Joel 2:22 - Chayahuita (Shahui)

²² Tanan maꞌsharoꞌsanquëmantaꞌ, ama huachi paꞌyancosohuëꞌ. Cosharo yaꞌhuëantarin niꞌton, co tana tëpaponquëmahuëꞌ. Pastoroꞌsa yaꞌhuërinquë pasto pëtotërantapon. Nararoꞌsanta nitaantapon. Iquiraroꞌsaꞌ, oparoroꞌsaꞌ, inapitanta sacóshin nitaantaponaꞌ.

Joel 2:22 ပူးပေါင်းရင်းမြစ်များ

Génesis 4:12

Iminaton, shaꞌtopiranhuë tërantaꞌ, co huachi noyatarinhuëꞌ. Co huachi yaꞌhuëmia yaꞌhuaponhuëꞌ, patë patë́rantapon. Co huachi sano cancantaranhuëꞌ, itërin.

Salmos 65:12

Inotëro partinta oꞌnanpachina, pastoroꞌsa canomëtërin. Motopiroꞌsaquënta oꞌnanpachina, huënaráchin aꞌmopiso pochin yaꞌnopi.

Salmos 65:13

Canonamatëroꞌsaquë pëꞌtahua huëntonoꞌsa naꞌarin. Motopianaroꞌsantaꞌ, tricororoꞌsari imotërin. Capa cancantatona noncaropiso pochin nipi. Yaꞌipi inapita cantapiso pochin nipi.

Ezequiel 36:30

Ca nohuanton nararoꞌsaꞌ, sharoꞌsaꞌ, inapitanta naꞌcon naꞌcon nitapon. Ama aꞌnapita nacionoꞌsa niꞌtonënquë, tanarotatoma taparo nicamaso marëhuëꞌ, napoarahuë.

Ezequiel 36:35

Ina nicatonaꞌ: “Iso noꞌpaso tananhuantápirinhuëꞌ. Iporasoꞌ shaꞌtantatona noya noya acopi. Itinquë nararo yaꞌhuërinso pochin yaꞌnorin. Ninanonënapitanta ataꞌhuantatona tapitopirinahuëꞌ, iporasoꞌ naquëranchin noya niacorapitonaꞌ, yaꞌhuëantarapi,” taponaꞌ.

Jonás 4:11

Aquëtë huarëꞌ mini casoꞌ, Ninihui ninanoquë yaꞌhuëpisopita nosorocaꞌhuaso yaꞌhuërin. Inasoꞌ panca ninano niꞌton, pasa cato shonca huaranca naꞌcon piyapiꞌsa yaꞌhuërin. Inapitasoꞌ, huaꞌhuaroꞌsa co manta nitotatonaraihuëꞌ tëhuëpiso pochin nipi. Naporahuaton notohuaroꞌ pëꞌtahuaroꞌsanta yaꞌhuërin, itërin.

1 Corintios 3:7

Napoaton co ca imamacosoꞌ yaꞌhuërinhuëꞌ. Aporosëntaꞌ co imacaisoꞌ yaꞌhuërinhuëꞌ. Yosë anoyacancantërinquëmaꞌ niꞌton, inasáchin yonquicamasoꞌ yaꞌhuërin.