Jeremías 6:16 - Chayahuita (Shahui)

¹⁶ Naquëranchin Siniorori piyapinënpita itapon: “Paꞌnamaquë ira niosërarinsoꞌ quënanconpatamara, chiniconamaꞌ. Noya niꞌsahuatoma iracaya ira huayonamaꞌ. Canpitanta chihuërëso pochin cancantohuatamaꞌ, nontoco noꞌtën ira aꞌnotërëso pochin nichinquëmaꞌ. Inasáchin paꞌtohuatamaꞌ sano cancantaramaꞌ,” itërin. Canpitaso napoaponahuëꞌ: “Co nohuantëraihuëꞌ ina ira paꞌtaꞌhuaisoꞌ,” toconamaꞌ.

Jeremías 6:16 ပူးပေါင်းရင်းမြစ်များ

Salmos 116:7

Sinioro nosoroatonco catahuarinco niꞌton, sano cancantaantarahuë.

Isaías 2:5

Cacopo shinpitanpoasoꞌ, ¡huëco Sinioro natëahuaꞌ! Piꞌi aꞌpininquë noya paꞌnëso pochin noya yonquiantaꞌahuaꞌ.

Isaías 28:12

Nani iráca ina shaꞌhuitërinquëmaꞌ: “Cariáchin nanitërahuë asanocancanaꞌhuanquëmasoꞌ. Canotërëso pochin cancantohuatamaꞌ, caquë huëcatomaꞌ, chinotoco,” itërinquëmaꞌ. Napotopirinquëmahuëꞌ, co canpitaso natëramahuëꞌ.

Isaías 46:9

Iráca quëran huarëꞌ nani maꞌsha onpopisoꞌ yonquicoꞌ. Casáchin Yosëco. ¡Co aꞌna ca pochin yaꞌhuërinhuëꞌ! Caso Yosëco. ¡Co insonta aꞌna ca pochin yaꞌhuërinhuëꞌ!

Jeremías 18:12

Inapitaso napoaponahuëꞌ, napotapënën: ‘Napotápirancoihuëꞌ, co natëarainquënhuëꞌ. Quiyaora nohuantëraisoꞌ nisarai. Co natantochináchinhuëꞌ cancantatoi, co noyahuëꞌ yonquiraiso imapoi,’ itapënën,” itaantarinco.

Jeremías 18:15

Piyapinëhuëpitaso nipirinhuëꞌ, naniantërinaco. Nisha nisha mamanshiroꞌsa moshacaiso marëꞌ yonarin pochin nininsoꞌ aꞌpëpi. Iráca pënëntërahuësopita aꞌpopi niꞌton, chihuëatona nisha ira paꞌtopiso pochin nipi.

Jeremías 2:25

Canpitasoꞌ, mamanshiroꞌsa paꞌyatonëmaquë patë patë́rantaramaꞌ. Inapoatoma sapatë toꞌquiramaꞌ, yaniconopiraramaꞌ, naporamaꞌ. Ama inapocamaso marëhuëꞌ pënënpiranquëmahuëꞌ: ‘Co naporinhuëꞌ, nisharoꞌsa nosoroato, inapita imasarahuë,’ toconamaꞌ.

Jeremías 31:21

Israiroꞌsanquëma papoma pochin ira paꞌtëramaquë nohuitamaso marëꞌ maꞌsha tëranta acotocoꞌ. Huënantahuatamaꞌ, co sacaihuëꞌ nohuitaramaꞌ. Yaꞌipi ira paꞌtëramasoꞌ noya níracoꞌ. ¡Israiroꞌsanquëma yaꞌhuëramaquë chachin huënantacoꞌ!

Jeremías 7:23

Isocha tëhuënchinsoꞌ camairahuë: ‘Yaꞌipi camaitërahuëso natëcoꞌ. Inapohuatamaꞌ, ca Yosënëmaco nisarahuë. Canpitantaꞌ, piyapinëhuëpita nisaramaꞌ. Onpopinsona cancantamasoꞌ, nani camairanquëmaꞌ. Ina chachin nicoꞌ. Inapohuatamaꞌ, noya yaꞌhuëaramaꞌ,’ itëranquëmaꞌ.

Jeremías 7:24

Napotopiranquëmahuëꞌ, canpitaso co natëramacohuëꞌ. Co natantochináchinhuëꞌ cancantatomaꞌ, co noyahuëꞌ ninamaꞌ. Casáchin cancantamacoso nipirinhuëꞌ, nisha cancantëramaꞌ.

Malaquías 4:4

Tiquiapon pochin Siniorosoꞌ pënëntaton: “Piyapinëhuë Moisësë itopisoꞌ, Sinai motopiquë pënëntërahuësoꞌ aninshitërahuë. Ama ina naniantatomarahuëꞌ, yonquiráco. Inaquë nanamëhuë, camaitërahuësopita, inapita israiroꞌsanquëma natëcamaso marëꞌ quëtëranquëmaꞌ.

Lucas 16:29

Napotohuachina, Apraani itërin: ‘Coꞌta Yosë quiricanën yaꞌhuëtopi. Inaquë Moisësë, pënëntonaꞌpiroꞌsaꞌ, inapita ninshitopi nontatonaꞌ nitotacaiso marëꞌ. Inapita natëinaꞌ,’ itërin Apraani.

Juan 12:35

—Iporáchin tahuëri pochin aꞌpintaranquëmaꞌ. Co huachi huaꞌquiꞌ yaꞌhuapohuëꞌ. Aꞌpininso pochin noꞌtëquën anitotëranquëmaꞌ. Anitotohuatënquëmaꞌ, noya nicoꞌ. Niꞌcona tashinan pochin cancantotamaꞌ. Tashinanquë iratohuatëra, chihuërëꞌ.

Juan 13:17

Nani nitotëramaꞌ ipora. Ca pochin nipatamaꞌ, nóya cancantaramaꞌ.

Juan 5:39

Yosë quiricanën naꞌcon nontëramaꞌ. ‘Ina nontohuatëhuaꞌ, nanpimiatacaiso marëꞌ anitotarinpoaꞌ,’ tënamaꞌ. Napopiramahuëꞌ, co tëhuënchachin natëramahuëꞌ. Ina quiricaquë chachin ninorinaco.

Hechos 17:11

Inaquë yaꞌhuëpisopitaso nipirinhuëꞌ nóya yonquipi. Co Tisaronicaquë yaꞌhuëpisopita pochinhuëꞌ. Paonori aꞌchintohuachina, nóya natanpi. “Paonosoꞌ noꞌtëquën aꞌchinamara,” taꞌtonaꞌ, nani tahuëri Yosë quiricanën noyásha nontapi noꞌtëquën nitotacaiso marëꞌ.

Romanos 4:12

Cotioroꞌsantaꞌ Apraan pochin natëtohuachinara, huiꞌninpita pochin nipi antaꞌ. Co marca niacotopiso marëꞌ noya cancantopihuëꞌ. Coꞌhuara marca niacochatërasohuëꞌ, Apraansoꞌ natëtërin. Aꞌnapitantaꞌ ina pochin cancantohuachinara, Yosëri noya niꞌsarin.

Deuteronomio 32:7

Tahuërëtërëso pochin nicatomaꞌ, iráca chachin naporinso yonquiricoꞌ. Tataparima natanco shaꞌhuichinquëmaꞌ. Mashoyaroꞌsanta natanco anitochinquëmaꞌ.

Colosenses 2:6

Yaꞌnan imapomaꞌ, Quisocristo anoyacancantërinquëmaꞌ. Inasáchin huaꞌanëntërinquëmaꞌ. Iporahuantaꞌ inasáchin natëtomaꞌ, imamiatocoꞌ.

Hebreos 11:2

Iráca quëran huarëꞌ ina pochin cancantohuachinara, Yosëri noya niꞌnin.

Hebreos 6:12

Ama amitomarahuëꞌ, naꞌcon Yosë yonquicoꞌ. Noya natëpisopita nonancoꞌ. Inapitasoꞌ imamiatapi. “Yosë noꞌtëquën nontërinpoaꞌ,” taꞌtonaꞌ, noya natëapi. Maꞌsha onpoaponaraihuëꞌ, noya ahuantapi. Iráca Yosëri shaꞌhuitërinso chachin ninapi.

Jueces 2:17

Inapotopirinahuëꞌ, israiroꞌsaso co inapita natëantapihuëꞌ. Sinioroíchin chinotacaiso marëꞌ, inapitariso pënënpirinahuëꞌ, israiroꞌsaso co inasáchin cancantopihuëꞌ. Nisha nisha mamanshiroꞌsa moshapi. Shimashonënapitasoꞌ, Sinioro camaitërinsopita natëpi. Inapitaso nipirinhuëꞌ, co inapita pochin nipihuëꞌ.