Jeremías 7:20 - Chayahuita (Shahui)

²⁰ Napoaton iso noꞌpaꞌ, paꞌpi noꞌhuito anaꞌintarahuë. Piyapiroꞌsaꞌ, maꞌsharoꞌsaꞌ, nararoꞌsaꞌ, sharoꞌsaꞌ, inapita quëran huarëꞌ ataꞌhuantarahuë. Panca pënsoꞌ, co tacopitochináchinhuëꞌ tënëntërin. Ina pochin noꞌhuitërahuësoꞌ nisarin,” itërinco.

Jeremías 7:20 ပူးပေါင်းရင်းမြစ်များ

2 Reyes 22:17

Yaꞌipi Cota huënton israiroꞌsa aꞌporinaco. Inapoatona nisha nisha mamanshiroꞌsa moshacaiso marëꞌ yonarin pochin nininsoꞌ, aꞌpëpi. Naꞌcon co noyahuëꞌ nipiso marëꞌ anoꞌhuitërinaco. Napoaton isëquë yaꞌhuëpisopita anaꞌintaꞌhuaso yaꞌhuërin huachi,’ itocoꞌ,” tënahuë.

Isaías 42:25

Napoaton Sinioro noꞌhuitënquëma anaꞌintërinquëmaꞌ. Ina nohuanton inimicoroꞌsa ahuërinquëmaꞌ. Inapoaton pën quëran anaꞌintërëso pochin nitërinquëmaꞌ. Napotopirinquëmahuëꞌ, co naporo tëranta yonquiramahuëꞌ.

Jeremías 14:16

Pënënpisopitanta ina quëran chachin chiminaponaꞌ. Saꞌinaꞌ, huiꞌninpita, inapitanta chiminaponaꞌ. Nonënanta Quirosarin cachiroꞌsaquë topinan tëꞌyataponaꞌ. Co incari paꞌpitacasoꞌ yaꞌhuëaponhuëꞌ. Inapotato co noyahuëꞌ nipiso marëꞌ, anaꞌintarahuë.

Jeremías 18:23

Quëmaso napoaponahuëꞌ, yaꞌipi yonquirapirinacoso nitotëran. Tëpainacoso marëꞌ napopisontaꞌ, nitotëran. Co noyahuëꞌ nipi niꞌton, ama nichaꞌëquësohuëꞌ. Oshanënanta ama naniantëquësohuëꞌ. ¡Noya noꞌhuitahuaton, anaꞌintomiatëquëꞌ. Iꞌparëso pochin nicatona copichinaꞌ!” itërahuë.

Daniel 9:11

Yaꞌipi israiroꞌsacoi aꞌchintërancoisopita co natëraihuëꞌ. Camaitëransopitantaꞌ, co natëcaꞌhuaiso nohuantëraihuëꞌ. Iráca Moisësë pënëntërinsoꞌ quiricaquë shaꞌhuitërancoi: ‘Caso Yosëco niꞌton, shaꞌhuitaranquëmaꞌ. Iso quirica quëran pënënanquëmasopita co natëhuatamacohuëꞌ, paꞌpi chiníquën aparisitaranquëmaꞌ,’ itërancoi. Co quëma natëtëinquënhuëꞌ panca tëhuërai niꞌton, naporanso chachin iporasoꞌ parisitarai.

Malaquías 4:1

Naquëranchin Sinioro shaꞌhuitaantarinpoaꞌ: “Caso Sinioroco yaꞌipi nanitapato shaꞌhuitaranquëmaꞌ: ‘Niꞌcoꞌ. Co huaꞌquiya quëranhuëꞌ, anaꞌintaꞌhuaso tahuëri naniarin. Ina tahuëri nanihuachin, ornoquë pën huënaratërinso pochin nisarin. Nocantopisopita, co noyahuëꞌ nipisopita, yaꞌipi inapita anaꞌintarahuë. Panca pënquë shinpitë aꞌnaroáchin huëyarinso pochin co noyahuëꞌ nipisopita anaꞌintarahuë.

Mateo 3:12

Cayarinsoꞌ manëso pochin nisarin. Arosë mapatëra, toꞌnorarëꞌ. Ina quëran pintiarahuatëꞌ, pëiquë acorëꞌ. Shaꞌhuëtënso nipirinhuëꞌ, pënquë ahuiquitërëꞌ. Inasoꞌ co onporontaꞌ tacopiarinhuëꞌ, tënin Coansha.

Apocalipsis 14:10

Chiníquën noꞌhuitënquëmaꞌ, main huino oꞌshitërëso pochin anaꞌintarinquëmaꞌ. Parisitopiquë aꞌpahuachinquëmaꞌ, pënquë parisitaramaꞌ. Carniroaꞌhua, anquëniroꞌsaꞌ inapita niꞌtërantapaquë noꞌtëquën anaꞌintarinquëmaꞌ.