Joel 2:10 - Chayahuita (Shahui)

¹⁰ Yaꞌipi isoroꞌpaquë yaꞌhuëpisopita paꞌyanatonaꞌ, Sinioro notënanquë ropataponaꞌ. Piꞌiroꞌtënta nacon nacontapon. Piꞌi, yoqui, inapitanta tacopiapon. Tayoraroꞌsanta co huachi aꞌpinaponhuëꞌ.

Joel 2:10 ပူးပေါင်းရင်းမြစ်များ

Joel 2:2

Ina tahuëri nanihuachin huëhuëpiro tashinantápon. Chitorori piꞌiroꞌtë iꞌcopitohuachina tashinantërinso pochin nisarin. Panca sontaroꞌsa huënton chiníquënoꞌsaráchin huëꞌsapi. Motopiroꞌsataquëchin pantërërahuatona huëꞌsapi. Tahuëririahuachina aꞌpininso pochin niriapi. Iráca quëran huarëꞌ co insonta ina pochin niꞌchininhuëꞌ. Aꞌna tahuërinta co huachi ina pochin niꞌsapihuëꞌ.

Joel 2:31

Piꞌintaꞌ tashiarin. Yoquintaꞌ, huënai pochin nisarin. Coꞌhuara anaꞌintaꞌhuaso tahuëri naniyátërasohuëꞌ, napoarin. Ina tahuëri nanihuachin, paꞌpi huëhuëpiro nisarin,” tënin.

Joel 3:4

Naquëranchin Sinioro taantarin: “Tiro, Siton, Huiristia, inaquëpita yaꞌhuëramasoꞌ, co carinquëma manta onpotëranquëmahuëꞌ. Napoaton co piyapinëhuëpita ahuëamaso marëꞌ huëcacamaso yaꞌhuërinhuëꞌ. Yaiꞌhuërëtatomaco napohuatamaꞌ, taꞌchatoma yaꞌhuëcoꞌ. Nihuihuachinara yamaꞌpatopiso pochin yanitohuatamaco, co manta quëtaranquëmahuëꞌ. Ina pochin cancantatoma apipatamaco, aꞌnaroáchin anaꞌintaranquëmaꞌ.

Amós 5:8

Inápaquë tayora huëntonoꞌsa chitoro pochin yaꞌnopiso yaꞌhuërin. Aꞌnasoꞌ, Priyatisë itopi. Aꞌnantaꞌ, Orion itopi. Yaꞌipi inapita Siniorori acorin. Ina nohuanton tashinta tahuëririn. Tahuërintaꞌ, ina nohuanton tashirin. Ina nohuanton marë tomontërin. Ina quëran noꞌpaquë oꞌnanin. Inasoꞌ, Sinioro. Ina pochin nohuitocoꞌ.

Mateo 24:29

“Nani parisitohuachinaꞌ, piꞌi tashiarin. Yoquintaꞌ co huachi aꞌpinarinhuëꞌ. Naporahuaton, naꞌa tayoraroꞌsaꞌ anotarin. Yaꞌipi inápaquë yaꞌhuërinsopitantaꞌ nacon nacontapon.

Mateo 27:51

Naporoꞌ Yosë chinotopiso pëiquë tanontën nëꞌmëtëꞌ patonpisoꞌ noshatërin. Inaora noshataton, catotë huarëꞌ ninin. Inapa quëran noꞌpaquë huarëꞌ noshatomarin. Naporahuaton, panca ocohua paꞌnin. Naꞌpiroꞌsaꞌ inaora nopaatërin.

Hechos 2:20

Sinioro oꞌmacasoꞌ tahuëri naꞌcon yonquicasoꞌ yaꞌhuërin. Coꞌhuara naniyatërasohuëꞌ, nani maꞌsha onporapi. Piꞌi tashiarin. Yoqui quëhuashin huënai pochin nisarin. Yosë yonquicaiso marëꞌ inapoarin.

Apocalipsis 20:11

Ina quëran panca huaꞌanëntacasoꞌ shira quënanahuë, huiríchin nininsoꞌ. Inaquë Yosë huënsëaton, piyapiꞌsaꞌ anaꞌintarin. Chini chiníquën nanantarin niꞌton, isoroꞌpaꞌ, piꞌiroꞌtëꞌ, inapita taꞌhuantopi. Capa nisarin.

Apocalipsis 6:12

Ina quëran aꞌna toꞌniquë achinpitërinsoꞌ iꞌshotaantarin. Inarëꞌ nani saotaroꞌ iꞌshorin. Inapotohuachina, panca ocohua paꞌsarin. Piꞌi tashiaton yaráchin nisarin. Yoquintaꞌ co huachi aꞌpianinhuëꞌ. Nincoan huëꞌsaponahuëꞌ, quëhuashin huënai pochin nisarin.

Apocalipsis 8:12

Nani cara anquëni pihuirin. Aꞌnantaꞌ pihuiantahuachina, Yosë nohuanton, patoma pochin piꞌi tapiarin. Yoqui, tayoraroꞌsaꞌ, inapitantaꞌ patoma pochin tapiapi. Napoaton tahuëri nipachina, co huachi piꞌi noya aꞌpianinhuëꞌ. Tashintaꞌ yoqui, tayoraroꞌsaꞌ, inapita co huachi noya aꞌpianpihuëꞌ.

Apocalipsis 9:2

Iꞌsoatohuachina, acopo quëran conaiꞌ pipiarin. Yaráchin tomontarin. Panca pën quëran tomontërinso pochin pipiton, piꞌi yaꞌcopiarin. Yaꞌipi parti tashiarin.