Joel 2:15 - Chayahuita (Shahui)

¹⁵ Quirosarinquë tronpita pihuitoma piyapiꞌsa ayontoncoꞌ. Niyontonpachinaꞌ, ayono nicacaiso marëꞌ shaꞌhuicoꞌ.

Joel 2:15 ပူးပေါင်းရင်းမြစ်များ

1 Reyes 21:9

Quiricaroꞌsaquësoꞌ tapon: “Niyontonatoma ayono nicacamaso marëꞌ shaꞌhuicoꞌ. Niyontonpatamaꞌ, yaꞌnatiirinso huënsënanquë Napoto ahuënsëcoꞌ. Ina notënanquëntaꞌ, cato yaꞌpi ina nonpinapicaiso marëꞌ ahuënsëcoꞌ. Ina quëran yaꞌipi natantapaiquë nonpinapiinaꞌ: ‘Napoto Yosë noꞌhuiton, pinorin. Copirnontaꞌ, napotërin natanai,’ ichinaꞌ. Ina piquëran inasoꞌ, ninano quëran ocoicoꞌ. Inaquë naꞌpiquë tëꞌyaratoma tëpacoꞌ,” tënin.

Isaías 1:13

Co noyahuëꞌ nisápomarahuëꞌ, maꞌsha tëpatoma chinotamacoso marëꞌ yáquënamaꞌ. Inapita quënamasoꞌ, co manta paꞌtërinhuë pochin niꞌnahuëꞌ. Inapita aꞌpëhuatamara conainën pantarinsoꞌ, co huachi ahuantërahuëꞌ. Nani sahuato, nani yoquiaꞌhuaraiquë, niyontonatoma chinotëramaco. Co noyahuëꞌ cancantërama niꞌton, niyontonpiramahuëꞌ amiranquëmaꞌ. Amitënquëmaꞌ, co huachi ahuantëranquëmahuëꞌ.

Jeremías 36:9

Coaquin copirno yaꞌconinsoꞌ, aꞌnatërápo piꞌipi, iscon yoqui nisarin. Naporo tahuëri ayono nicacaiso marëꞌ camaitopi niꞌton, Sinioro marëꞌ niyontonpi. Yaꞌipi Quirosarin yaꞌhuëhuanoꞌsaꞌ, Cota huënton ninanoroꞌsaquë yaꞌhuëpisopita, inapita Yosë chinotacaso pëiquë niyontonpi.

Joel 1:14

Yaꞌipi Cota huëntonquë piyapiꞌsa ayontonahuatomaꞌ, ayono nicacaiso camaicoꞌ. Sinioronënpoa chinotërëhuaso pëiquë yaꞌipi ansianoꞌsantaꞌ, niyontoinaꞌ. Niyontonahuatonaꞌ, catahuainpoaso marëꞌ Sinioro nonchinaꞌ.

Joel 2:1

Quirosarin ninanosoꞌ, Siniorori huayonin. Inaquë pëinën yaꞌhuëcaso marëꞌ huayonin. Inaquë niyátainpichin yaꞌhuëcaiso marëꞌ aꞌpaito sontaroꞌsari, tronpita pihuitona huëhuëpiro huëꞌsarinso shaꞌhuiinaꞌ. Ina natanpisopitantaꞌ, chiníquën “yai,” taꞌtona naporinso aꞌnapita israiroꞌsa shaꞌhuichinaꞌ. Co huaꞌquiya quëranhuë Sinioro anaꞌintiinpoaso tahuëri naniarin. Napoaton yaꞌipi Cota huëntonquë yaꞌhuëpisopita paꞌyanatona ropachinaꞌ.