Jeremías 7:21 - Chayahuita (Shahui)

²¹ Siniorosoꞌ yaꞌipi nanitaparin. Inasoꞌ, israiroꞌsari chinotërin. Ina chachin piyapinënpita itaantapon: “Nohuantohuatamaꞌ, onponta maꞌsha ca marëꞌ tëpacoꞌ. Inapotahuatomaꞌ, oshanëma marëꞌ yaꞌipi ahuiquitocoꞌ. Aꞌnaquëonta tomaquën ahuiquitatomaꞌ, noshinën caꞌcoꞌ.

Jeremías 7:21 ပူးပေါင်းရင်းမြစ်များ

Isaías 43:23

Co ohuicaroꞌsa ca marëꞌ tëpatoma yaꞌipi ahuiquitëramahuëꞌ. Aꞌnaquën maꞌsharoꞌsanta tëparahuatoma piꞌpian ahuiquitacaso nipirinhuëꞌ, co inaporamahuëꞌ. Co yonarin pochin nininso tëranta natananquëmahuëꞌ. Co inapita quëshiamacosoꞌ natanatënquëma apiranquëmahuëꞌ.

Jeremías 14:12

Onponta ayonapirinahuëꞌ, nontërinacoso co natanarahuëꞌ. Oshanëna marëꞌ onponta maꞌsha yaꞌipi ahuiquitopirinahuëꞌ, trico pochin nininsopitanta onponta quëshipirinacohuëꞌ, quëshirinacosopita co noya niꞌsarahuëꞌ. Nani yonquirahuë quira quëran, tanaro quëran, canio quëran, ina quëranpita ataꞌhuantaꞌhuasoꞌ,” itërinco.

Jeremías 6:20

Israiroꞌsanquëmaꞌ, canpitaso Sapa noꞌpa quëran yonarin pochin nininsoꞌ quëshiramaco. Pimo nararoꞌsanta áquë noꞌparoꞌsa quëran quëshiramaco. Inapita quëshipiramacohuëꞌ: ¡Topinan quëran quëshiramaco! Chinotamacoso marëꞌ artaronëhuëquë maꞌsha tëparahuatoma aꞌnaquën yaꞌipi ahuiquitëramaꞌ. Aꞌnaquënsoꞌ, piꞌpiyan ahuiquitëramaꞌ. Inaporamasopita, ¡yaꞌipi co noyahuëꞌ niꞌnahuë!” tënin.

Ezequiel 33:25

Napopiso marëꞌ quëmari ca Sinioroco naporahuësoꞌ shaꞌhuitëquëꞌ: ‘Canpitaso maꞌsha tëpahuatamara, co huënainën inquitapomarahuëꞌ caꞌnamaꞌ. Mamanshiroꞌsa mosharamaꞌ. Piyapiꞌsa tëparamaꞌ. Maꞌsha nohuantohuatamara, aꞌnaroáchin huaꞌna ohuararamaꞌ. Co costarahuësohuëꞌ, ninamaꞌ. Yaꞌipinquëma nitëhuananpitëramaꞌ. Naporamaꞌ. ¿Inapoapomarahuëꞌ, iso noꞌpaꞌ huaꞌanëntapoma ti?’ tënin Sinioro,” itërinco.

Deuteronomio 12:27

Inaquë tëparahuatomaꞌ, Sinioro artaronënquë yaꞌipi ahuiquitapomaꞌ. Ina maꞌsharoꞌsa huënainënsoꞌ, artaro aipi opopomaꞌ. Noshinënso napoaponahuëꞌ, noya capamaso yaꞌhuërin.