Joel 2:24 - Chayahuita (Shahui)

²⁴ Imin camayoroꞌsa notohuaroꞌ trico macaponaꞌ. Huino, tomaꞌ, inapitanta notohuaroꞌ yaꞌhuëtaponaꞌ.

Joel 2:24 ပူးပေါင်းရင်းမြစ်များ

Joel 3:13

Canpita yonquirapitënquëma napoarahuë: Isopitasoꞌ, paꞌpi co noyahuëꞌ cancantopi. Ina marëꞌ ca Sinioroco chachin trico noyá cayahuachina yaquirëso pochin nitarahuë. Opanta cayahuachina, toꞌpoirahuatona huino nipiso pochin nitarahuë. Inapotahuato, yaꞌipi isopita ataꞌhuantarahuë, tosarahuë.

Joel 3:18

Cota huënton inimiconënpita anaꞌintërahuëso piquëran, paꞌpi notohuaroꞌ oparoroꞌsa yaꞌhuëapon. Napoaton huino sacóshin nicaponaꞌ. Pastoroꞌsantaꞌ noya noyatapon niꞌton, ohuacaroꞌsa notohuaroꞌ shoꞌshoiꞌ matapi. Motopiroꞌsaꞌ, motopiaꞌhuaroꞌsaꞌ, inaquëpita iꞌsharoꞌsa paꞌirin. Ina paꞌirinso pochin huino, shoꞌshoiꞌ, inapita yaꞌhuëapon. Iꞌsharoꞌsanta Cota huënton noꞌpanënquë yaꞌhuërinsoꞌ, panca pancairoꞌsa nicaponaꞌ. Chinotërinacoso pëiquë chachin, noꞌpa quëran iꞌsha pipipon. Inasoꞌ pancaitahuaton, Sitin motopiana itopisoꞌ, paꞌtapon.

Amós 9:13

Naquëranchin Sinioro taantarin: “Co huaꞌquiya quëranhuëꞌ Israiro noꞌpaquë sharoꞌsa noya noyatapon. Trico nanquicaiso pahuanapirinhuëꞌ, noꞌpaꞌ taparoantacaso tahuëriꞌsa naniantarin. Opanta cayarinso co yaꞌipi toꞌpoiyátërasoihuëꞌ, trico yaꞌhuërë shaantacaso naniantarin. Motopiroꞌsaꞌ, motopiaꞌhuaroꞌsaꞌ, inaquëpita huino iꞌsha pochin pacapon.

Malaquías 3:10

Nani maꞌsha yaꞌhuëtërinquëma quëran diesmo ocoirahuatomaꞌ, chinotëramacoso pëiquë quëcoꞌ. Inaquë maꞌsha tapatërinacosopita yaꞌhuërin niꞌton, quëcoꞌ. Inapohuatamaꞌ, corto huaꞌanoꞌsaꞌ, Nihuiroꞌsaꞌ, inapita cosharo yaꞌhuëtapi. Inta inapoatoma tënirico. Napohuatamaꞌ, noya noya catahuararanquëmaꞌ. Piꞌiroꞌtë huintananënpita iꞌsoatahuato, notohuaroꞌ maꞌsha noya nininsopita aꞌpatimatë pochin nitaranquëmaꞌ.