Jeremías 9:17 - Chayahuita (Shahui)

¹⁷ Siniorosoꞌ yaꞌipi nanitaparin. Ina chachin camaiarinpoaꞌ: “¡Noya natanco shaꞌhuichinquëmaꞌ! Aꞌnaquën sanapiꞌsa canacaiso marëꞌ naꞌnënaꞌpiroꞌsa yaꞌconpi. Inapita përácoꞌ, huëꞌinaꞌ,” tënin.

Jeremías 9:17 ပူးပေါင်းရင်းမြစ်များ

Copo naporinso' 3:8

Panca yaꞌhuan marëquë yaꞌhuërin. Inasoꞌ, Nipiatan itopi. Pënotonoꞌsari pënoitohuachinara, ina anocantopi, topi. ¡Maꞌcha inapitari, naporo tashi pënopihuëꞌ paya! Inapotopi naporini, co mamahuë huaꞌhuaintoncohuëꞌ.

Eclesiastés 12:5

Inapamiachin nanpëhuatan, huëhuëtaran. Iratohuataontaꞌ, aꞌnaroáchin maꞌsha onpoaran. Shinpira yancotërinso pochin motëonta huiritapon. Co huachi chiniatonhuëꞌ, sëquërë tëranta quëquëntaran. Arcapara nara itopiquë ninonënpiranhuë tërantaꞌ, co huachi natëarinhuëꞌ. Nani huachi yaꞌhuëmiatontaranquë yapaꞌsápaton napoaran. Naporaran quëran chiminpatan, naꞌnëroꞌsa noncaropiso natanapi huachi.

Jeremías 7:29

Naquëranchin Sinioro taantarin: “Quirosarinquë yaꞌhuëramasopita. Naporopi ainëma yaquirahuatomaꞌ, tëꞌyatocoꞌ. Inapoatomaꞌ, tanahuantárin panënoꞌsaquë oshaatoma naꞌnëcoꞌ. Piyapinëhuëpitanquëma nipomarahuëꞌ, noꞌhuitënquëma aꞌporanquëma niꞌton, inapocoꞌ.

Amós 5:1

Israiroꞌsanquëmaꞌ. Ipora shaꞌhuitaantaranquëmasoꞌ, noya natancoꞌ: Canpita yonquiatënquëmaꞌ, nichimiantohuatëra sëtatë osharëso pochin nisarahuë.

Miqueas 2:4

Ina tahuëri nanihuachin, sëtatona oshaapiso pochin tëhuacaiso marëꞌ cantarapiaponënquëmaꞌ: ‘Noyá ataꞌhuantërinënpoachi paya. Sinioro piyapinënpitanpoa nipirëhuahuëꞌ, iporasoꞌ aꞌnapita huaꞌanëntërinënpoaꞌ. Inapotiinënpoaso marëꞌ co incari tëranta yaꞌcopirinhuëꞌ. Noꞌpanënpoapitantaꞌ, canarinënpoasopitari nipatomatatonaꞌ, huaꞌanëntopi huachi,’ itaponëmaꞌ,” tënin Sinioro.

Mateo 9:23

Ina quëran huaꞌan pëinënquë canconpi. Naꞌa piyapiꞌsaꞌ quënanconpi, naꞌnërápi, ayanápi. Quinatoroꞌsantaꞌ quënanconpi. Huinatacaiso marëꞌ huëꞌpirinahuëꞌ,

Marcos 5:38

Cairo pëinënquë canconahuatonaꞌ, naꞌa piyapi natanconpi. Chiníquën naꞌnëtonaꞌ, ayanápi.