Jeremías 7:11 - Chayahuita (Shahui)

¹¹ Iso pëi acotërinacososoꞌ, nóya. Canpitariso napoaponahuëꞌ, ihuatëroꞌsa yaꞌhuëpiquë pochin atarantëramaꞌ. “Ina mini iso pëiꞌ,” ama tocosohuëꞌ. Ina pochin cancantëramasoꞌ, nani niꞌnahuë. Caso Sinioroco shaꞌhuitaranquëmaꞌ.

Jeremías 7:11 ပူးပေါင်းရင်းမြစ်များ

Isaías 1:12

Chinotamacoso marëꞌ canpitasoꞌ, pëinëhuëquë huëꞌnamaꞌ. Napohuatamara, canpitaora nohuanton huëꞌnamaꞌ. ¡Pëinëhuë iꞌiratëroꞌsa toꞌquiatoma anëꞌhuëtamasoꞌ, co carima camairanquëmahuëꞌ!

Jeremías 2:34

Popriyaroꞌsaꞌ, co manta tëhuëpisopitahuëꞌ, inapita tëparamaꞌ. Co maꞌsha tëranta onpoasoi quënayatapomarahuëꞌ, inapotëramaꞌ. Huënainëna quëran, aꞌmoramaso tapitatë pochin nitërinquëmaꞌ.

Jeremías 7:10

Napoapomarahuëꞌ, pëi acotërinacoquë huëꞌsahuatomaꞌ, canta chinotaantaramaco. “Sinioro pëinënquë yaꞌhuëhuatëhuaꞌ, co manta onpoarihuahuëꞌ,” tënamaꞌ. Co costarahuëso nisápomarahuëꞌ, “noya inachachin nisápasoꞌ,” toconamaꞌ.

Daniel 9:18

Nosoroatoncoi Sinioro nontaranquënsoꞌ natanquëꞌ. Quirosarinquë pëinën yaꞌhuërin niꞌton, inaquë chinotopirainquënhuëꞌ, ataꞌhuantopi. Ina nicaton catahuacoi: ‘Noya ninaiso marëꞌ Sinioro aꞌpaniarincoi,’ co tënaihuëꞌ. Paꞌpi nosororancoisoꞌ yonquiatoi nontarainquën.

Mateo 21:13

—Yosë quiricanën quëran pënëninpoaꞌ. “Ca nohuanto, pëinëhuë yaꞌhuërin piyapiꞌsaꞌ nontinacoso marëꞌ,” tënin Yosë. Canpitaso nipirinhuëꞌ, ihuatëroꞌsaꞌ yaꞌhuëpiquë pochin nitëramaꞌ, itërin Quisosori.

Marcos 11:17

—Yosë quiricanënquë ninshitërinpoaꞌ. “Ca nohuanto, pëinëhuë yaꞌhuëꞌin nontiinacoso marëꞌ. Yaꞌipi piyapiꞌsaꞌ nisha nisha nananquë nonpisopita nontiinacoso marëáchin acotëranquëmaꞌ,” tënin Yosë. Canpitaso nipirinhuëꞌ, ihuatëroꞌsaꞌ yaꞌhuëpiquë pochin atarantëramaꞌ, itërin Quisosori.

Juan 2:16

Nëpëꞌ paꞌanpisopita itapon: —Isopitantaꞌ quëpacoꞌ. ¡Ama Tatahuë pëinën mircato pochin nitocosohuëꞌ! itërin Quisosori.

Hebreos 4:13

Yaꞌipi ninëhuasopita Yosësoꞌ nitotërin. Poꞌoana quëran nipirëhuahuëꞌ, yaꞌipi niꞌninpoaꞌ. Co piꞌpisha tërantaꞌ inasoꞌ nonpintarihuahuëꞌ. Yaꞌipi yonquirëhuasopitantaꞌ noyá nitotërin. Ayaroꞌ tahuëri yaꞌipinpoaꞌ ninëhuasopita aipitarinpoaꞌ. Naporoꞌ coisë pochin nontarinpoaꞌ. Nontohuachinpoaꞌ, noꞌtëquën shaꞌhuitacasoꞌ yaꞌhuapon.