Joel 1:16 - Chayahuita (Shahui)

¹⁶ Canpoara yaꞌpiranpoa quëran chachin sharoꞌsa osërëtërinënpoasoꞌ niꞌnëhuaꞌ. Napoaton co huachi Sinioro pëinënquë capa cancantërëhuahuëꞌ.

Joel 1:16 ပူးပေါင်းရင်းမြစ်များ

Salmos 105:3

Inasoꞌ, noyasáchin ninin. Ina imarëhua niꞌton, nipaꞌyatahuaꞌ. Yaꞌipi Sinioro chinotërëhuasopita, capa cancantahuaꞌ.

Salmos 43:4

Artaronënquë huarëꞌ canconahuato chinotaranquën. Arpa piꞌniato: ‘Yosparinquën,’ itaranquën. Quëmasáchin yonquiatënquën capa cancantërahuë,” itërahuë.

Salmos 51:8

Co noyahuëꞌ nicato chiníquën sëtopirahuëꞌ. Anoyacancantohuatanco, capa cancantarahuë huachi.

Joel 1:13

Corto huaꞌanoꞌsanquëmaꞌ: Canpitasoꞌ Sinioro artaronënquë sacatëramaꞌ. Yosënënpoa chinotërëhuaso pëiquë, co huachi Sinioro marëꞌ cosharoꞌ, huino, inapita quëpihuëꞌ. Napoaton sëtonëmaquë saꞌcatën aꞌmosahuatomaꞌ, yaꞌipi tashi naꞌnëcoꞌ.