Jeremías 6:28 - Chayahuita (Shahui)

²⁸ “Yaꞌipi inapitaso Sinioro, co natantochináchinhuëꞌ cancantopi. Nanan paꞌyatopi, nitapicancanpi, napopi. Shaꞌpi huaꞌna pochin, huaꞌnamia pochin cancantopi.

Jeremías 6:28 ပူးပေါင်းရင်းမြစ်များ

Salmos 14:1

Piyapiꞌsa naponin yonquiatonaꞌ, co Yosë yaꞌhuërinhuë pochin cancantopi. Inapoatona chihuëpiso pochin nipi. Co nishinahuën nicatonaꞌ, oshahuanpi. ¡Co aꞌnaya tëranta noya nininhuëꞌ!

Isaías 31:6

Israiroꞌsanquëmaꞌ. Canpitaso co natëtomacohuëꞌ, naꞌcon tëhuëtëramaco. Inapotopiramacohuëꞌ, huëco casáchin natëantaco.

Jeremías 18:18

Aꞌna tahuëri piyapiꞌsa chinotatonaco: “Huëco paꞌahua Irimiasë tëpacaiso marëꞌ shaꞌhuirapiaꞌhuaꞌ. Ama manta naporinso natëahuasohuëꞌ. Corto huaꞌanoꞌsa Yosë nanamën aꞌchintiinpoasoꞌ, co pahuanaponhuëꞌ. Yonquinahuanoꞌsanta pënënainpoasoꞌ, yaꞌhuëapon. Pënëntonaꞌpiroꞌsanta Yosë naporinsoꞌ anitotiinpoasoꞌ, yaꞌhuëapon,” topi.

Jeremías 20:10

Naní quëran pochin tëhuatonaco: “Yaꞌipi parti paꞌyan yaꞌhuërin” itoninaco. Naporahuaton: “Huëco paꞌahua shaꞌhuirapiahuaꞌ,” tosápi. Amiconëhuëpita quëran huarëꞌ tëhuëcaꞌhuaso ninapi. Monatonaco yacanarinaco. “Canarëhua naporini, iꞌhuërëchitërihuahuëꞌ,” topi.

Jeremías 6:30

Naponpiso marëꞌ inapitasoꞌ, ‘prata chiꞌchirotërinso pochin niconpi,’ itaponaꞌ. Aꞌporan niꞌton, inapo nohuitaponaꞌ,” itërahuë carintaꞌ.

Jeremías 7:28

‘Canpitaso Sinioro yaotëatënquëma napotopirinquëmahuëꞌ, co nohuantëramahuëꞌ natëtamasoꞌ. Co ótëinquëmaso tëranta nohuantëramahuëꞌ,’ itëquëꞌ,” itërinco.

Jeremías 9:3

Sinioro naporin: “Israiroꞌsasoꞌ, pëꞌchinanquë shinërë aꞌparëso pochin nonpinchináchin cancantopi. Co huachi noꞌtëquën nonpihuëꞌ. Ninonpintápi. Napoaton aquë aquëtë co noyahuëꞌ yaꞌhuëpi. Co insonta yanohuitërincohuëꞌ. Ca Sinioroco shaꞌhuitaranquëmaꞌ:

Jeremías 9:4

Iporasoꞌ amiconëna tëranta co huachi natëcaso yaꞌhuërinhuëꞌ. Iina tëranta co natëchináchinhuëꞌ, niconin. Inahua capini ninonpintápi. Amiconëna nipirinhuëꞌ, nonpinapipi.

Ezequiel 2:7

Carinquën shaꞌhuitohuatënquën shaꞌhuitëquëꞌ. Co natantochináchinhuëꞌ cancantopi niꞌton, co aꞌna natëponënhuëꞌ nimara.

Levítico 19:16

Ama nanan paꞌyatocosohuëꞌ. Aꞌna piyapi yatëparahuachinaꞌ, ama catahuatëquësohuëꞌ. Ca Sinioroco napotaranquëmaꞌ.

Apocalipsis 11:18

Nisha nisha piyapiꞌsaꞌ noꞌhuirinënquënsopita anaꞌintaran. Yaꞌipi chiminpisopitantaꞌ noꞌtëquën anaꞌintaran. Imarinënquënsopitaso nipirinhuëꞌ, acanaaran. Inso tërantaꞌ natëhuachinquën, inápaquë quëpaaran. Huaꞌanoꞌsaꞌ, topinan piyapiꞌsaꞌ, inapita imapachinënquën, acanaaran. Aꞌnapitaso nipirinhuëꞌ piyapiꞌsaꞌ aparisitatona tëpapi niꞌton, chiníquën anaꞌintaran,” itapi.

Apocalipsis 19:2

Co topinan quëran anaꞌintërinhuëꞌ. Yaꞌipiya noꞌtëquën anaꞌintërin. Monshihuanaꞌpi pochin nininsoꞌ nani anaꞌintërin. Inasoꞌ notohuaroꞌ piyapiꞌsaꞌ anishacancantërin. Imapisopita tëpapi niꞌton, iꞌhuërëtërin,” topi.