Joel 2:16 - Chayahuita (Shahui)

¹⁶ Yaꞌipi Yosë piyapinënpita ayontoncoꞌ. Ina camaitërinso nicatomaꞌ, Sinioro marëꞌ nitapacoꞌ. Mashoyaroꞌsaꞌ, paiyaroꞌsaꞌ, huaꞌhuaroꞌsaꞌ, shoꞌshopiaꞌhuaroꞌsa quëran huarëꞌ, quëinaꞌ. Nasha nimapisopitantaꞌ, quëhuënpisoꞌ patoana huëshirahuatonaꞌ, huëꞌinaꞌ.

Joel 2:16 ပူးပေါင်းရင်းမြစ်များ

Copo naporinso' 1:5

Nipërapiso tahuëriꞌsa naꞌhuëhuachina, Coposo tashíramiachin huënsëintarin. Yaꞌipi huiꞌninpita amatahuaton aꞌnaya aꞌnaya marëꞌ maꞌsharoꞌsa tëparin. Inapotahuaton oshanëna marëꞌ yaꞌipi ahuiquitërin: “Tapona huiꞌnahuëpitasoꞌ, cancanëna quëran Yosë noꞌhuitonaꞌ, pinoápirinahuëꞌ,” taꞌton naporin. Nani nichicoshatopiquë naporin.

Salmos 19:5

Nani tahuëri inasoꞌ, taꞌanaꞌpi pochin nisarin. Capa cancantaton iranën paꞌtërinso pochin nisarin. Saꞌanaꞌpi huëꞌërinso patoana quëran, pipirinso pochin ninin.

Éxodo 19:10

Naporoꞌ Siniorori itapon: —Paꞌmaton israiroꞌsa shaꞌhuitomaquëꞌ: Casáchin yonquiꞌinaco. Naporahuaton pëꞌsainatona noya nitapainaꞌ. Ipora tahuëri, tashirayanta inapoꞌinaꞌ. Ina tashiraya ca Sinioroco chachin oꞌmararahuë. Sinai motopi huiꞌnimotënꞌpaꞌ oꞌmararahuë. Yaꞌipi israiroꞌsanta chitoroquë oꞌmarahuësoꞌ, niꞌsapi.

Éxodo 19:15

Naporahuaton itaantarin: —Tashiraya aquëtëran Sinioro oꞌmararin. Ama piꞌpian tëranta saꞌama cariapomarahuëꞌ, noya ninacoꞌ, itërin. Itohuachina, israiroꞌsa pëꞌsainahuatonaꞌ, cara tahuëri pochin co saꞌina yaꞌcaripihuëꞌ.

Éxodo 19:22

Corto huaꞌanoꞌsaíchin noya yaꞌcariarinaco. Napoaponahuëꞌ, inahuanta casáchin yonquiainaco huarëꞌ napoapi. Ama chiminacaiso marëhuëꞌ inapocaiso yaꞌhuërin, itërin.

Joel 1:14

Yaꞌipi Cota huëntonquë piyapiꞌsa ayontonahuatomaꞌ, ayono nicacaiso camaicoꞌ. Sinioronënpoa chinotërëhuaso pëiquë yaꞌipi ansianoꞌsantaꞌ, niyontoinaꞌ. Niyontonahuatonaꞌ, catahuainpoaso marëꞌ Sinioro nonchinaꞌ.

Mateo 21:16

Noꞌhuitonaꞌ, Quisoso itopi: —Isopita napopisoꞌ ¿co natananhuëꞌ ti? itopi. —Natanahuë mini. Noꞌtëquën nonsapi. Yosë quiricanënquë naporin: “Quëma nohuanton, huaꞌhuaroꞌsaꞌ nóya nonapiarinënquën. Shoꞌshopiaꞌhuaroꞌsaꞌ niponaraihuëꞌ, ‘Ma noyanquëncha quëmaso paya,’ itarinënquën,” tënin, itërin Quisosori.

Mateo 9:15

—Ca yaꞌhuarahuë niꞌton, co sëtopihuëꞌ. Niꞌcoꞌ. Quëmapi saꞌacaso marëꞌ piyapiꞌsaꞌ amatohuachina, capa cancantopi. Nipayarinsopita huëꞌpachinara, inapitarëꞌ coshatatonaꞌ, capa cancantapi. ¡Co sëtacaisoꞌ yaꞌhuërinhuëꞌ! Aꞌna tahuëriso nipirinhuëꞌ inimiconënpitari huëcatonaꞌ, saꞌanaꞌpi masapi. Quëpatohuachinaꞌ, co huachi coshatacaisoꞌ yonquiapihuëꞌ. Sëtapi huachi. Inapochachin cantaꞌ mapachinaco, imarinacosopita sëtapi. Sëtatonaꞌ, co huachi coshatacaisoꞌ yonquiatonahuëꞌ, Yosë nontáponaꞌ, itërin Quisosori.

1 Corintios 7:5

Ama niaꞌpoꞌinasohuëꞌ, niichihuëꞌëinaꞌ. Aꞌna tahuëriso nipirinhuëꞌ quëmapi saꞌinë chachin inahuara yonquinëna quëran nohuantohuachinaꞌ, naꞌcon naꞌcon Yosë nontacaiso marëꞌ nisha huëꞌëinaꞌ. Ina quëran naquëranchin nihuëꞌëpantaꞌinaꞌ ama nisha yonquicaiso marëhuëꞌ. Ama huaꞌquiꞌ nisha huëꞌëcosohuëꞌ, Satanasë minsëchinquëmaꞌ.