Jeremías 9:12 - Chayahuita (Shahui)

¹² ¿Inta yonquínahuan niꞌton, nanitërin onpoatonsona napopisoꞌ nitotacasoꞌ? ¿Inso pënëntonaꞌpita Yosëri anitotërin niꞌton, nanitërin onpoatonsona napopisoꞌ shaꞌhuitiinpoasoꞌ? Inotërosoꞌ, yaꞌshi yaꞌshin. Co insonta inaquëchin paꞌninhuëꞌ. ¿Onpoatonta iso noꞌpanënpoanta taꞌhuantaton, ina pochin ninin? tënahuë.

Jeremías 9:12 ပူးပေါင်းရင်းမြစ်များ

Salmos 107:34

Noyaroꞌpanta nipirinhuëꞌ, ina nohuanton nitapirin. Yaꞌhuëhuanoꞌsa co noyahuëꞌ nipiso marëꞌ, anaꞌintaton inapotërin.

Salmos 107:43

Yonquínahuan nipatamasoꞌ, shaꞌhuitaranquëmasopita yonquicoꞌ. Yosë nóya nosororinpoasoꞌ, yonquirácoꞌ.

Isaías 42:23

Inapotopiranquëmahuëꞌ, ¡co inso Israiro tërantaꞌ, yanatëtërinhuëꞌ! Naporahuaton co inquëma tëranta maꞌsha onporama quëran cancan yonquicamaso nohuantëramahuëꞌ.

Jeremías 23:10

Yaꞌipi Israiro noꞌpaquë monshihuantëroꞌsa pochin cancantopisopita naꞌamiatërin. Co noyahuëꞌ nicacaisoráchin cancantopisopita naꞌamiatërin. Co noyahuëꞌ ninicatona co nipaꞌpoyapihuëꞌ. Napoaton Siniorosoꞌ ama huachi isoroꞌpaꞌ noyatacaso marëhuëꞌ, shaꞌhuitërin. Inapotërin niꞌton, yanitë pochin ninin. Inotëroquë pastoroꞌsa yaꞌhuërinsopitantaꞌ, huëyarin.

Jeremías 23:16

Siniorosoꞌ yaꞌipi nanitapaton israiroꞌsanpoa pënëninpoaꞌ: “Ina pënëntonaꞌpiroꞌsa maꞌsona pënënpachinquëmaꞌ, ama natëtocosohuëꞌ. Inahuara yonquinëna quëran shaꞌhuitatënëma nonpintárinëmaꞌ. Co cari anitotërahuëso shaꞌhuitërinënquëmahuëꞌ.

Jeremías 23:22

Tëhuënchachin piyapinëhuëpita nipi naporini, imarinacosopita nanamëhuë anitochitonahuëꞌ. Piyapinëhuëpitanta ina nitotatonaꞌ: ‘Tëhuënchachin co noyahuëꞌ ninëhuaꞌ. Huëco paꞌahua ina aꞌporahuatëhuaꞌ, Sinioro natëahuaꞌ,’ niichitonahuëꞌ.

Jeremías 23:28

Aꞌna pënëntonaꞌpi huaꞌnatohuachina, ‘huaꞌnarahuë taꞌa,’ chin. Nanamëhuë chachin natanpachinso napoaponahuëꞌ, ama nisha shaꞌhuiinsohuëꞌ. Tricorayasoꞌ co piꞌpitën pochin nininhuëꞌ. Nanamëhuësoꞌ, tricoraya pochin ninin. Nanamëhuësoꞌ, pën maꞌsha ahuiquitërinso pochin ninin. ¡Panca martichoquë natëtë nipoatërëso pochin ninin antaꞌ! Ca Sinioroco shaꞌhuitaranquëmaꞌ.

Jeremías 9:20

Sanapiꞌsanquëmanta Sinioro nontarinquëmaꞌ natancoꞌ. Noya natanco shaꞌhuitarinquëmaꞌ: “Huaꞌhuama sanapi yaꞌhuëtërinquëmasoꞌ, aꞌchintoco naꞌnëcaisoꞌ. Payaramasopitantaꞌ, aꞌchintoco sëtatona oshaacaisoꞌ.

Oseas 14:9

Yonquínahuan niꞌtomaꞌ, niyátainpichin yaꞌhuëhuatamaꞌ, isoíchin shaꞌhuitaranquëmasoꞌ yonquicoꞌ: “Onpopinsona nanpicasoꞌ Sinioro pënëninpoaꞌ. Inasoꞌ, noꞌtëquënáchin pënëntërin. Noya nipisopitasoꞌ, ina natëpi. Co noyahuëꞌ nipisopitaso nipirinhuëꞌ, co ina natëpihuëꞌ tënahuë,” tënin Osiasë.

Oseas 4:10

Yaꞌipinquëma aꞌporamaco niꞌquëhuarëꞌ, anaꞌintaranquëmaꞌ. Naꞌcon capomarahuëꞌ, co natëaramahuëꞌ. Naꞌcon huiꞌnahuanamaso nohuantopiramahuëꞌ, co huiꞌnahuanaramahuëꞌ,” tënin.

Joel 1:11

Imin camayonquëmaꞌ, shaꞌtëramasopita tapitërinënquëmaꞌ. Trico, sipata, inapita shaꞌpiramahuëꞌ, co huachi nitërinsoꞌ masaramahuëꞌ. Napoaton co napion ancantatomaꞌ, naꞌnëcoꞌ.

Mateo 24:15

Iráca Naniri ninoton, ninshitërin. ‘Aꞌna tahuëri inimicoroꞌsaꞌ Yosë pëinënquë yaꞌconahuatonaꞌ, tapiaponaꞌ. Paꞌpi co noyahuëꞌ nitatonaꞌ inapotohuachinaꞌ, co huachi inaquë Yosë chinotapihuëꞌ,’ tënin. Noꞌtëquën ninorin niꞌton, ina quirica nontohuatamaꞌ, noya yonquicoꞌ.

Deuteronomio 32:29

Yonquinahuanoꞌsa nipi naporini, shaꞌhuitërahuësoꞌ yonquiꞌitonahuëꞌ. Natëtopi naporini, co maꞌsha onpoꞌitonahuëꞌ, tënahuë.

Apocalipsis 1:3

Iso quirica nontohuatamaꞌ, noya cancantaramaꞌ. Ina natanpatamantaꞌ, noya cancantaramaꞌ. Aꞌna tahuëri maꞌsona onpocasoꞌ shaꞌhuitaranquëmaꞌ. Natëhuatamaꞌ, Yosë noya niꞌsarinquëmaꞌ. Ayaroꞌ tahuëri nani yaꞌcaririarinpoa huachi.