Jeremías 9:14 - Chayahuita (Shahui)

¹⁴ Co natantochináchinhuëꞌ cancantatonaꞌ, inahuara costapiso imapi. Shimashonënapitari aꞌchintërinso pochachin nonpin yosëroꞌsa moshapi.

Jeremías 9:14 ပူးပေါင်းရင်းမြစ်များ

Génesis 6:5

Napoaponaraihuëꞌ, paꞌpi co noyahuëꞌ cancantopi. Co noyahuëꞌ nicacaisoráchin yonquipi niꞌton, Yosëri co noyahuëꞌ niꞌnin.

Jeremías 2:23

Canpitaso naporamaꞌ: ‘Quiyasoꞌ co mamanshiroꞌsa mosharaihuëꞌ. Co coton tapipinan pochin ninaihuëꞌ,’ toconamaꞌ. ¡Co ina pochin nonamaso yaꞌhuërinhuëꞌ! ¿Maꞌta nipachin Pini-inon motopiananquë onporamaꞌ? ‘Tëhuënchachin co noyahuëꞌ ninai,’ tocoꞌ. Camiyo paya huënaitohuachina itohua itohua taꞌarinso pochin niconamaꞌ.

Jeremías 2:8

Corto huaꞌanoꞌsa co yonirinacohuëꞌ. Piyapinëhuëpita aꞌchinaꞌpiroꞌsantaꞌ, co nohuitërinacohuëꞌ. Huaꞌanënapita co yanatërinacohuëꞌ. Pënëntonaꞌpiroꞌsanta Paaro marëꞌ pënëntonpi. Mamanshiroꞌsa co máquënhuë nipirinhuëꞌ, inapita imapi.

Jeremías 23:15

Caso Sinioroco yaꞌipi nanitaparahuë. Inapita napopiso marëꞌ noꞌtëquën shaꞌhuitarahuë. Máin nininsoꞌ aꞌcatë pochin nitarahuë. Iꞌsha noniapinan oꞌshitatë pochin nitarahuë. Quirosarinquë pënëntonaꞌpiroꞌsa yaꞌhuërinso aꞌchinin quëran yaꞌipi co noyahuëꞌ nipisoꞌ cotioroꞌsa yaꞌhuëpiquë yanquëërin,” tënin.

Jeremías 23:27

Huaꞌnapiso shaꞌhuitonaꞌ, piyapinëhuëpita naniantiinacoso yonisapi. Iráca shimashonënapitantaꞌ, Paaro mamanshi moshacaiso marëꞌ naniantërinaco. Inapita pochachin ipora piyapinëhuëpitanta nisapi.

Jeremías 7:24

Napotopiranquëmahuëꞌ, canpitaso co natëramacohuëꞌ. Co natantochináchinhuëꞌ cancantatomaꞌ, co noyahuëꞌ ninamaꞌ. Casáchin cancantamacoso nipirinhuëꞌ, nisha cancantëramaꞌ.

Amós 2:4

Naquëranchin Sinioro taantarin: “Cota huënton israiroꞌsantaꞌ, paꞌpi co noyahuëꞌ nipi. Aꞌchintërahuësopita nocanatonaꞌ, pënëntërahuësopitanta co natëpihuëꞌ. Shimashonëna moshapiso chachin inapitanta moshaantapi. Napoaton inapitanta anaꞌintaꞌhuaso yaꞌhuërin.

Gálatas 1:14

Cotioroꞌsaꞌ napopisoꞌ chiníquën imato, inasáchin yonquirahuë. Carëꞌ napopináchin piꞌipitopisoꞌ noya natëpirinahuëꞌ, casoꞌ naꞌcon naꞌcon natërahuë. Nani maꞌsha shimashonëhuëpita aꞌchinpisoꞌ yanatëpirahuëꞌ.

Efesios 2:3

Iráca yaꞌipinpoaꞌ co Yosë natërëhuahuëꞌ. Co noyahuëꞌ yonquiatëhuaꞌ, co noyahuëꞌ ninëhuaꞌ. Canpoara nohuantërëhuasoráchin ninëhuaꞌ. Yanoꞌhuitohuatëhuara, noꞌhuitërëhuaꞌ. Yanoꞌpihuatëhuara, noꞌpirëhuaꞌ. Yaahuëtohuatëhuara, ahuëtërëhuaꞌ. Ina marëꞌ yaꞌipinpoaꞌ anaꞌintinpoasoꞌ yaꞌhuërin.

1 Pedro 1:18

Iráca shimashonënpoapita topinan quëran yaꞌhuëpi. Moshatopirinahuëꞌ, co Yosë nohuitopihuëꞌ. Inapita nonanatomaꞌ, canpitantaꞌ topinan quëran yaꞌhuëpiramahuëꞌ, Yosë ocoirinquëmaꞌ ina nohuitacamaso marëꞌ. Ocoiinquëmaso marëꞌ co coriqui pahuërëtërinhuëꞌ. Huiꞌnin chachin aꞌpaimarin. Coriqui, oro, inapita aꞌna tahuëri taꞌhuantarin.