Joel 1:4 - Chayahuita (Shahui)

⁴ Yaꞌhuërëhuaso noꞌpaquë sëquërëꞌ huëꞌsahuaton, yaꞌipi cosharo pëꞌyatërinpoaꞌ. Nisha nisha nipisopitari niyaꞌhuërëton huëcatonaꞌ, napotërinënpoaꞌ.

Joel 1:4 ပူးပေါင်းရင်းမြစ်များ

1 Reyes 8:37

Piyapinënpita co natëtënënhuëꞌ oshahuaantahuachinaꞌ, quëmari anaꞌintaran. Quëma nohuanton shaꞌtopisopita co manta nitaponahuëꞌ. Piꞌi quëranhuë nipon, taquiapon. Sëquërërihuë nipon, chaꞌchorihuë nipon, pëꞌyapon. Pëtoratërin quëranhuë nipon, chanatapon. Aꞌna tahuëriso inimiconënpitarihuë nipon, ninanonëna tancapitahuatona ahuëaponaꞌ. Chiníquën caniohuë nipon yaꞌconaton, tiquiapon. Inapoatona parisitaponaꞌ.

Salmos 105:34

Yosë noantahuachina, sëquërënta canquirin. Paꞌpi notohuaroꞌ niꞌton, co pichinahuanhuëꞌ.

Éxodo 10:4

Coꞌsoꞌ aꞌpahuatanhuëꞌ, tashiraya chachin yaꞌhuëramaso roꞌtëquë, Yosë, sëquërëꞌ aꞌpatarinquëmaꞌ. Chitoro pochin anoantarinquëmaꞌ.

Éxodo 10:5

Yaꞌipi yaꞌhuëramaso parti naꞌatarinquëmaꞌ. Sharoꞌsaꞌ, nararoꞌsaꞌ, inapita iꞌhua ocai chaꞌëtërinsoꞌ, pëꞌyatarinquëma huachi.

Isaías 33:4

Sëquërëꞌ paꞌpachina chitoro tashirotërinso pochin paꞌnin. Ina pochachin inimiconënapitanta yaꞌcontatonaꞌ, maꞌshanënapita paꞌton nininsoꞌ osërëtaponaꞌ.

Joel 2:25

Ina quëran Sinioro taantarin: “Sëquërëroꞌsa aꞌpatáponquëmaꞌ, naꞌa piꞌipi co manta manamahuëꞌ. Inapitasoꞌ sontaroꞌsa huënton ataꞌhuantacaiso marëꞌ aꞌpapiso pochin carima aꞌpatëranquëmaꞌ. Ina piꞌipiroꞌsaquë co manta manamasohuëꞌ iꞌhuërëtaꞌhuanquëmaso marëꞌ naꞌcon naꞌcon quëtaantaponquëmaꞌ.

Amós 4:9

Naquëranchin Sinioro taantarin: “Ca nohuanton ihuaonta huëya pihuirinquëmaꞌ. Napoaton shaꞌtëramasopitanta ahuiánahuanin. Sëquërënta aꞌpatëranquëma niꞌton, oparonëma pëꞌyarin. Iquiraroꞌsaꞌ, oriporoꞌsaꞌ, inapitanta pëꞌyarin. Nisha nisha cosharo shaꞌnamasopitanta ahuirin. Inapoatoma parisitápomarahuëꞌ, co tahuërëtëramacohuëꞌ. Ca Sinioroco noꞌtëquën shaꞌhuitaranquëmaꞌ,” tënin.

Amós 7:1

Aꞌna tahuëri Sinioro huaꞌnarëso pochin aꞌnotërinco. Inasoꞌ, paꞌpi notohuaroꞌ sëquërëꞌ acorarin niꞌnahuë. Naporoso copirno marëꞌ shaꞌtopisoꞌ, nani yaquiatona mapi. Yaquipisontaꞌ, nani papoantararin.

Malaquías 3:11

Shaꞌtohuatamara, nisha nisha nipisopitari shaꞌtëramasopita tapirin. Oparonëmantaꞌ, napotërin. Napotëranquëmaso chachin nipatamaꞌ, co huachi inapita apiponquëmahuëꞌ.