Jeremías 7:16 - Chayahuita (Shahui)

¹⁶ Ina quëran Sinioro itaantaponco: “Quëmasoꞌ, ama isopita marëꞌ nontocosohuëꞌ. Ama napion ancantaton nontocosohuëꞌ. Ina pochin ancantaton nontopirancohuë tërantaꞌ, co aꞌpaniaranquënhuëꞌ.

Jeremías 7:16 ပူးပေါင်းရင်းမြစ်များ

Éxodo 32:10

¡Ama manta tëquësohuëꞌ. Isopita paꞌpi anoꞌhuitërinaco niꞌton, apiramiachin tiquichinaꞌi topirahuë! Inapita tiquirahuato, quëma shiparinpita quëran noya noya nacion ocoiarahuë, itërin.

Isaías 1:15

Nontamacoso marëꞌ anquihuatamara, co manta yaniꞌnanquëmahuëꞌ. Naꞌaro nontopiramacohuëꞌ, co natanaranquëmahuëꞌ. Naꞌcon tëpatërama niꞌton, huënaiꞌ imirasáchin pochin niꞌnanquëmaꞌ.

Jeremías 15:1

Aꞌna tahuëri Sinioro nontatonco itaponco: “Israiroꞌsa nichaꞌëahuaso marëꞌ Moisësë, Samoiro, inapita nontopirinacohuë tërantaꞌ, co nosoroꞌitohuëꞌ. Shaꞌhuitëquë noꞌpanëhuë quëran pipiinaꞌ.

Jeremías 15:6

Canpitaso aꞌporahuatomaco, co huachi tahuërëtëramacohuëꞌ. Ca Sinioroco napotaranquëmaꞌ. Noya yonquiantamacoso marëꞌ ninarápiranquëmahuëꞌ, amirahuë. Napoaton anaꞌintatënquëma ataꞌhuantaranquëma huachi.

Jeremías 18:20

Noya nitohuachinacoira ¡co naponinquë iꞌhuërëtëraihuëꞌ! Inahuaso napoaponahuëꞌ, chimipi paꞌpitacaiso marëꞌ noꞌpaꞌ ihuapiso pochin yatëparinaco. Inapita anaꞌintacaso yonquihuatana, ama inapotacaso marëhuëꞌ, nontëranquën. Noꞌhuitëranso sanoaton noya niꞌcamarëꞌ, napotëranquën.

Jeremías 7:17

Cota huënton ninanoroꞌsaquë, Quirosarin cachiroꞌsaquë, inaquëpita napopisoꞌ, ¡quëmanta nani niꞌnan!

Miqueas 3:4

Naporamaso marëꞌ aꞌna tahuëri maꞌsha onpoatoma nontaramaco. Nontopiramacohuëꞌ, co aꞌpaniaranquëmahuëꞌ. Paꞌpi co noyahuëꞌ ninamaso marëꞌ naꞌpitatë pochin nitaranquëmaꞌ,” itërin.

1 Juan 5:16

Aꞌnaquën Yosë imamiataponahuëꞌ, co noyahuëꞌ ninin. Co Yosë aꞌpoaponahuëꞌ, oshahuanin. Inapita marëꞌ Yosë nontahuaꞌ anoyacancanchin. Aꞌnaquënso nipirinhuëꞌ imapirinhuëꞌ, co noyahuëꞌ yonquiaton, Quisocristo chachin aꞌpomiatërin. Aꞌpomiatohuachina, chiminpi pochin cancantantapi. Co inapita marëꞌ Yosë nontacasoꞌ yaꞌhuërinhuëꞌ.