Jeremías 6:17 - Chayahuita (Shahui)

¹⁷ Napoaton Siniorosoꞌ, aꞌpaitonaꞌpiroꞌsa pochin nininsoꞌ acorin. Aꞌpaitonaꞌpiroꞌsasoꞌ, huëhuëpiro huëꞌsarinso niꞌpachinara, pomontopi. Ina pochin nicatona pënëntonaꞌpiroꞌsasoꞌ shaꞌhuitopirinëmahuëꞌ, canpitaso co nohuantëramahuëꞌ natëtamasoꞌ.

Jeremías 6:17 ပူးပေါင်းရင်းမြစ်များ

Isaías 58:1

Sinioro shaꞌhuitërinco: “Ama manta tëꞌhuatonhuëꞌ chiníquën nonquëꞌ. Tronpita pihuihuachina irininso pochin niquëꞌ. Piyapinëhuëpita co noyahuëꞌ nipiso marëꞌ pënënquëꞌ. Cacopo quëran pipipisopita oshahuanpiso marëꞌ inapotëquëꞌ.

Jeremías 18:12

Inapitaso napoaponahuëꞌ, napotapënën: ‘Napotápirancoihuëꞌ, co natëarainquënhuëꞌ. Quiyaora nohuantëraisoꞌ nisarai. Co natantochináchinhuëꞌ cancantatoi, co noyahuëꞌ yonquiraiso imapoi,’ itapënën,” itaantarinco.

Jeremías 6:18

Napoaton Sinioro taantapon: “Nisha nisha piyapinquëma yaꞌhuëramasoꞌ, natancoꞌ. Piyapinëhuëpita parisitacaiso yaꞌhuërinso shaꞌhuichinquëmaꞌ.

Jeremías 7:28

‘Canpitaso Sinioro yaotëatënquëma napotopirinquëmahuëꞌ, co nohuantëramahuëꞌ natëtamasoꞌ. Co ótëinquëmaso tëranta nohuantëramahuëꞌ,’ itëquëꞌ,” itërinco.

Ezequiel 3:7

Israiroꞌsaso nipirinhuëꞌ, co nohuantapihuëꞌ natëinënsoꞌ. Ca chachionta co nohuantopihuëꞌ natëinacoso niꞌton, napotarinën. Yaꞌipi inapitasoꞌ, co natantochináchinhuëꞌ cancantopi.

Habacuc 2:1

Ninano aꞌpainaꞌpisoꞌ, inápa toriquë nanpëaton noya yonquitárin. Inapochachin cantaꞌ: ‘¿Maꞌtama Sinioro ichinco paꞌ?’ taꞌto, nináponquën,” itaantarahuë.

Hebreos 13:17

Ansianoꞌsaꞌ pënënpachinënquëmaꞌ, noya natëcoꞌ. Noya noya imacamaso marëꞌ Yosëri acorin. Aꞌna tahuëri inapitantaꞌ yaꞌipi napopisopita Yosë shaꞌhuitapi. Nani tahuëri pënënarinënquëmaꞌ. Noya natëhuatamaꞌ, noya cancantatonaꞌ, aꞌchintarinënquëmaꞌ. Co yanatëhuatamahuëꞌ, sëtapi. Naporahuaton, canpitantaꞌ co noya noya cancantapomahuëꞌ.