Jeremías 9:5 - Chayahuita (Shahui)

^5-6 Inahuara capini ninonpintápi. Co insonta noꞌtëquën noninhuëꞌ. Nonpinápatonaꞌ, noyá noꞌquipi. Pëshonëso pochin cancantatonaꞌ, co huachi nanitopihuë noya cancantacaisoꞌ. Ca Sinioroco shaꞌhuitaranquëmaꞌ: Apira apira maꞌsha nionpotopi. Apira apira ninonpintopi. Piyapinëhuëpita nipirinahuëꞌ, co yanohuitërinacohuëꞌ.

Jeremías 9:5 ပူးပေါင်းရင်းမြစ်များ

Génesis 19:11

Naporo chachin piyapiroꞌsa aipiran nisapisopita, aꞌnaroáchin asomarayapi huachi. Huiꞌnapiroꞌsa quëran, mashoroꞌsaquë huarëꞌ yaꞌipi somarayapi. Ina nipirinahuë tërantaꞌ, amiai huarëꞌ yaꞌcoana yonípi.

Jeremías 7:28

‘Canpitaso Sinioro yaotëatënquëma napotopirinquëmahuëꞌ, co nohuantëramahuëꞌ natëtamasoꞌ. Co ótëinquëmaso tëranta nohuantëramahuëꞌ,’ itëquëꞌ,” itërinco.

Jeremías 9:3

Sinioro naporin: “Israiroꞌsasoꞌ, pëꞌchinanquë shinërë aꞌparëso pochin nonpinchináchin cancantopi. Co huachi noꞌtëquën nonpihuëꞌ. Ninonpintápi. Napoaton aquë aquëtë co noyahuëꞌ yaꞌhuëpi. Co insonta yanohuitërincohuëꞌ. Ca Sinioroco shaꞌhuitaranquëmaꞌ:

Jeremías 9:8

Nonpachinara, caparihuan shinërë pochin yatëpatopi. Nonpinacaisoráchin cancantopi. Amiconënapita noya nontaponaraihuëꞌ, cancanëna quëransoꞌ, maꞌsha onpotochináchin cancantapi.

Habacuc 2:13

Natanco shaꞌhuichinquëmaꞌ: Caso Sinioroco yaꞌipi nanitaparahuë. Ca nohuanton sacatatoma canotëramasoꞌ, topinan quëran nisarin. Pëni yaꞌipi ahuiquitapon.

Malaquías 2:10

Iporasoꞌ ca Maraquiasëco Yosë ayonquirinco niꞌton, pënënaranquëmaꞌ: Tëhuënchachin canpoasoꞌ, yaꞌipinpoaꞌ aꞌna tataíchin pochin yaꞌhuëtërinpoaꞌ. Inasoꞌ Yosë. Yaꞌipinpoa acorinpoaꞌ. Napoaton co canpoa capini ninonpitacaso yaꞌhuërinhuëꞌ. Ninonpintohuatëhuaꞌ, Yosë shimashonënpoapitarëꞌ anoyatërinso tapiarihuaꞌ.

Efesios 4:25

Yaꞌipi imarëhuasopita Yosë huëntonënquë chachin yaꞌconëhuaꞌ. Iyanpoa pochin ninëhuaꞌ. Napoaton ama ninonpintahuasohuëꞌ. Noꞌtëquënáchin ninontahuaꞌ.

1 Timoteo 4:2

Naporoꞌ nonpinaꞌpiroꞌsaꞌ yaꞌhuaponaꞌ piyapiꞌsaꞌ nonpintacaiso marëꞌ. “Quiyantaꞌ Yosë imarai,” topirinahuëꞌ, co noꞌtëquën nonsapihuëꞌ. Nitotaponaraihuëꞌ, co cancanhuanhuë pochin nicatonaꞌ, co natëtochináchinhuëꞌ cancantapi. Huaꞌquiꞌ sopai natëtonaꞌ, co huachi nanitapihuëꞌ Yosë natëcaisoꞌ. Inapitasoꞌ nisha aꞌchinapi.