahuatona huëꞌsapi. Tahuëririahuachina aꞌpininso pochin niriapi. Iráca quëran huarëꞌ co insonta ina pochin niꞌchininhuëꞌ. Aꞌna tahuërinta co huachi ina pochin niꞌsapihuëꞌ.

Joel 3:1

Ina quëran Sinioro taantarin: “Ina tahuëri nanihuachin, Cota huëntonquë yaꞌhuëpisopita, Quirosarin ninanoquë yaꞌhuëpisopita, inapitaso yaꞌhuëpiquë chachin noya noya yaꞌhuëantaponaꞌ.

Joel 3:15

Ina tahuëri nanihuachin, piꞌi tashiapon. Yoqui, tayoraroꞌsa, inapitantaꞌ, co huachi aꞌpinaponahuëꞌ.

Malaquías 4:1

Naquëranchin Sinioro shaꞌhuitaantarinpoaꞌ: “Caso Sinioroco yaꞌipi nanitapato shaꞌhuitaranquëmaꞌ: ‘Niꞌcoꞌ. Co huaꞌquiya quëranhuëꞌ, anaꞌintaꞌhuaso tahuëri naniarin. Ina tahuëri nanihuachin, ornoquë pën huënaratërinso pochin nisarin. Nocantopisopita, co noyahuëꞌ nipisopita, yaꞌipi inapita anaꞌintarahuë. Panca pënquë shinpitë aꞌnaroáchin huëyarinso pochin co noyahuëꞌ nipisopita anaꞌintarahuë.

Malaquías 4:5

Niꞌcoꞌ. Anaꞌintaꞌhuaso tahuëri nanihuachin, paꞌpi huëhuëpiro nisarin. Coꞌhuara ina tahuëri naniátërasohuëꞌ, Iniasë pënëntonaꞌpi aꞌpataranquëmaꞌ.

Mateo 24:29

“Nani parisitohuachinaꞌ, piꞌi tashiarin. Yoquintaꞌ co huachi aꞌpinarinhuëꞌ. Naporahuaton, naꞌa tayoraroꞌsaꞌ anotarin. Yaꞌipi inápaquë yaꞌhuërinsopitantaꞌ nacon nacontapon.

Mateo 27:45

Camotëchin nisahuasoꞌ, yaꞌipi parti tashirarin. Iꞌhuaraya huarëꞌ yono tashi pochin nisarin.

Lucas 21:25

Ina quëran Yosë nohuanton, piꞌi tashiarin. Co huachi yoqui aꞌpianinhuëꞌ. Tayoraroꞌsaꞌ inápa quëran anotarin. Marëntaꞌ panca coꞌsacaitapon niꞌton, tënëntapon. Yaꞌipi piyapiꞌsaꞌ paꞌyanaponaꞌ.

Hechos 2:20

Sinioro oꞌmacasoꞌ tahuëri naꞌcon yonquicasoꞌ yaꞌhuërin. Coꞌhuara naniyatërasohuëꞌ, nani maꞌsha onporapi. Piꞌi tashiarin. Yoqui quëhuashin huënai pochin nisarin. Yosë yonquicaiso marëꞌ inapoarin.

Apocalipsis 8:12

Nani cara anquëni pihuirin. Aꞌnantaꞌ pihuiantahuachina, Yosë nohuanton, patoma pochin piꞌi tapiarin. Yoqui, tayoraroꞌsaꞌ, inapitantaꞌ patoma pochin tapiapi. Napoaton tahuëri nipachina, co huachi piꞌi noya aꞌpianinhuëꞌ. Tashintaꞌ yoqui, tayoraroꞌsaꞌ, inapita co huachi noya aꞌpianpihuëꞌ.