Jeremías 7:15 - Chayahuita (Shahui)

¹⁵ Iprain huënton israiroꞌsasoꞌ, canpita quëmopinëmaꞌ. Napopirinahuëꞌ, noꞌpanëhuë quëran ocoirahuë. Inapochachin canpitanta ocoiaranquëmaꞌ, tënin Sinioro,’ itëquëꞌ,” itërinco.

Jeremías 7:15 ပူးပေါင်းရင်းမြစ်များ

2 Reyes 24:20

Napoaton Siniorori Quirosarinquë yaꞌhuëpisopita noꞌhuiton, co huachi ahuantërinhuëꞌ. Yaꞌipi Cota huëntonquë yaꞌhuëpisopitanta napotërin. Inapotahuaton noꞌpaꞌ quëtërin quëran aꞌparin. Coꞌhuara inapochátërasohuë Sitiquiasësoꞌ, co huachi Napocotono copirno yanatërinhuëꞌ.

Salmos 51:11

Ama aꞌpomiatocosohuëꞌ. Noya nicaꞌhuaso catahuarincoso ispirito, ama cancanëhuë quëran ocoiquësohuëꞌ.

Isaías 7:16

Ina huaꞌhuasha coꞌhuara chinotoaꞌhua nishátërasohuëꞌ, ipora cato copirnoroꞌsa aꞌpayaninquënsopita noꞌpanënaꞌ, ataꞌhuantapona huachi.

Jeremías 15:1

Aꞌna tahuëri Sinioro nontatonco itaponco: “Israiroꞌsa nichaꞌëahuaso marëꞌ Moisësë, Samoiro, inapita nontopirinacohuë tërantaꞌ, co nosoroꞌitohuëꞌ. Shaꞌhuitëquë noꞌpanëhuë quëran pipiinaꞌ.

Jeremías 23:33

(-)

Jeremías 9:19

Quirosarin quëran huarëꞌ yaꞌipi parti naꞌnërantapisoꞌ natanëhuaꞌ. ¡Maꞌhuántacha canpoasoꞌ ataꞌhuantërinënpoa paya! Paꞌpi taparo nitërinënpoaꞌ. Yaꞌipi yaꞌhuërëhuaso tapitërinënpoaꞌ. Yaꞌipi noꞌpanënpoa patacaso yaꞌhuërin.

Ezequiel 33:25

Napopiso marëꞌ quëmari ca Sinioroco naporahuësoꞌ shaꞌhuitëquëꞌ: ‘Canpitaso maꞌsha tëpahuatamara, co huënainën inquitapomarahuëꞌ caꞌnamaꞌ. Mamanshiroꞌsa mosharamaꞌ. Piyapiꞌsa tëparamaꞌ. Maꞌsha nohuantohuatamara, aꞌnaroáchin huaꞌna ohuararamaꞌ. Co costarahuësohuëꞌ, ninamaꞌ. Yaꞌipinquëma nitëhuananpitëramaꞌ. Naporamaꞌ. ¿Inapoapomarahuëꞌ, iso noꞌpaꞌ huaꞌanëntapoma ti?’ tënin Sinioro,” itërinco.

Oseas 1:4

Naporoꞌ Siniorori Osiasë camaiaton: “Huiꞌnan huaꞌhuatërinsoꞌ, Quisiriro itëquëꞌ. Co huaꞌquiya quëranhuëꞌ Quio copirno Quisiriro ninanoquë paꞌpi co noyahuëꞌ nininso marëꞌ shinpita anaꞌintarahuë. Naporahuaton tahuëri nanihuachin, Israiro huëntonquë co huachi copirnoroꞌsa huaꞌanëntaponahuëꞌ. Ina tapon ina pochin huiꞌnan nohuitëquëꞌ.

Oseas 13:16

Samariaquë yaꞌhuëpisopita cari ataꞌhuantarahuë. Co natërinacohuë niꞌton, sahuëni quëran tëpaponaꞌ. Huaꞌhuaroꞌsa masahuatonaꞌ, noꞌpaꞌ huihuiraꞌpiaponaꞌ. Cayoronoꞌsantaꞌ, nichatëraꞌpiaponaꞌ,” tënin.