Jeremías 37:21 - Chayahuita (Shahui)

²¹ Napotohuatora copirnosoꞌ, aꞌpaito sontaroꞌsa pëi iꞌiratënënquë acoinacosoꞌ camaitërin. Naporahuaton ina camaitërin quëran nani tahuëri pan quëshirinaco. “Pan camayoroꞌsa cachi” itopiquë nipisoꞌ quëshirinaco. Ninanoquë capamia capacaiso nicaquë huarëꞌ aꞌpaito sontaroꞌsa pëi iꞌiratënënquë yaꞌhuëárahuë.

Jeremías 37:21 ပူးပေါင်းရင်းမြစ်များ

2 Reyes 25:3

Pascoa yoqui quëran cara yoqui iscon tahuëri imasahuasoꞌ, Quirosarin ninanoquë cosharo taꞌhuantërin. Naporoꞌ Papironia sontaroꞌsasoꞌ, Quirosarin ninano pairanën pacoantopi. Napoaton Sitiquiasësoꞌ, sontaronënpitarë chachin naporo tashi taꞌapi. Cato paira yaꞌhuërinso parti yaꞌcoana yaꞌhuërintaquëchin pipipi. Copirno yancoronëntaquëchin ira yaꞌhuërinso masahuatonaꞌ, paꞌpi. Papironia sontaroꞌsa aꞌpaitapirinahuëꞌ, Cortaniiꞌ motopiana parti taꞌapi.

Copo naporinso' 5:20

Tanaro tahuëriꞌsa nipachin, co chiminaponhuëꞌ. Quira tahuëriꞌsantaꞌ, co tëpaponënhuëꞌ.

Salmos 37:19

Parisitacaso tahuëri canquihuachin, co tapanaponahuëꞌ. Tanaro tahuëriꞌsanta nipirinhuëꞌ, natëaquë huarëꞌ coshataponaꞌ.

Salmos 37:3

Canpitaso noya nicatoma Sinioro natëcoꞌ. Inasáchin cancantatoma isoroꞌpaquë yaꞌhuëcoꞌ.

Jeremías 20:2

Ina natanaton camaitërin: “Irimiasë huihuirahuatomaꞌ, nontëroꞌsaquë nantëquën acatëntocoꞌ,” tënin. Napohuachina inapotërinaco. Ina nontëroꞌsasoꞌ, “inapa Mincamin yaꞌcoana” itopiquë yaꞌhuërin. Ina yaꞌcoanasoꞌ, Yosë chinotacaso pëi pirayan yaꞌhuërin.

Jeremías 38:13

Inapohuatora quëmapiꞌsasoꞌ, noninoꞌsa huëntëntahuatonaꞌ, ocoirinaco. Ina piquëran aꞌpaito sontaroꞌsa pëi iꞌiratënënquë, yaꞌhuëantarahuë.

Jeremías 38:28

Inapoato, aꞌpaito sontaroꞌsa pëi iꞌiratënënquë yaꞌhuëárahuë. Quirosarin yaꞌcontatona minsëai huarëꞌ inaquë yaꞌhuërahuë.

Jeremías 38:6

Inapitasoꞌ natanahuatonaꞌ, maconinaco. Noninoꞌsaquë aꞌsonahuatonaco, iꞌsha tapainanquë aꞌpamarinaco. Tanónën nisharo niꞌton, inaquë yaꞌcorotomarahuë. Ina iꞌsha tapainansoꞌ, copirno huiꞌnin Marquiasë itopisoari huaꞌanëntërin. Aꞌpaito sontaroꞌsa iꞌiratënënquë yaꞌhuërin.

Jeremías 38:9

—Quëmasoꞌ sinioro copirno chiníquën nanantëran. Irimiasë iꞌsha tapainanquë poꞌmotona paꞌpi co noyahuëꞌ nipi. Inaquëso tanari tëpapon. Ninanoquënta capa pan nirarin huachi, itërin.

Mateo 6:33

Napoaton Yosë naꞌcon naꞌcon yonquicoꞌ. Aꞌnapitantaꞌ catahuacoꞌ huaꞌanëntërinquë yaꞌconacaiso marëꞌ. Yosë nontocoꞌ noyasáchin yonquicamaso marëꞌ. Ina pochin cancantohuatamaꞌ, catahuarinquëmaꞌ. Ina nohuanton, maꞌsha pahuantërinquëmasopita yaꞌhuëtarinquëmaꞌ.

Hechos 12:5

Pitro tashinan pëiquë yaꞌhuapirinhuëꞌ, Quisoso imapisopita Yosë nontapi. Pitro marëꞌ chiníquën Yosë nontapi.

Hechos 24:27

Catoꞌ piꞌipi nanihuachina, nisha huaꞌan yaꞌcoantarin, Porsio Pisto itopisoꞌ. Huirisësoꞌ pipirin huachi. Pipiponahuëꞌ, co Paono ocoirinhuëꞌ. “Cotioroꞌsaꞌ noꞌhuihuachinaco,” taꞌton, co ocoirinhuëꞌ.

Hechos 28:16

Ina quëran Nomaquë chachin canconai. Capitansoꞌ paꞌsahuaton, prisoroꞌsaꞌ quëparin tashinan pëiquë poꞌmocaiso marëꞌ. Paonoso nipirinhuëꞌ co inaquë poꞌmopihuëꞌ. “Nohuantohuatan, quëmaora yaꞌhuëquëꞌ,” itopi. Napoaton aꞌna pëiquë yaꞌhuërin. Nipirinhuëꞌ, aꞌna sontarori aꞌpairarin ama taꞌacaso marëhuëꞌ.

Hechos 28:30

Ina quëran catoꞌ piꞌipi Paono inaquë yaꞌhuërin. Aꞌnantërinsoꞌ pëiquë yaꞌhuëhuachina, naꞌa piyapiꞌsari nicaponaꞌ huëꞌpi. Huëꞌpachinara, noya nontërin.

Efesios 4:1

Quisocristo nanamën aꞌchinahuëso marëꞌ tashinan pëiquë poꞌmopirinacohuëꞌ, iporahuantaꞌ pënënáranquëmaꞌ. Yosë nichaꞌëtënquëmaꞌ, huëntonënquë ayaꞌconinquëmaꞌ. Napoaton noyasáchin nicoꞌ.

Efesios 6:20

Quisocristo chachin aꞌparinco aꞌchintaꞌhuaso marëꞌ. Ina marëꞌ tashinan pëiquë poꞌmorinaco. Poꞌmopirinacohuëꞌ, Yosë nontocoꞌ ama tëꞌhuaisohuëꞌ. Chiníquën cancantato, aꞌninquëchin aꞌchintaꞌhuasoꞌ yaꞌhuërin.

2 Timoteo 1:8

Ama tapanatonhuëꞌ, Sinioro nanamën aꞌchináquëꞌ. Ina aꞌchinahuëso marëꞌ tashinan pëiquë poꞌmorinaco. Ama ina marëntaꞌ tapanquësohuëꞌ. Quëmantaꞌ aꞌchinanso marëꞌ aparisitohuachinënquën, chiníquën cancantëquëꞌ. Napohuatan, Yosë catahuarinquën noya ahuantamasoꞌ.

2 Timoteo 2:9

Ina aꞌchinahuëso marëꞌ parisitërahuë. Noꞌhuitonaco, tashinan pëiquë poꞌmorinaco. Apinaꞌpi pochin nicatonaco, catinatërinaco. Inapotopirinacohuëꞌ, Yosë nanamënsoꞌ co nanitopihuëꞌ inapotacaisoꞌ. Nisha nisha parti aꞌchinapi niꞌton, nahuinin.