Jeremías 9:3 - Chayahuita (Shahui)

³ Sinioro naporin: “Israiroꞌsasoꞌ, pëꞌchinanquë shinërë aꞌparëso pochin nonpinchináchin cancantopi. Co huachi noꞌtëquën nonpihuëꞌ. Ninonpintápi. Napoaton aquë aquëtë co noyahuëꞌ yaꞌhuëpi. Co insonta yanohuitërincohuëꞌ. Ca Sinioroco shaꞌhuitaranquëmaꞌ:

Jeremías 9:3 ပူးပေါင်းရင်းမြစ်များ

Génesis 39:16

Piyapinënpita napotahuaton, Cosi nisoꞌhuianatërinsoꞌ taparin. Soꞌin huëcaquë huarëꞌ taparin.

Isaías 1:3

Torosoꞌ, huaꞌanën nohuitërin. Morantaꞌ, huaꞌanëni pëi acotërinsoꞌ, nohuitërin. Israiroꞌsaso piyapinëhuëpita nipirinahuëꞌ, co nohuitërinacohuëꞌ. Co nohuitatonacohuëꞌ, co manta yonquipisohuë pochin niconpi.

Isaías 6:5

Ina yonquiato: “¡Maꞌhuantacha caso nicato chiminarahuë paya! ¡Caso co noyahuëꞌ cancantato naponi nonahuë! ¡Aꞌnapitanta ca pochachin cancantopi nipirinhuëꞌ, inapitarëꞌco yaꞌhuërahuë! ¡Napoaporahuëꞌ, Sinioro yaꞌipi nanitapaton yaꞌipi huaꞌanëntërinso quënanahuë!” tënahuë.

Jeremías 31:34

Co huachi insonta aꞌnapita aꞌchintaponhuëꞌ. Co iin nontaton: ‘Sinioro nohuitëquëꞌ,’ co itaponhuëꞌ. Yaꞌipiya quëran nohuitarinaco. Huaꞌhuishinoꞌsa quëran mashoroꞌsaquë huarëꞌ nohuitarinaco niꞌton, co huachi niaꞌchintaponahuëꞌ. Inapitasoꞌ co noyahuëꞌ nicatona oshahuanpirinahuëꞌ, oshanëna inquitato nanan anoyatarahuë. Ca Sinioroco shaꞌhuitaranquëmaꞌ,” tënin.

Jeremías 6:28

“Yaꞌipi inapitaso Sinioro, co natantochináchinhuëꞌ cancantopi. Nanan paꞌyatopi, nitapicancanpi, napopi. Shaꞌpi huaꞌna pochin, huaꞌnamia pochin cancantopi.

Jeremías 7:26

Pënënpirinquëmahuëꞌ, co natëramahuëꞌ. Shimashonëmapita co natërinacohuëꞌ. Canpitaso napoaponahuëꞌ, aquë aquëtë co natëtëramahuëꞌ,” itërin.

Jeremías 9:5

Inahuara capini ninonpintápi. Co insonta noꞌtëquën noninhuëꞌ. Nonpinápatonaꞌ, noyá noꞌquipi. Pëshonëso pochin cancantatonaꞌ, co huachi nanitopihuë noya cancantacaisoꞌ. Ca Sinioroco shaꞌhuitaranquëmaꞌ: Apira apira maꞌsha nionpotopi. Apira apira ninonpintopi. Piyapinëhuëpita nipirinahuëꞌ, co yanohuitërinacohuëꞌ.

Jeremías 9:8

Nonpachinara, caparihuan shinërë pochin yatëpatopi. Nonpinacaisoráchin cancantopi. Amiconënapita noya nontaponaraihuëꞌ, cancanëna quëransoꞌ, maꞌsha onpotochináchin cancantapi.

Levítico 19:11

Ama ihuatocosohuëꞌ. Ama nonpincosohuëꞌ. Naporahuaton, ama ninonpintocosohuëꞌ.

Marcos 8:38

Ipora tahuëriꞌsaꞌ yaꞌhuëpisopita co noyahuëꞌ nipi. Nitëhuananpitopisopita pochin cancantopi. Tapayatomaco aꞌpohuatamaco, aꞌna tahuëri carimantaꞌ tapayatënquëmaꞌ, aꞌpoaranquëmaꞌ. Nanamëhuë aꞌpohuatamaꞌ, carimantaꞌ oꞌmantahuato, aꞌpoaranquëmaꞌ. Yosë quëran quëmapico niꞌto, aꞌna tahuëri oꞌmantararahuë. Tatahuë pochin huënaratahuato, noya anquëniroꞌsapitaroꞌco oꞌmantararahuë, itërin.

Juan 17:3

Quëmasáchin Yosënquën. Isoroꞌpaquë aꞌpaimaranco. Piyapiꞌsaꞌ nohuitahuatënënquën, cantaꞌ nohuitohuachinaco, nanpimiatapi.

Hechos 24:9

Cotioroꞌsaꞌ huëꞌpisopitantaꞌ inachachin napotopi. “Noꞌtëquën shaꞌhuitërinquën,” itopi.

Romanos 1:16

Co casoꞌ tapanahuëꞌ Quisocristo nanamën aꞌchinaꞌhuaso marëꞌ. Piyapiꞌsaꞌ natëhuachinaꞌ, Yosëri anoyacancantarin. Inaíchin nanitaparin nichaꞌëinpoasoꞌ. Cotioroꞌsariꞌton natëhuachinaꞌ, anoyacancantarin. Iporasoꞌ nisha nisha piyapiꞌsantaꞌ anoyacancantarin. Napoaton paꞌyatërahuë nanamën shaꞌhuicaꞌhuasoꞌ.

Romanos 1:28

Co Yosë yanatëpihuëꞌ niꞌton, inari aꞌporin co noyahuëꞌ nicacaiso marëꞌ. Nitapicancamiatopi.

Romanos 3:13

Chimipi paꞌpitopisoꞌ iꞌsoatopinan pochin napoonin nonpi. Nonpintatonaꞌ, yaꞌhuan tomain yanquëëtërinso pochin naꞌa piyapiꞌsaꞌ aparisitopi.

1 Corintios 15:34

Noꞌtëquën yonquiatomaꞌ, noyasáchin nicoꞌ. Ama huachi tëhuëcosohuëꞌ. Aꞌnaquëmaꞌ co Yosë nohuichátëraramahuëꞌ. Ina yonquiatomaꞌ, tapanacamasoꞌ yaꞌhuërin, tënahuë.

Filipenses 1:28

Aꞌnaquën co Quisocristo imatonahuëꞌ, noꞌhuiarinënquëmaꞌ, aparisitarinënquëmaꞌ. Noꞌhuipirinënquëmaontaꞌ, ama tëꞌhuatocosohuëꞌ. Chiníquën cancantohuatamaꞌ, yonquiapi. “Ma inacha Yosë imapisopitaso paya. Yosëri catahuarin niꞌton, chaꞌësapi. Co imarëhuasopitasohuëꞌ nipirinhuëꞌ, co nichaꞌësarinpoahuëꞌ,” tosapi. Yosëíchin catahuarinpoaꞌ chiníquën cancantacasoꞌ.

2 Timoteo 3:13

Co noyahuëꞌ nipisopita, nonpintëroꞌsaꞌ, inapitasoꞌ aquë aquëtëꞌ co noyahuëꞌ nisapi. Naꞌcon piyapiꞌsa nonpintopi quëran, aꞌnapitarintaꞌ nonpintapi.

Judas 1:3

Carinquëmaꞌ iyaroꞌsaꞌ nosororanquëmaꞌ. Iꞌhuamiáchin yonquirahuë ninshitaꞌhuanquëmaso marëꞌ. Yosë anoyacancantërinpoasoꞌ noya noya yaaꞌchintopiranquëmahuëꞌ, apira nanan natantërahuë. Aꞌnaquënsoꞌ nonpin nanan aꞌchintarinënquëmaꞌ, natantërahuë. Napoaton pënënaꞌhuanquëmasoꞌ yaꞌhuërin, tënahuë. Quisocristo nanamën noꞌtëquën aꞌchintërainquëmaꞌ. Yosë nohuanton, noꞌtëquën ninshitërai yaꞌipi imapisopita nitotacaiso marëꞌ. Nani yaꞌipiya nanamën anitotërinpoaꞌ. Inasáchin natëtomaꞌ, aꞌnapitantaꞌ aꞌchintocoꞌ noꞌtëquën yonquicaiso marë antaꞌ. Ama piꞌpian tërantaꞌ nisha aꞌchintocosohuëꞌ, tënahuë.

Apocalipsis 12:11

Carniroaꞌhua chiminaton, huënainën quëran anoyacancantërinpoaꞌ niꞌton, sopai minsërëhuaꞌ. Nanamën shaꞌhuitatëhuaꞌ, minsërëhuaꞌ. Yatëpapirinënpoahuëntaꞌ, co aꞌporëhuahuëꞌ, tosapi.

Jueces 14:17

Napotopirinhuëꞌ, saꞌinisoꞌ naꞌnëtárin. Canchisë tahuëri pita imapiso nápo chachin naꞌnëtárin. Napotápachina, Sansonso pita taꞌhuantërinso tahuëri maꞌsona tapon naporinso shaꞌhuitërin. Shaꞌhuitohuachina, inaso paꞌsahuaton, inahua capini nishaꞌhuitopi.

1 Samuel 2:12

Iri huiꞌninpitasoꞌ, co noyahuëꞌ cancantopi. Napoatonaꞌ, co Sinioro tëranta tëꞌhuatatonaraihuëꞌ, co noyahuëꞌ nisápi.