Jeremías 9:23 - Chayahuita (Shahui)

²³ Sinioro chachin ina pochin shaꞌhuitërinpoaꞌ. Naquëranchin Sinioro taantapon: “Aꞌnaquëma nani maꞌsha nitotëramaꞌ. Napoapomarahuëꞌ: ‘Ma noyacha caso nitotërahuë paya,’ ama tocosohuëꞌ. Chiníquënquëma nipatamantaꞌ: ‘Ma noyacha caso chinirahuë paya,’ ama tocosohuëꞌ. Nani maꞌsha yaꞌhuëtohuachinquëmantaꞌ: ‘Ma noyacha caso nani maꞌsha yaꞌhuëtërinco paya,’ ama tocosohuëꞌ.

Jeremías 9:23 ပူးပေါင်းရင်းမြစ်များ

Copo naporinso' 41:15

Pinënsoꞌ, iscotoroꞌsa apanshinpiso pochin nininquë yaꞌcopirin. Ina panshinoꞌsasoꞌ, naꞌpi pochin tachitopi.

Salmos 33:5

Noya coisë pochin noꞌtëquën yonquihuatëhuaꞌ, Sinioro nosoroarinpoaꞌ. Yaꞌipiroꞌpaquë ina nosororinpoaso niꞌnëhuaꞌ.

Salmos 34:3

Huëco napopináchin Sinioro chinotahuaꞌ. Chini chiníquën nanantërinso marëꞌ inapotahuaꞌ.

Proverbios 3:5

Ama canpitaora yonquiramaso nicosohuëꞌ. “Yosëíchin catahuarinco,” taꞌtomaꞌ, yaꞌipi cancanëma quëran ina natëcoꞌ.

Eclesiastés 9:11

Isopitantaꞌ, isoroꞌpaquë niꞌnahuë: Taꞌapisopita nicanahuachinara, co chini chiníquën taꞌapisopitaráchin canatopihuëꞌ. Ahuëtohuachinarantaꞌ, co chiníquën cancantopisopitaráchin canatopihuëꞌ. Co yonquínahuan nipisopitaráchin cosharohuanpihuëꞌ. Co yonqui yonquicharapisopitaráchin maꞌhuanpihuëꞌ. Co nitotonoꞌsaráchin piyapiꞌsari noya niꞌpihuëꞌ. Yaꞌipinpoa capainchiaquë huarëꞌ noya ninëhuaꞌ.

Jeremías 31:34

Co huachi insonta aꞌnapita aꞌchintaponhuëꞌ. Co iin nontaton: ‘Sinioro nohuitëquëꞌ,’ co itaponhuëꞌ. Yaꞌipiya quëran nohuitarinaco. Huaꞌhuishinoꞌsa quëran mashoroꞌsaquë huarëꞌ nohuitarinaco niꞌton, co huachi niaꞌchintaponahuëꞌ. Inapitasoꞌ co noyahuëꞌ nicatona oshahuanpirinahuëꞌ, oshanëna inquitato nanan anoyatarahuë. Ca Sinioroco shaꞌhuitaranquëmaꞌ,” tënin.

Daniel 3:15

Iporaso nipirinhuëꞌ, moshacamaso yaꞌhuërin. Mosica piꞌnirahuachinaꞌ, mamanshi anitërahuësoꞌ isonama quëran noꞌpaquë huarëꞌ monshorahuatomaꞌ, moshaaramaꞌ. Coꞌsoꞌ inapohuatamahuëꞌ, naporo chachin orno huënaratapaquë tëꞌyatarinënquëmaꞌ. Inapotohuachinquëmaꞌ, ¡co inso yosë tërantaꞌ, nichaꞌëinquëmaso nanitaponhuëꞌ! itërin.

Daniel 4:37

Iporaso ca Napocotonoco, Yosë inápaquë huaꞌanëntërinso chinotërahuë. Inasáchin noya nicato natërahuë. Inasoꞌ maꞌsha nipachina, noꞌtëquënáchin nisahuaton, noyasáchin ninin. “Caso noya noyaco,” topachina, inari nanitërin atapanacasoꞌ, tënahuë.

Miqueas 6:8

Napopiramahuëꞌ, co inapita Siniorosoꞌ nataninquëmahuëꞌ. Nani inaso maꞌsona nicacasoꞌ shaꞌhuitërinpoaꞌ. Piyapiꞌsa nosoroatëhua paꞌpoyacaso yaꞌhuërin. Maꞌsona nicacasoꞌ shaꞌhuihuatëra, ananicaso yaꞌhuërin. Naporahuaton: “Caora co nanitërahuë noya nicaꞌhuasoꞌ,” taꞌtëhuaꞌ, Sinioroíchin natëcaso yaꞌhuërin.

Marcos 10:24

Ina natanahuatonaꞌ: “¡Maꞌpitacha naporin paya!” nitopi caꞌtanoꞌsanënpita. —Tëhuënchachin iyaroꞌsaꞌ maꞌsharáchin yonquihuatëra, sacaiꞌ Yosë huaꞌanëntërinquë yaꞌconacasoꞌ.

Romanos 1:22

“Yaꞌipiya nitotërai,” topirinahuëꞌ, co noya yonquipihuëꞌ.

1 Corintios 1:31

“ ‘Ma noyacha Yosësoꞌ niꞌton, anoyacancantërinpoa paya,’ nitahuaꞌ. ‘Quiyasoꞌ noya noyacoi,’ ama tocosohuëꞌ,” tënin Yosë quiricanënquë.

Deuteronomio 8:17

‘Quiyaora sacatatoi yaꞌipi isopita maꞌsha canarai,’ ama tocosohuëꞌ.

Filipenses 3:10

Aquë aquëtëꞌ Quisocristo yanohuitërahuë. Iráca nanpiantarahuaton, chini chiníquën nanantërin. Yaꞌipi nanitaparin niꞌton, catahuaincosoꞌ nohuantërahuë. Noya noya nicaꞌhuaso marëꞌ catahuainco, tënahuë. Iráca Yosë natëton, parisitërin. Canpoa marëꞌ chiminin. Iporasoꞌ cantaꞌ aparisitopirinacohuëꞌ, Quisocristo pochin Yosë natëi. Chimininso pochin yaꞌipi co noyahuëꞌ yonquirahuësoꞌ naniantato, noyápiachin cancanchi, tënahuë.

Filipenses 3:8

Ina naꞌcon naꞌcon nohuantato, inasáchin yonquirahuë. Iráca cotioroꞌsaꞌ noya niꞌninaco. Huaꞌanoꞌsaquë huarëꞌ noya niꞌpirinacohuëꞌ, Quisocristo imapatëra, aꞌporinaco. Noꞌhuipirinacohuëꞌ, co ina yonquirahuëꞌ. Iráca yonquirahuësoꞌ amoro pochin nicato, co piꞌpisha tërantaꞌ nohuantërahuëꞌ. Quisocristo nohuitaꞌhuasoráchin nohuantërahuë. Ina nohuitacasoꞌ noya noya, tënahuë. Inasáchin huaꞌanëntërinco.

1 Timoteo 6:10

Coriquiráchin paꞌyatohuatëra, nisha nisha yonquirëꞌ. Co noyahuëꞌ ninëꞌ. Nonpinëꞌ, ihuatërëꞌ, noꞌhuitërëꞌ, ina pochin yonquirëꞌ. Aꞌnaquën coriquiráchin yonquiatonaꞌ, Yosë aꞌpopi. Ina quëran cancanëna quëran co huachi noya cancantopihuëꞌ. Sëtatonaꞌ, chiníquën parisitapi.

1 Samuel 17:42

Coriatori Tapi niꞌpirinhuëꞌ, quëhuashin aintahuaton, noyapin noyapin niꞌtërin niꞌnin. Ina pochin nicaton nocanin.