Jeremías 38:23 - Chayahuita (Shahui)

²³ Yaꞌipi saꞌanpita, huiꞌnanpita, inapita papironiaroꞌsaquë yocaponaꞌ. Quëmanta co chaꞌësaranhuë niꞌton, Papironia copirnoquë yocaponën. Naporahuatona Quirosarin ninanontaꞌ, iꞌchinpitaponaꞌ, itërahuë.

Jeremías 38:23 ပူးပေါင်းရင်းမြစ်များ

2 Reyes 25:7

Niꞌtonënquë chachin huiꞌninpita tëparaꞌpiapi. Yaꞌhuërëꞌ inaso ocoshorayarahuatonaꞌ, Papironiaꞌpaꞌ catinaquëtopinan quëpapi. Copirno camaitërinso chachin nipi.

Jeremías 37:8

Papironiaroꞌsa patopirinënquëmahuëꞌ, naquëranchin ahuëinëmaso marëꞌ huëantaponaꞌ. Ahuërahuatënëmaꞌ, minsëarinëmaꞌ. Inapoatona yaꞌipi Quirosarin ninano iꞌchinpitaponaꞌ. Canpitasoꞌ: “Papironia sontaroꞌsa nani patërinënpoaꞌ,” tonamaꞌ. Napoatoma noya cancantëramaꞌ. Co napoapihuëꞌ.

Jeremías 38:18

Co inapohuatanhuëꞌ, papironiaroꞌsa minsërahuatënquëmaꞌ, iso ninanonëma matarinquëmaꞌ. Inapotatona iꞌchinpitaponaꞌ. Inapohuachina quëmantaꞌ, co chaꞌëponhuëꞌ,” itërahuë.

Jeremías 38:24

Napotohuatora: —Chimirin tëꞌhuatohuatansoꞌ, ama inso tëranta napotërancosoꞌ shaꞌhuitëquësohuëꞌ.