Jeremías 7:31 - Chayahuita (Shahui)

³¹ Pini-inon motopianaquë Tohuito marëꞌ artaro nipi. Ina aipi huiꞌninapita ahuiquitopi. Inapocaisosoꞌ, co piꞌpian tëranta camairahuëꞌ. Co piꞌpian tëranta yonquiyatërarahuëꞌ.

Jeremías 7:31 ပူးပေါင်းရင်းမြစ်များ

2 Reyes 23:10

Pini-inon motopianaquëntaꞌ, Moroco mamanshi moshacaiso marëꞌ artaro yaꞌhuërin. Inaquë aꞌnaquën huiꞌnina ahuiquitahuatonaꞌ, ina mamanshi moshapi. Inapopirinahuëꞌ, Cosiasëri camairin ina artaro tapicaisoꞌ. Ama insonta huachi, inaquë huiꞌnina aꞌpëcaiso marëhuëꞌ inapotopi.

2 Reyes 23:20

Coꞌhuara ina artaroroꞌsa ataꞌhuanchátërasohuëꞌ, corto huaꞌanoꞌsa inaquë mamanshi moshapisopita atëpatërin. Ina artaroroꞌsa aipi inapotërin. Inaquë chachin piyapi nansëroꞌsanta ahuiquitopi. Inaporahuaton Quirosarinquë paantarin.

Jeremías 2:23

Canpitaso naporamaꞌ: ‘Quiyasoꞌ co mamanshiroꞌsa mosharaihuëꞌ. Co coton tapipinan pochin ninaihuëꞌ,’ toconamaꞌ. ¡Co ina pochin nonamaso yaꞌhuërinhuëꞌ! ¿Maꞌta nipachin Pini-inon motopiananquë onporamaꞌ? ‘Tëhuënchachin co noyahuëꞌ ninai,’ tocoꞌ. Camiyo paya huënaitohuachina itohua itohua taꞌarinso pochin niconamaꞌ.

Miqueas 6:7

Huaranca carniro, paꞌpi napaiꞌ asitona tomaꞌ, inapita aꞌnotohuatëhuaꞌ, ¿noya cancantërëꞌpoꞌ? Sinioro co natëtëhuahuëꞌ oshahuanëhua niꞌton, pahuërëatë pochin nicacaso marëꞌ, huiꞌnanpoa paninantërëhuasoꞌ quëtohuatëhua ¿noya niꞌnëpënpoaꞌ?” tënamaꞌ.

Deuteronomio 12:31

Ama Sinioro aꞌpocosohuëꞌ. Ama ina yaꞌhuërënamën, mamanshiroꞌsa moshacosohuëꞌ. Inaquë yaꞌhuëpisopitasoꞌ, inapoatonaꞌ co Sinioro costarinsohuëꞌ nipi. Aꞌnaquënsoꞌ, huiꞌninapitaquë huarëꞌ pënquë ahuiquitopi. Mamanshinëna moshacaiso marëꞌ napopi. Ama canpitaso Yosë chinotohuatamaꞌ, ina pochin nicosohuëꞌ.