Joel 1:18 - Chayahuita (Shahui)

¹⁸ Pëꞌtahuaroꞌsanta tanatonaꞌ, yamorotonaꞌ, noncarorápi. Ohuacaroꞌsa pasto yonípirinahuëꞌ, co quënanpihuëꞌ. Ohuica huëntonoꞌsantaꞌ, tanatonaꞌ, yamorotonaꞌ, taquirapi.

Joel 1:18 ပူးပေါင်းရင်းမြစ်များ

1 Reyes 18:5

Apitiasë canquihuachina Acapo copirnori itapon: —Niquë niquë paatëhua yaꞌhuërëhuaso noꞌpaꞌ, paꞌtahuaꞌ. Iroꞌsaꞌ, huinanoꞌsaꞌ, inapita yaꞌhuërinquë pëꞌtahuaroꞌsa quëpaꞌahuaꞌ. Pasto quënanpatëhuaꞌ, inaquë cahuarioroꞌsaꞌ, moraroꞌsaꞌ, inapita aꞌcaꞌahuaꞌ. Coꞌsoꞌ inapohuatëhuahuëꞌ, yaꞌipi taquiaponaꞌ, itërin.

1 Reyes 8:5

Naporoꞌ Saromonsoꞌ, yaꞌipi niyontonpisopitarë chachin Yosë caposonën notënanquë maꞌsharoꞌsa ina marëꞌ tëpapi. Co pichinahuanhuëꞌ ohuicaroꞌsaꞌ, tororoꞌsaꞌ, inapita tëpapi.

Oseas 4:3

Napoaton yaꞌipi Israiro noꞌpaquë, sëtatona naꞌnërápi. Caniorëso pochin co manta chinipihuëꞌ. Tanan maꞌsharoꞌsa quëran huarëꞌ taquiapi. Inairaroꞌsaꞌ, marë samiroꞌsaꞌ, inapitanta inapoapi,” tënin.

Joel 1:20

Tanan maꞌsharoꞌsa quëran huarëꞌ noncarotonaꞌ, nontatë pochin nitarinënquën. Iꞌshanaroꞌsa yaniraꞌpiapi, pastoroꞌsa yaꞌhuërinquëntaꞌ, pëni ahuiquitërantararin. Napoaton inahuanta napopi.

Habacuc 3:17

Inapotohuachina cantaꞌ, capa cancantarahuë. “Sinioro nichaꞌërinco huachi,” taꞌto napoarahuë. Iquiraroꞌsa co yancotopirinahuëntaꞌ, Sinioro chinotarahuë. Shaꞌtërëhuasopita co nitopirinahuëntaꞌ, napoarahuë. Ohuica huëntonoꞌsa capa nipirinahuëꞌ, ohuacaroꞌsanta pëinënaquë capa nipirinahuëꞌ, naporonta ina chinotarahuë.

Romanos 8:22

Iráca quëran huarëꞌ maꞌsharoꞌsaꞌ parisitopi. Sharoꞌsantaꞌ papotopirinhuëꞌ, co noyatërinhuëꞌ, chiminin. Ipora huantaꞌ sanapi huaꞌhua iquitohuachina, iquitërinso pochin chiníquën parisitapi.