Jeremías 9:4 - Chayahuita (Shahui)

⁴ Iporasoꞌ amiconëna tëranta co huachi natëcaso yaꞌhuërinhuëꞌ. Iina tëranta co natëchináchinhuëꞌ, niconin. Inahua capini ninonpintápi. Amiconëna nipirinhuëꞌ, nonpinapipi.

Jeremías 9:4 ပူးပေါင်းရင်းမြစ်များ

Génesis 32:28

Naporoꞌ ina quëmapirisoꞌ itapon: —Co huachi Cacopo itarinënhuëꞌ. Ipora quëran huarëꞌ Israiro itarinën. Yosë chinitëran, piyapiꞌsanta chinitëran. Chinitaton canatëran niꞌton, ina pochin nohuitarinën, itërin.

Salmos 15:3

Co pinotacaso yaꞌhuërinhuëꞌ. Co aꞌnapita maꞌsha onpotacaso yaꞌhuërinhuëꞌ.

Proverbios 6:16

Saota pochin, canchisënta yaꞌhuërin co Siniorori quëꞌyarinsopitahuëꞌ:

Proverbios 6:19

Piyapi nonpinapipisopita. Noya ninicatona yaꞌhuërapirinahuëꞌ, nanan ocoirapipisopita. Inapita co Siniorori quëꞌyarinhuëꞌ.

Jeremías 6:28

“Yaꞌipi inapitaso Sinioro, co natantochináchinhuëꞌ cancantopi. Nanan paꞌyatopi, nitapicancanpi, napopi. Shaꞌpi huaꞌna pochin, huaꞌnamia pochin cancantopi.

Jeremías 9:8

Nonpachinara, caparihuan shinërë pochin yatëpatopi. Nonpinacaisoráchin cancantopi. Amiconënapita noya nontaponaraihuëꞌ, cancanëna quëransoꞌ, maꞌsha onpotochináchin cancantapi.

Levítico 19:16

Ama nanan paꞌyatocosohuëꞌ. Aꞌna piyapi yatëparahuachinaꞌ, ama catahuatëquësohuëꞌ. Ca Sinioroco napotaranquëmaꞌ.

Malaquías 2:10

Iporasoꞌ ca Maraquiasëco Yosë ayonquirinco niꞌton, pënënaranquëmaꞌ: Tëhuënchachin canpoasoꞌ, yaꞌipinpoaꞌ aꞌna tataíchin pochin yaꞌhuëtërinpoaꞌ. Inasoꞌ Yosë. Yaꞌipinpoa acorinpoaꞌ. Napoaton co canpoa capini ninonpitacaso yaꞌhuërinhuëꞌ. Ninonpintohuatëhuaꞌ, Yosë shimashonënpoapitarëꞌ anoyatërinso tapiarihuaꞌ.

Mateo 10:17

Niꞌcona iyaroꞌsaꞌ, piyapiꞌsaꞌ aꞌnaroáchin anoꞌhuitotamaꞌ. Aꞌnaquën noꞌhuitënënquëmaꞌ, masarinënquëmaꞌ. Mapachinënquëmaꞌ, coisëquë quëpaarinënquëmaꞌ. Niyontonpiso pëiroꞌsaquëntaꞌ huihuiarinënquëmaꞌ.

Mateo 10:21

Aꞌnaquën imasarinaco. Aꞌnaquënso nipirinhuëꞌ co nohuantarinacohuëꞌ niꞌton, quëmopinënpita capini ninoꞌhuiapi. Aꞌnaquën iin chachin niponahuëꞌ, shaꞌhuirapiarin tëpacaiso marëꞌ. Aꞌnaquëontaꞌ huiꞌnin niponahuëꞌ, imapachinco, paꞌpini chachin shaꞌhuirapiarin. Aꞌnaquëontaꞌ aꞌshin chachin, paꞌpin chachin niponahuëꞌ, imapachinaco, huiꞌninpitari shaꞌhuirapiapi.

Lucas 21:16

Tataparimaꞌ co imatonahuëꞌ, shaꞌhuirapiarinënquëmaꞌ. Iyaparimaꞌ, quëmopinëmapita, amiconëmapita, inapita shaꞌhuirapiarinënquëmaꞌ. Aꞌnaquëmaꞌ tëpararinënquëmaꞌ.

1 Tesalonicenses 4:6

Aꞌna quëmapi saꞌin ama sëꞌhuacosohuëꞌ. Ama ina pochin niꞌtomaꞌ, soꞌin nonpintocosohuëꞌ. Sëꞌhuahuatamaꞌ, Yosë noꞌtëquën anaꞌintarinquëmaꞌ. Iráca inachachin chiníquën pënënainquëmaꞌ.